يجب فحص السيارة جيدا حتى لو كانت زيرو

السلام عليكم ورحمة الله وبركاتة
بحكم سفرى المتكرر من المنصورة الى القاهرة والعكس بلاقى وخصوصا بعد الساعة 12 او 1 بعد نص الليل عربيات زيرو لسة معلقتش نمر خارجة من القاهرة ورايحة المحافظات
كل معرض باعت واحد او اتنين او تلاتة يستلموا العربيات من القاهرة ويوصلوها لغاية المعرض
وبيبقوا طايرين بيها ( طايرين فعلا) مش اقل من 160 او 180 - طبعا ماهو الطريق ليل وفاضى
اولا العربيات دى المفروض تليين لانها زيرو وطبعا مش مشكلة ماهى مش باينة
ثانيا مش هتعرف انها جت ماشية مش منقولة على عربية لانهم بيبقوا شايلين سلك العداد عشان ميسجلش كيلو متر
ثالثا والاهم - (( الحوادث ))
كتير بلا قى بعد ما يعدونى بشوية الاقى ناس ملمومة على حادثة ابص الاقى عربية من اللى كانوا طايرين دول ( الزيرو )
طبعا انا بشوف ناس هنا فى المنصورة تخصص تصليح عربيات زيرو عاملة حادثة وبيرجعوها زى الاول ولا باين عليها - اكياس الكراسى بتبقى لسة عليها مش بس كدة الاستيكر الابيض كمان مش بيتشال من عليها ولو اتشال بيلزقوا غيرة ومعظم العربيات دى او تقريبا كلها من محافظات تانية
انا شفت مرة وانا ماشى عربية الانترا زيرو مركبة ربع خلفى العربية لونها فضى والربع لونة سماوى العربية سليمة لدرجة انى شكيت انى شايف اللون غلط - تعمدت انى اراقبها لغاية لما تخلص عشان اشوف شكلها بعد الرش - لقيت قدامى عربية كانها زيرو واقفة قعدت اسال هى دى قالولى ايوة - مش ممكن تطلع فيها اى عيب وكانت ملاكى القاهرة - لدرجة انى فقدت الثقة فى شراء اى عربية

الموضوع دة منتشر جدا وكتير
ياريت اللى يشترى عربية زيرو يكشف عليها كويس جدا جدا جدا

وحاجة كمان
سمعة العربيات ملاكى الدقهلية وحشة جدا فى السوق
وتكلم واحد يقوللك اوعى تقرب من اى عربية ملاكى دقهلية
انا كنت عاوز اصحح المعلومة دى
بتوع المنصورة ناس( ركيبة ) يعنى بيحبوا يركبوا العربية السليمة جدا
عشان كدة بينقل الملكية لنفسة
لكن انا عاوز اوصللكم ان معظم العربيات اللى بتتوضب هنا فى المنصورة من محافظات تانية وبيجيبوها هنا عشان عندنا احسن ناس صنايعية وبترجع تانى بلدها
يعنى مش شرط ملاكى الدقهلية تكون مش سليمة - بالعكس جدا
انت لو اشتريت عربية ملاكى دقهلية من صاحبها ( مش من تاجر )تاكد انها هتكون سليمة - الا نادرا جدا لكن الغالبية محافظين ونضاف جدا مع عربياتهم

انا اسف للاطالة بس حبيت اوضح والكلام جاب بعضة

توضيح
في العربيات الجديدة صعب جدا جدا فصل عداد الكيلومتر غير زمان
لكن سهل تصفيره او تقليله

اقتباس:

---

المشاركة الأصلية كتبت بواسطة karim_monir

توضيح
في العربيات الجديدة صعب جدا جدا فصل عداد الكيلومتر غير زمان
لكن سهل تصفيره او تقليله

---

ايا كان الطريقة المهم النتيجة
اصل انا كنت طيب اوى - ولما كنت بشوف العربيات دى طايرة كنت بقول اول حاجة لازم اكشف عليها فى العربيات الزيرو هى العداد
لغاية لما عرفت الموضوع دة
دة طبعا قبل ما كنت اعرف ان المعرض ممكن يغش ويعرض عربيات متصلحة
كان عندى ثقة فظيعة اوى بالمعارض - وكانت صدمة افقدتنى الثقة فى اى معرض

اقتباس:

---

المشاركة الأصلية كتبت بواسطة karim_monir

توضيح
في العربيات الجديدة صعب جدا جدا فصل عداد الكيلومتر غير زمان
لكن سهل تصفيره او تقليله

---

+11111

مش بس أثناء نقلها و كمان أثناء نزولها من العبارات و هيا جاية لسه في الميناء ساعات بيكون الرامب عالي و بتحك من تحت و هيا و نصيبها بقي زي ماتيجي (مقص - كارتيرة موتور - علبة شكمان - .....)

