الموضوع: انا والنوبيرا والشكمان تاني , انا زهقت

انا بعانى من نفس المشكلة على فكرة غيرت 3 علب بيئة كلفونى اكتر من 1500ج و فى الاخر فضضضيت الفحم الى فى العلبة و عملت ماسورة و عملتلها مصفا ة لحمتها جوة علبة البيئة و وصلتها بالشكمان العربية سحبها بقا احسن لكن الصوت زى ما هو المشكلة انة انا عندى مشكلة فى الماتور و ما بقتش عارف الخشانة و النعرة دية منة و الا من الشكمان انا لسة راجع من مركز صيانة قالى انة الوصت من سوستة الشكمان

صوت النعرة (وليست الخشونة) ده من سوستة الشكمان وبيبان جدا عند 2000 دورة وحتي 3000 دورة وبعدين بيقل مع ارتفاع دوران المحرك
ده سببه السوستة الامامية للشكمان ، حلها التغيير بس المشكلة ان لو الشكمان مكتوم بسبب علبة البيئة مثلا او لاي سبب اخر الحمل كله بيبقي علي السوستة وبتحمص وبتسرب وبتعمل صوت النعرة الشهيرة بها الدايو وبتبوظ تاني

انا مشكلتي دلوقت اني عايز الحق السوستة الي لسه متغيرة من 5000كلم وخايف عليها لتبوظ تاني، بس عايز اتاكد من ان المشكلة في الشكمان مش في حاجة تانية ، ومش عارف مين الي ممكن يدلني علي العيب فين

انا نويت اغير سوستة الشكمان ان شاء الله لو الصوت منع هقولكم بدل ما كلنا ندبس ونعمل نفس الحاجة

المشكلة ديه قابلتنى يا جماعة و طبعاً عشان أنا من سنه 96 و أنا أستويت من إشتغالات الصنيعية الى فاهمه و ألى مش فاهمه ,عملت أيه ؟
قارنت بين علبة أبو اليزيد ألى كانت راكبه فى العربية و العلبة ألى جبها الصنايعي لاقيت أختلاف ما يخدش باله منه إلا ألى بيدقق أوي يعنى لو حبيت تغيير العلبه أتعب شويه و هات من مكان موثوق فيه مش أى علبه و السلام .لأن فيه علب كتير مكتوب عليه أبو اليزيد و برده مضروبه ,
المهم لغيت تغيير العلبه و الحمد لله كان رأى صائب و لكن غيرت السوسته و المشكلة يا جماعة إن فيه سوسته لو نظرت إليها من الداخل تلاقيها حلزونيه و ديه لو ركبت هي ألى بتعمل صوت الصفاره يعنى تتعب و تجيب السوسته ألى مش حلزونيه من الداخل لو صنايعى نظيف و فاهم هيبقى عارف تيجى منين .
و بالنسبة لعلبة البيئه غيرتها بمصفاه عملها الصنايعى عمولة و هى عبارة عن ماسورة أقصر من طول العلبة بشوية و بيخرمها داير ما يدور و بيأخذ فى الموضوع ده حوالى 100 جنيه عموله فك وتركيب و خامات .
و رجعت العربيه 100 % و لله الحمد,,,,,
ولكن إذا كانت العربيه سحبها ضعيف يبقى ساعتها لازم تغير العلبه ولكن ذى ما أتفقنا مش أى علبه والسلام
و شكراً

المشاركة الأصلية كتبت بواسطة ahmed_nubira

يظهر المشكله ملهاش حل....انا عندى شخوله تحت بتيجى عند 2 ار بى ام فى اى نقله.....رحت لبتاع شكمان قالى مفيش اى حاجه وانا لو مش براعى ربنا هفتح شغل وكلام كتير كده...والشخلله شغاله ومش عارف اعمل ايه؟

السلام عليكم صوت الشخلله ألى أنت بتقول عليها هى صوت علبة البيئة فضيت من الفحم ألى كان فيها وأظن إنك شارى السيارة مستعملة بمعنى أن المالك ألى قابلك غيير علبة البيئة بمصفى ذى ما ذكرت فى ردى سابقاً و لكنها أتفكت من جوه و هى ألى بتسبب الصوت . ياريت تبلغنى عملت أيه.

السلام عليكم ,




الصوت السبب
-نعرة علبة البيئة فضيت من الفحم
-الصفارة سوسته حلزونية من الداخل ويجب التغيير
-شخولة اللحام الداخلى لعلبة البيئة أتفك من الداخل -صوت عالى أثناء السير بجانب الرصيف علبة الشكمان الخلفية أو الأماميه غير جيده (ما بتكتمش العادم كويس)
و أظن إن السيارة النوبيرا بشكل عام حديثة بمعنى إن علب الشكمان ما تلحقش يحصلها حاجة إلا إذا كانت اتخرمت أو أتخبطت لاى سبب كان عموما لما علبه البيئة بتفضى بتؤثر فى علبه لشكمان الخلفيه و لكن تأثير طفيف جدا غير ملحوظ لأنهاعلبه البيئة لما بتفضى يصبح سرعة خروج لعادم أكبر و بيفضى علبة الشكمان من الصوف الحرارى و لكن مش لازم تتغير لانها ذى ما قولت ملهاش تأثير كبير.