كل البيتالزاوية يخشو: مطلوب المشاركة من الجميع "" تظبيط بيتلز من الالف الي الياء ""
بـــــســم الله الرحـمــــن الرحــــيـــــم
انا طبعا زيكم تمام من عشاق البيتلز العربية التاريخية اللي تعتبر في رأي أعرق عربية في التاريخ
و طبعا بدأت قصتي معاها من اول ما بدأت اسوق و دلوقتي
المهم عشان مطولش عليكم
انا بما اني من عشاقها فيهمني اني احاول اجدد فيها عشان تكون الافضل في كل شيء
1 الاداء
2 القوة
3 الثبات
4 الشكل
هو دة الموضوع بإختصار هنتكلم الاول عن الاداء و القوة " الموتور " اية مواتير تنفع تتصقطلها
طبعا كلنا بنسمع ان ممكن يركبلها موتور السوبارو و الــــبــورش و المازدا بس بيركبوة برا
و الجولف و بيركبوة بتوع المكروباصات
طيب بالنسبة للعربيات البيتلز اللي في مصر محدش عارف لسة ؟
يبقي اهم حاجة نعرفها اية ممكن يتسقطلها و اهم حاجة عند مين لاني سألت كذا ميكانيكي من فصيلة حافظين و مش فاهمين قالولي لا مينفعش و الكلام دة برا مش هنا و الكلام اللي ملوش لازمة
فاية ممكن ينفعلها ؟ و بيتجاب منين ؟ و هتكون اسعارهم كام ؟ و مين ينفع يركبهم ؟
نيجي للثبات اعتقد ان البيتلز كتصميم هي اكثر عربية في العالم متتقلبش الا في حالات نادرة يعني من اثبت العربيات اللي موجودة لكن بردو نعمل اللي علينا اية هو انسب مقاس كاوتش للبيتلز ؟
اخيرا نيجي للشكل الخارجي
و دي احسن ميزة في العربية دي شكلها تحفة بمعني الكلمة و الا مكنوش عملو منها النيو بيتلز بتاعة 2001 و محدش يقوللي لا هما عملوها عشان العربية اساسا ككل هقولة لا طبعا و الدليل
ان العربية نيوبيتلز لا تمت بصلة للبيتلز التاريخية الا في الشكل فقط
نرجع تاني ونقول طب لو عايزين نظبطها نظبطها ازاي و عند مين " سمكرة و دوكو "
مع ان في ناس بتحاول تخليها شبة النيو بيتلز بس بصراحة شكلها بيبقي مقرف لكن الي عندو اي فكرة يقولها
و بالنسبة للشكل الداخلي في اكيد افكار عندكم ياريت نعرفها غير الطارة الاسبور و دي اسعارها بتبدأ من 100 النضيفة شوية
نيجي لاهم حاجة و هي مشاركاتكم اي حد عندو اي معلومة حتي لو صغيرة يقولها لانها اكيد مهما كانت صغيرة اكيد هتنفع جامد
ياريت من الكل يقول اراءة و الحاضر يعلم الغايب مش شرط مالكي البيتلز بس اي حد بيفهم فيها يخش يقول رأية