و انا شخصيا اتلسعت من الموضوع ده في عربيتي لما أستلمتها و لاقيتها بتحدف شمال و بعد كده طلع ان فيه تأخير في المقص الشمال نتيجة خبطة

هما العمال الى بيخلو العربية زيرو فى المنصورة إسمهم إيه ويا ريت عنوانهم دا أنا العربية عندى كل لما أظبطها تبوز من الصنايعية الأى كلام

اقتباس:

---

المشاركة الأصلية كتبت بواسطة eslam.elrefaey

هما العمال الى بيخلو العربية زيرو فى المنصورة إسمهم إيه ويا ريت عنوانهم دا أنا العربية عندى كل لما أظبطها تبوز من الصنايعية الأى كلام

---

انا كان قصدى على السمكرة والدوكو
لكن المنصورة مليانة صنايعية زى الفل فى كل المناطق وكل التخصصات
جربت تروح خلف حى غرب خلف منصور شيفرولية
والشوارع اللى قدام ماركت عوض الله الجديد فى المجزر
وفى تلات شوارع امام حى غرب نفسة
فى مناطق كتير جدا

مرة كنت راجع من اسكندرية( زراعى)
الساعة 2 الظهر
لاقيت واحد من بتوع المعارض دول راكب عربية افيو وطاير بيها
انا قولت اشد معه ااشوفة بيعمل ايه
انا كنت اربت على160 وهوة جه مسقط غيار وطار بعديها ماشوفتوش
ينهار اسود
وعربيتى النيسان برضة الواد اللى كان جايبهالى من المعرض جاى بيها 160 وكيك داون وهرى العربية وهوة جاى
حسبى الله ونعم الوكيل
عقدهم النفسية بقى تطلع على العربية ماهو اللى شارى العربية د ابن تيت
وامه اللى جايبهالو ومش طالع عينو فيها وفى تمنها ولا حاجة
ولسه ياما هانشوف فى البلد دى

انتا ممكن تصفر العداد عادي بس عند الفحص ع الكمبيوتر حيبان الرقم الحقيقي للكيلو

المصرية للسيارات 90% من العربيات بتيجي طيران...طيران ارضي و ليس جوي
و العدادات بيبقى مكتوب فيها 150 كيلو او اكتر و الناس بتشتري
المعارض المحترمة زي رويال اوتوموتيف هي اللي بتجيب العربيات على لوري.... شايف بعيني عربيات لوجان بتنزل من اللوري عنده...

اقتباس:

---

المشاركة الأصلية كتبت بواسطة m.osman

المصرية للسيارات 90% من العربيات بتيجي طيران...طيران ارضي و ليس جوي
و العدادات بيبقى مكتوب فيها 150 كيلو او اكتر و الناس بتشتري
المعارض المحترمة زي رويال اوتوموتيف هي اللي بتجيب العربيات على لوري.... شايف بعيني عربيات لوجان بتنزل من اللوري عنده...

---

اعتقد والله اعلم مش عشان هى محترمة
يمكن عشان معندهمش عدد عاملين ينقلوا كمية السيارات المستوردة مرة واحدة
ههههههههههههههههههههههههه هههههه

حاملة السيارات دى بتشيل من 10 الى 12 عربية فمنطقى جدا انة لو جايب كمية كبيرة هينقلهم على حاملة
لكن لو عربيتين او تلاتة هيجيبلهم حاملة مخصوص ؟؟؟ مستحيل طبعا

المشكلة ان مفيش جهة بتلمهم وتعلمهم الأدب....

