أخيرااااااا أستلمت ال m11 ان شاء الله تقرير مطول قريبا part2

**dr_hadota** · 28-06-2010 12:56 AM

بسم الله الرحمن الرحيم
تقريري لاليوم الثاني لm11

شغل تكييفك .. (جربته وشغال زي الثالاجه)
اشاراتك ...(الحمد لله شغاله زي الفل)
شبورتك ....(الحمد لله شغاله زي الفل)
مساحاتك ...(الحمد لله شغاله زي الفل)
سنسور النور و المساحات الاوتوماتيك....(الحمد لله شغاله زي الفل)
ولاعتك و مخرج الكهربا الزيادة(شغالين )
انوار الصالون و الانوار الخلفية للقراءة(الحمد لله شغاله زي الفل)
جرب تمشي وانت رافع الهاند تكة واحدة علشان تشوف انذار سنسور التابلوه و تسمع الزمارة ...(شغاله وبتعمل صوت عالي)
جرب تمشي من غير حزام علشان تشوف انذار سنسور التابلوه و تسمع الزمارة ...(شغال وبتعمل صوت عالي)
جرب تمشي وانت فاتح الباب علشان تشوف انذار سنسور التابلوه و تسمع الزمارة ...(شغاله وبتعمل صوت عالي)
اقفل العربية بالريموت و افتح الشنطة او البيبان بالمفتاح علشان تشوف الانذار........شغال
جرب تفتح الشنطة وانت ماشي - المفروض ماتفتحش-(فعلا مبتفتحش)
جرب فراملك المفاجأة في التراب علشان تحس ال(جرتها اكتر من 20مره والحمد لله شغال)ABS
جرب مروحة التكييف علي كل اوضاعها(لا لسه)
حرك الفتحات بتاعة الهوايات في كل الاتجاهات(شغاله )
مكن الزجاج و مشاويرة و وحدات الرفع(شغاله)
جرب السي دي و الميموري كارد و اليو اس بي بورت و الراديو بكل موجاته(الحمد لله كله شغال معادا فتحه اليو اس بي بتعلق علشان هو مش مدي زي الكبل اللي كان بيطله في الاول ده مدي كبل معفن)
زراير السنتر و فصل الزجاج من السائق بالاضافة لكل زجاج لوحده(كله شغال)
المرايات الكهربا(شغاله)
الدركسيون طالع و نازل(شغال)
الكراسي و مخادع الراس بتكاتها التلاتة(شغاله)
بص علي سوائل العربية "معظمها ملون ظاهر"(تمام)
حاول تراجع علي مسارات الكاوتش داير ما يدور الزجاج و البيبان و المرايات لتعديل اي انعواج او انضغاط

الحمد لله العربيه تحفه فنيه مش اي عربيخ

دي الحمد لله كويسه
والبنسبه للتسقيف لا يوجد خالص غير لو انت مش ظابت رجلك(حتى اخويا بيتعلم عليها السواقه لا تسقف معه)
وعقبا تقرير صيانه الالف كيلو معلش يا جماعه الصور مش حلوه اوي علشان انا كنت لسه مستلم وفي الطريق للبيت

[

**emad7759** · 28-06-2010 03:00 AM

الف الف الف الف مبررررررررررررررررررررررر ررررررررررررررررررررررررر ررررررررررررررررررررررررر ررررررررررررررك

وربنا يكفيك شرها ويديك خيرها

بس ياباشا السكه موجوده فى جميع الام 11 وده اللى اتقال من المهندس المسؤال فى ابو الفتوح

لان العربيه متصممه على بنزين 93 وليس 92 فياريت متقنعشى نفسك ان العربيه ليس بيها سكه

وبعدين احنا تعبنا من قصه اظبط رجليك وهى متسكش

ده كلام غير صحيص بالمره الاكلام ده لما اكون طالع على الغيار الثانى

وربنا يكرمك وتكون من احسن العربيات

**emad7759** · 28-06-2010 03:01 AM

معلشى نسيت اقول لك انتا استلمت من عند عيسى

**hemaa_82** · 28-06-2010 10:31 AM

..........................
مبروك

**aftr** · 28-06-2010 11:07 PM

الف الف مبروك احسنت الاختيار وان شاء الله تكون احسن العربيات mmmmmmmmmmmmmmmmm11 مفيش بعد كده مهما قالو وعادو هتفضل هيه الافضل