والله الواحد لازم بفصص العربية حتة حتة
علشان يطمن

للأسف انا اشتريت العربيه من غير ما اشوف العداد (عارف انى غبى ) ومشفتش العداد الا وانا برخص بعد الفحص وكانت المفاجأه
العربيه عامله 820 كيلو ,,,
والعربيه زيرو وباللزق الابيض وباين عليها زيرو وريحة الزيرو ....
طبعا" مكنتش عارف اعمل ايه خصوصا" الوقت كان ضيق جدا" ومكنش ينفع ارجع العربيه بعد ما تقريبا" رخصت
المهم رضيت بالامر الواقع وفضلت مقلق فتره وانزل تحت العربيه واقلب فيها لغاية لما اطمنت ان مفيهاش حاجه والحمدلله ....

هو ممكن يبقى فيها حاجه وانا مش واخد بالى ولو فيها حاجه اعمل ايه ؟؟!!

انا كان جنب بيتي القديم مركز خدمه معظم شغله العربيات الزيرو اللي محتاجه تصليحات وكمان كانت معظمها بتاعه معرض اسمه المسعود الكلام ده في 2002 وكانت كذا عربيه بشوفهم عنده بالشكل ده

وبالنسبه للسيارات ملاكي الدقهليه انا اتعلمت حاجتين في شراء المستعمل
1- ماشتريش عربيه تكون بتوكيل لازم الرخصه تكون باسم اللي بيبيع
2- ماشتريش اي عربيه ملاكي دقهليه حتي لو بتاعه اخويا وكان عايش هناك ورخصها مرور الدقهليه وشوفوا التجار في سوق العاشر مدينه ناصر

طيب انا اكشف عليها ازاي !!
يعني مثلا ونا بستلمها انزل تحت العربية واقعد ابص ... ممكن يكونوا ظبطوها لو اتحكت ولا حصل فيها حاجة ... لو متصلحة قبل كده ..هعرف ازاي ؟
ايه متوسط الكيلومترات اللي ممكن اقبلها ؟

اقتباس:

---

المشاركة الأصلية كتبت بواسطة ehabbasha30

اعتقد والله اعلم مش عشان هى محترمة
يمكن عشان معندهمش عدد عاملين ينقلوا كمية السيارات المستوردة مرة واحدة
ههههههههههههههههههههههههه هههههه

حاملة السيارات دى بتشيل من 10 الى 12 عربية فمنطقى جدا انة لو جايب كمية كبيرة هينقلهم على حاملة
لكن لو عربيتين او تلاتة هيجيبلهم حاملة مخصوص ؟؟؟ مستحيل طبعا

---

ممكن طبعاً يكون كلام حضرتك صح
و فعلاً اللي كان مساعد المصرية ان عندهم عدد كبير ... لدرجة ان ناس من بتوع السيلز بينزلوا مع السواقين القاهرة يجيبوا العربيات ... و كانوا بيخدوا عربية من المخزن ينزلوا بيها... ( ! )

:dzey:

انا عربيتي الجاية لو كوري هروح اجيبها من مصنعها هناك ... لو الماني هروح المانيا اخدها في مركب من هناك ... دا حاجة تنرفز

اقتباس:

---

المشاركة الأصلية كتبت بواسطة ahmed88hassan

طيب انا اكشف عليها ازاي !!
يعني مثلا ونا بستلمها انزل تحت العربية واقعد ابص ... ممكن يكونوا ظبطوها لو اتحكت ولا حصل فيها حاجة ... لو متصلحة قبل كده ..هعرف ازاي ؟
ايه متوسط الكيلومترات اللي ممكن اقبلها ؟

---

اعتقد اقل من 50 كم كويس

انا شاري عربيتي من معرض كانت ماشية 70

انا كنت شغال في معرض عربيات

و عايز اقولك استحااااااااااااااااااااا الة كنا بنجيب عربية على ونش الا لو صاحبها دفع المشوار رايح جاي

و زي ما انتوا قلتوا العربيات كانت بتيجي طايرة
و كانت الفيشة بتاعت العداد بتكون مفصولة عشان العربية ماتعدش
الا في بعض العربيات اللى مش كنا بتعرف الفيشة مكانها فين او مكنش فيها فيشة اساسا
زي الاسكودا ( اللى بعد كده عرفنا مكان الفيشة ) هههههههههههههه

و طبعا زي ما استاذ كريم قال
جميع العدادات بتاعت الجديد ممكن تتصفر او تقلل الكيلوات زي ما انت عايز

بس اللى هيبين و انت بتشتري ان العربية مشيت كتير ولا لأ حالة الكاوتش
و النقوش بتاعته
هي عايزة ملاحظة قوية جدا بس دي الحاجة الوحيدة اللى ممكن تبين


و بعدين و انتى بتشتري عربية جديدة
لازم تشيك على كل حاجة
الاستبن - النور - طقم العدة - التكييف ( بارد و سخن ) الاريال لو كان كهرباء - الكاسيت شغااااااال ولا لأ - الزجاج- الاشارات - الموتور من جوه - العتب بتاع العربيه ( ممكن تلاقي عربيات واكلة خبطه من تحت لا قدر الله ) - حاول على قد ما تقدر العربية تكون باللزق بتاعها عشان الخدوش ( لأن الطيارين اللى بيجيبوا العربيات ممكن يكون ماشي ورا عربية رمل ولا حاجة ) -
حاجة تانية
العربيات بتيجي بالتراب بتاعها
حاول تخلي المعرض يغسلك العربية قبل ما تستلمها عشان لو فيه خدوش ولا حاجة
لو افتكرت حاجة تانية هقولكم

بس مع العلم كل اللى بقوله ده خلاصة عيوب اكتر من 500 عربية و انواع مختلفة شوفتها بدءا من الماروتي نهاية بالبي ام الفئة الثالثة و الباسات الهاي لاين

بس و الله كنا انا و زمايلي بنحاول نوضح للناس عيوب كل عربية على قد ما نقدر

اقتباس:

---

المشاركة الأصلية كتبت بواسطة mohamed.raafat

انا كنت شغال في معرض عربيات

و عايز اقولك استحااااااااااااااااااااا الة كنا بنجيب عربية على ونش الا لو صاحبها دفع المشوار رايح جاي

و زي ما انتوا قلتوا العربيات كانت بتيجي طايرة
و كانت الفيشة بتاعت العداد بتكون مفصولة عشان العربية ماتعدش
الا في بعض العربيات اللى مش كنا بتعرف الفيشة مكانها فين او مكنش فيها فيشة اساسا
زي الاسكودا ( اللى بعد كده عرفنا مكان الفيشة ) هههههههههههههه

و طبعا زي ما استاذ كريم قال
جميع العدادات بتاعت الجديد ممكن تتصفر او تقلل الكيلوات زي ما انت عايز

بس اللى هيبين و انت بتشتري ان العربية مشيت كتير ولا لأ حالة الكاوتش
و النقوش بتاعته
هي عايزة ملاحظة قوية جدا بس دي الحاجة الوحيدة اللى ممكن تبين


و بعدين و انتى بتشتري عربية جديدة
لازم تشيك على كل حاجة
الاستبن - النور - طقم العدة - التكييف ( بارد و سخن ) الاريال لو كان كهرباء - الكاسيت شغااااااال ولا لأ - الزجاج- الاشارات - الموتور من جوه - العتب بتاع العربيه ( ممكن تلاقي عربيات واكلة خبطه من تحت لا قدر الله ) - حاول على قد ما تقدر العربية تكون باللزق بتاعها عشان الخدوش ( لأن الطيارين اللى بيجيبوا العربيات ممكن يكون ماشي ورا عربية رمل ولا حاجة ) -
حاجة تانية
العربيات بتيجي بالتراب بتاعها
حاول تخلي المعرض يغسلك العربية قبل ما تستلمها عشان لو فيه خدوش ولا حاجة
لو افتكرت حاجة تانية هقولكم

بس مع العلم كل اللى بقوله ده خلاصة عيوب اكتر من 500 عربية و انواع مختلفة شوفتها بدءا من الماروتي نهاية بالبي ام الفئة الثالثة و الباسات الهاي لاين

بس و الله كنا انا و زمايلي بنحاول نوضح للناس عيوب كل عربية على قد ما نقدر

---

متفق معاك ... و انا على فكرة كنت في المصرية للسيارات و مشيت بس موضوع اللزق بتاع العربية دا ... انا افضل ان كل واحد بيستلم عربية يشيله و يبص تحته ... لأن بيحصل ان عربيات تكون واخدة نقر من عربية شايلة حاجة .... و بعدين يلزقوا لزق فوقها !