**dr_hadota** · 29-06-2010 02:07 AM

المشاركة الأصلية كتبت بواسطة emad7759

معلشى نسيت اقول لك انتا استلمت من عند عيسى

لا من المصريه

**emad7759** · 29-06-2010 09:45 AM

من المصريه فرع طنطا يعنى هتعمل الصيانه فى عيسى

خلى بالك المهندس اللى فى عيسى اسمه محمد وبجد راجل زى الفل وعارف هوه بيعمل ايه

بس للاسف انه يعطبر لمهندس الوحيد اللى شايل المركز اللى فى طنطا بس الشهاده لله عنده ضمير جامد

وناس بجد فى عيسى زى الفل

والف مبروك مره تانيه

**dr_hadota** · 29-06-2010 10:21 AM

المشاركة الأصلية كتبت بواسطة emad7759

من المصريه فرع طنطا يعنى هتعمل الصيانه فى عيسى

خلى بالك المهندس اللى فى عيسى اسمه محمد وبجد راجل زى الفل وعارف هوه بيعمل ايه

بس للاسف انه يعطبر لمهندس الوحيد اللى شايل المركز اللى فى طنطا بس الشهاده لله عنده ضمير جامد

وناس بجد فى عيسى زى الفل

والف مبروك مره تانيه

طيب كويس طمنتني والله انا كنت قلقان من عيسى حتى كنت لسه حسأل فين احسن مركز صيانه عشان اروحه ومش مشكله لو الضغط عليه كتير استنى بس المهم يعمل ليا اللي انا عايزه في العربيه ويظبطها
وصحيح هي صيانة الألف بتتكلف اد ايه
وعلى فكره والله انا مش بقول كلام وبس بس بجد العربيه مبتسقفش خاااااالص الا لو مش ظابط رجلي وده طبيعي وبتحصل معايا في اي عربيه لكن بجد حكابر ليه ويا سيدي حنبقى نتقابل مره واوريلك ان مفيش تسقيف

وصحيح بما انك عارف عيسى انت منين بقى شكلك من جنبي هنا يا باشا

**augast** · 29-06-2010 10:38 AM

الف الف الف مليون مبروك
بجد العربية ديه تحفة فنية
انا اشترتها من اسبوع هالكها عملة معايا 300 كيلو
الحمد لله ربنا يديمها نعمة العربية مفيهاش الشعرة الماتور عفى جدا جدا (انا معنديش سكة)
على فكرة انا عربيتى بردة كحلى
عقبال متعمل 100 الف كيلو وططمن على العربية

**emad7759** · 30-06-2010 02:15 AM

المشاركة الأصلية كتبت بواسطة dr_hadota

طيب كويس طمنتني والله انا كنت قلقان من عيسى حتى كنت لسه حسأل فين احسن مركز صيانه عشان اروحه ومش مشكله لو الضغط عليه كتير استنى بس المهم يعمل ليا اللي انا عايزه في العربيه ويظبطها
وصحيح هي صيانة الألف بتتكلف اد ايه
وعلى فكره والله انا مش بقول كلام وبس بس بجد العربيه مبتسقفش خاااااالص الا لو مش ظابط رجلي وده طبيعي وبتحصل معايا في اي عربيه لكن بجد حكابر ليه ويا سيدي حنبقى نتقابل مره واوريلك ان مفيش تسقيف

وصحيح بما انك عارف عيسى انت منين بقى شكلك من جنبي هنا يا باشا

انا من مركز بدر البحيره يعنى بينى وبين طنطا حوالى من 50الى 60كيلو

ومتخفشى من فرع عيسى النا هناك بصراحه محترمه جدا جدا

ويسلام لو اليوم اللى تكون رايح فيه ولو بتشنكى من حاجه ويكون حظك كويس يكون هناك الباشمندس مجدى

ده اللى الماسك الصيانه فى طنطا والمنصوره برده راجل بجد فاهم فاهم العربيات دى كويس جدا جدا

ومش معنى كده اشمهندس محمد برده كويس جدا جدا بس زى منا قلت ليك ان الطغط عليه كبير

يعنى كان فيه ناس من كفر الشيخ كانت الام بتعمل معاهم 150 كيلو فى الصفيحه ذهبو الى فرع طنطا والباشمهندس محمد ظبط العربيا واصبحت تعمل فى الصفيه فوق ال250 كيلو فى السفر