اقتباس:

---

المشاركة الأصلية كتبت بواسطة M.Osman

متفق معاك ... و انا على فكرة كنت في المصرية للسيارات و مشيت بس موضوع اللزق بتاع العربية دا ... انا افضل ان كل واحد بيستلم عربية يشيله و يبص تحته ... لأن بيحصل ان عربيات تكون واخدة نقر من عربية شايلة حاجة .... و بعدين يلزقوا لزق فوقها !

---

و الله انا مش متاكد من
انا بشوف عربيات اللزق لما بيتشال ما ينفعش يتلزق تاني بنفس الجوده

بس المصرية معرض كبييييييييييييييييييييييي يييييييييييير جدا
ولا مجال للمقارنة اساسا

فحضرتك طبعا خبرتك هتكون اكبر:satelite:

اقتباس:

---

المشاركة الأصلية كتبت بواسطة mohamed.raafat

و الله انا مش متاكد من
انا بشوف عربيات اللزق لما بيتشال ما ينفعش يتلزق تاني بنفس الجوده

بس المصرية معرض كبييييييييييييييييييييييي يييييييييييير جدا
ولا مجال للمقارنة اساسا

فحضرتك طبعا خبرتك هتكون اكبر:satelite:

---

لا لا لا ... خبرة اية بس ... و معرض كبير اية
صلي عالنبي

دول كانوا اقل من اسبوعين... و الحمد لله

المشكله ان الموضوع ده مش فى المعارض بس
ده فى بعض التوكيلات كمان
يعنى حتى لو بتشترى من توكيل توقع اى شىء
والمصيبه انم حقك صعب تاخده بمجرد استلامك للعربيه
ودى حاله منهم
http://www.nilemotors.net/Nile/147301-a.html

اقتباس:

---

المشاركة الأصلية كتبت بواسطة momopersona

المشكله ان الموضوع ده مش فى المعارض بس
ده فى بعض التوكيلات كمان
يعنى حتى لو بتشترى من توكيل توقع اى شىء
والمصيبه انم حقك صعب تاخده بمجرد استلامك للعربيه
ودى حاله منهم
http://www.nilemotors.net/nile/147301-a.html

---

يا الله

الموضوع ده بيفكرني بمرة كنا عندنا في المعرض

و كنا باعتين سواق يستلم عربية جيلي mk من التوكيل ( احنا كنا واخدين موزع معتمد )
المهم العربية جت
و طبعا كان عليها تراب بالعبيط
و غسلنا العربية
و اتفاجئنا ان العربية كانت راشة السقف الحتة اللى فوق الباب ( السقف من الجناب مرشوش و من النص عادي )
طبعا السواق بتاعنا اتفرم على اساس ان العربية معيوبة و ما ينفعش يستلمها
و اتكدر ساعتها انه راح رجعها تاني

واحد قريبى جاب كورولا زيرو وهوا بيرخص المهندس قاله شيل اللزق الابيض بعد ماشاله لقى فى حافة السقف من قدام فى النص نقره صغيره
وعلى الكبوت برضه لقى واحده صغيرة...فا ياريت الواحد يفحص العربيه
حتة حتة مدام هتدفع فلوس يبقى لازم تاخد حقك وبعدين ممكن قبل ماترخص تطلع على التوكيل وتعمل فحص للعربية عشان لو فيها اى حاجة تطلع على جهاز حماية المستهلك

دي حاجة مقلقة جداً .. العربيات كلها غش وخداع

ابقى خد معاك بعد كده ميكانيكى وعفشجى للمعرض قبل ماتلبس العربيه

اقتباس:

---

المشاركة الأصلية كتبت بواسطة karim_monir

توضيح
في العربيات الجديدة صعب جدا جدا فصل عداد الكيلومتر غير زمان
لكن سهل تصفيره او تقليله

---

ازاي يا باشا انا لما استلمت عربيتي كان الراجل بعت سواق يجيبها من طنطا
واما استلمتها لقيتها ماشية 7 كيلو بس
وعداد السرعه مش شغال ولا الار بي ام
اما قولتله قالي طب ثواني افتح الكبوت وراح موصل كابل كان مفصول
واعداد اشتغل وبقي يقرا كيلوات
فيه سلك بيفصل القراية عن العداد

اقتباس:

---

المشاركة الأصلية كتبت بواسطة ahmed88hassan

طيب انا اكشف عليها ازاي !!
يعني مثلا ونا بستلمها انزل تحت العربية واقعد ابص ... ممكن يكونوا ظبطوها لو اتحكت ولا حصل فيها حاجة ... لو متصلحة قبل كده ..هعرف ازاي ؟
ايه متوسط الكيلومترات اللي ممكن اقبلها ؟

---

اولا تاخد معاك سمكرى موثوق فية ( سمكرى او بتاع دوكو مش ميكانيكى) وتخلية يفصصهالك وينزل تحتها ويقلب فيها ولو حبيت ترفعها كمان متترددش
انا مرة زمان قبل ما اعرف الموضوع دة - كنت ماشى فى الشارع ولفت نظرى ناس ومعاهم واحد شكلة صنايعى وكانوا واقفين قدام ماروتى ((مش بى ام)) والراجل عمال يبص فى العربية باهتمام جدا وبكل ما اوتى من خبرة لما كان ناقص يفك حتة حتة يكشف عليها ضحكت و قلت فى نفسى هو بيعمل كدة لية فى عربية زيرو هو لسة حد ركبها وبعدين فهمت بعد كدة

اقتباس:

---

المشاركة الأصلية كتبت بواسطة esam_comm

انا كان جنب بيتي القديم مركز خدمه معظم شغله العربيات الزيرو اللي محتاجه تصليحات وكمان كانت معظمها بتاعه معرض اسمه المسعود الكلام ده في 2002 وكانت كذا عربيه بشوفهم عنده بالشكل ده

وبالنسبه للسيارات ملاكي الدقهليه انا اتعلمت حاجتين في شراء المستعمل
1- ماشتريش عربيه تكون بتوكيل لازم الرخصه تكون باسم اللي بيبيع
2- ماشتريش اي عربيه ملاكي دقهليه حتي لو بتاعه اخويا وكان عايش هناك ورخصها مرور الدقهليه وشوفوا التجار في سوق العاشر مدينه ناصر

---

يعنى حضرتك هتبقى مبسوط ومطمئن انك تشترى عربية ملاكى اى محافظة تانية وتكتشف انها كانت متظبطة قبل كدة ؟
عشان تبقى عارف ( لو كنت حضرتك اخدت بالك من كلامى) تجار الحوادث فى كل حتة مش المنصورة بس وحتى بتوع المنصورة كمان كلهم نفس النظام - بيشتروا عربيات حوادث بتكون ملاكى قاهرة اسكندرية سيناء ...... اى مكان -وبعدين اقرب مكان يرجعوا فية العربية زى ما كانت هى المنصورة - وطبعا مش بينقل الملكية يعنى هتفضل بنمرها
عشان كدة مش شرط انك تخاف من ملاكى الدقهلية
اسال واحد قاعد فى المنصورة وانت تعرف ( انا مش تاجر ولا شريك فى ورشة سمكرة عشان ادافع عنهم دة مجرد توضيح لمعلومة خطأ )
وياسيدى الدنيا كلها فيها الكويس والوحش - وكدة او كدة بلاش تشترى من اى تاجر لا من الدقهلية ولا غيرة - اشترى من صاحب العربية

الدنيا اخر ساعه
خلاص كل حاجه قاعده بتبوظ

اقتباس:

---

المشاركة الأصلية كتبت بواسطة n.a.j.d

الدنيا اخر ساعه
خلاص كل حاجه قاعده بتبوظ

---

والله الكلام دة هنا فى مصر بس
الدنيا كلها فى الطالع واحنا اللى فى النازل
المسئولين شالوا ايديهم وانشغلوا بتحصيل الفلوس والمشاريع وسابوا اللى تحت ( الشعب يعنى ) من غير قانون وبقينا نتعامل بقانون الغابة- القوى ياكل الضعيف والكبير ياكل الصغير
حسبى الله ونعم الوكيل
مش خايفين من يوم الحساب

لو بتشترى زيرو اكشف على العربية كانها مستعمل بالضبط و لو حتى بتشترى BMW او Mercedes لانها مش مشكلة ماركة و لا توكيل و لا حتى معرض ديه مشكلة ضمير مات من زمان

حسبي الله ونعم الوكيل
اتاري كنت معدي جنب معرض عندنا في مدينة نصر لقيت واحد بيستلم عربية لانسر ومعاه الميكانيكي اللي كنت بتعامل معاه فقلت هو واخده ليه بس مش هي زيرو.

اقتباس:

---

المشاركة الأصلية كتبت بواسطة esam_comm

انا كان جنب بيتي القديم مركز خدمه معظم شغله العربيات الزيرو اللي محتاجه تصليحات وكمان كانت معظمها بتاعه معرض اسمه المسعود الكلام ده في 2002 وكانت كذا عربيه بشوفهم عنده بالشكل ده

وبالنسبه للسيارات ملاكي الدقهليه انا اتعلمت حاجتين في شراء المستعمل
1- ماشتريش عربيه تكون بتوكيل لازم الرخصه تكون باسم اللي بيبيع
2- ماشتريش اي عربيه ملاكي دقهليه حتي لو بتاعه اخويا وكان عايش هناك ورخصها مرور الدقهليه وشوفوا التجار في سوق العاشر مدينه ناصر

---

ياباشا محتاج منك كام إجابه لي اني اتخدعت وعملت حدثه بي العربيه بعد شرائها بي شهرين والعربيه ادمرت علي الاخر وخسرتها

1- ماشتريش عربيه تكون بتوكيل لازم الرخصه تكون باسم اللي بيبيع
ليه السبب انك متشتريش العربيه بتوكيل اصل العربيه الي عملت بيها حدثه كنت شريها من واحد اخوه كان عمله توكيل وبعهالي ياريت ترد عليا ضروري علشان الحياه تعلم ولزم نخد خبره من الاقدم مني لي اني اعترفت ان الحياه مش مهاره سواقه فقط لا ومهاره شراء ومهاره نقاوه الجيده

وبرضه فيات بتجيب على ونش مش سواقه

اقتباس:

---

المشاركة الأصلية كتبت بواسطة azmeralda

وبرضه فيات بتجيب على ونش مش سواقه

---

التوكيلات كلها تقريبا بتجيب عربياتها على اوناش - لانها بتجيب كميات كبيرة مرة واحد وساعات ونشين او تلاتة كمان
لكن المشكلة فى المعارض اللى بتشترى عربيتين او تلاتة من التووكيل وتعرضها عندها - تفتكر هيجيب تريللا لنقلهم ؟؟؟؟؟ لا طبعا مستحيل

استحالة تلاقي معرض يجيب عربية لعميل على ونش
إلا طبعا لو العميل دفع المعلوم

و على فكرة برضه موضوع العربيات اللى المعارض بتجيبها طايرة بيبقى ليها ميزة واحدة ( و هي ان العربية الموتور بتاعها بيتفتح + لو فيه اي عيب في الموتور السواق بيكتشفه )
غير بقا العيوب التانية
و طبعا كده كده انت كعميل لو العربية مش عجبتك انت حر
انت بتشتري حاجة بفلوس ولازم تكون كاشف عليها كويس

فيه حاجة تانية لفتت نظري

انا مش عارف هي العيب فيها من ايه
عندنا في مصر البافارية بتقفل العربيات bmw و بتقفل البريليانس برضه
بس لما تشوف التقفيل و الفرق بين العربيتين
بجد بستغرب

اول ما البريليانس نزلت frv و كنت بشوفها كنت بلاحظ بجد عيوب التقفيل ( لحامات باينة - شنطة مش مضبوطة الابعاد ) و حاجات تانية
تيجي تشوف البي ام عمررررري ما لقيت حاجة زي كده

و برضه نفس الموضوع بالنسبة لبعض السيارات اللى بتتقفل في مصر
موقف حصلي ايام ما كنت في المعرض
كان فيه نوعية ميكروباصات 7 راكب اسمها باندا ( صيني تقفيل مصري )
المهم كان واحد من المصنع جايب لنا ميكروباص و كان سايقه
و انا بقا عملت فتك
و قلت استلمه منه
المهم الميكروباص من بره زي الفل
جيت ادور الميكروباص شغااااال
اجي ادي غيار مفيش
اجيب غيار خلفي مفيش برضه
نديت عليه ( ايه يا عم الميكروباص مش عايز يمشي ليه )
قالي معلش اصله لسه طالع من المصنع طازة
و قام نازل تحت الميكروباص و قعد يخبط
و قام اخده و ركنه

معلش انا طولت شويتين
( بس نفسي اعرف الضمير بيروح فييييييين) حرام اللى بيحصل ده