استشارة في شراء اكسارا 1 2001

**kalmah** · 28-06-2010 02:36 PM

السلام عليكم
انا كان معايا سيفيك 92 و لسة بايعها من يومين و في اكسارا نضيفة اوي مانيوال موديل 2001 معروضة عليا فكنت حابب اعرف الناس اللي ركبتها و ركبت الهوندا و العربية تحط تصرفة ممكن يقول اية عليها؟
انا شفت ان قطع غيارها تعتبر معقولة ان ماكنتش رخيصة في بعض القطع يالمقارنة بالهوندا !
الواحد بعد ما بينزل من الهوندا مش اي عربية بتبقيء مقبولة فياربت ايجابيات و سلبيات العربية دية و اية اعلي فئة فيها ولا كلها فئة واحدة؟

**fepsceasar** · 28-06-2010 03:24 PM

أنا بصراحة ماركبتش هوندا بس العربية دى ماشاء الله ممتازة، ثبات واتزان وكل حاجة بس نصيحة أوعى تسترخص هات عربية كويسة واكشف عليها كويس، وقطع غيارها موجودة ومعمرة بالذات الجديدة فى بعض حاجات فكك من الاستعمال

**fepsceasar** · 28-06-2010 03:25 PM

متهيالى سلبياتها تقلها فى البيع انا لسه ما قررتش ابيع بس متهيالى لو حبيت اغير هتبقى تقيلة فى البيع ده مجرد توقع، وان شاء الله لو بعت هجيب ستروين برضه

**fakhry** · 29-06-2010 08:21 AM

عربيه كويسه جدا انا لسه شاري اكسارا 1 موديل 2002 بصراحه العربيه قيمه جدا جدا وصالونها واسع وقطع غيارها كويسه مش غاليه وبتوفر في البنزين وثباتها ممتاز مشكله العربيه دي انها واخده سمعه وحشه جدا هو ده سبب رخصها

**sameh127** · 19-07-2010 01:57 PM

لو حتقارنها مع الهوندا من ناحية الثبات فالستروين تكسب
لو حتقارنها مع الهوندا من ناحية ثقل وزن العربية و التماسك بالطريق على السرعات فالستروين تكسب مكسب ساحق
لو حتقارنها مع الهوندا من ناحية الفرامل فى المنحنيات على سرعات عالية فالستروين تكسب كسب خرافى
لو حتقارنها مع الهوندا من ناحية قوة العربية فى الحوادث فالستروين تكسب
لو حتقارنها من ناحية العمر الإفتراضي للعربية و قوة تحمل جسم العربية للمطبات القاسية على السرعات(مثل اخذ مطب صناعى على سرعة 120 كم/س او اخذ مزلقان قطار على سرعة 140كم/س) وللأحمال الزائدة على جسم العربية فالستروين تكسب (وده مش منقول ده انا اللى مجربه بنفسي وعن تجاربى مع العربيات فى قيادة الراليات)
ولو حتقارنها من ناحية وسع الصالون و الشنطة فالستروين تكسب
لو حتقارنها من ناحية احتفاظ العربية على حالة الإكسسوار بها عبر السنين فالستروين تكسب
لو حتقارنها مع الهوندا من ناحية نعومة العربية فى المطبات الجامدة فالستروين تكسب
لو حتقارنها مع الهوندا من ناحية قابلية التعديل و تسقيط المواتير و اللعب فى العفشة فالهوندا تكسب
لو حتقارنها من ناحية احتفاظها بثمنها عند اعادة البيع(مش منقول من اي مصدر ده من احتكاكي بسوق المستعمل)فالهوندا تكسب.
لو حتقارنها مع الهوندا من ناحية قوة تبريد جهاز التكييف الملحق بالعربية فالهوندا تكسب
لو حتقارنها من ناحية زحلقة العربية على الأرض مع الفرامل الجامدة المفاجئة لو كنت بتجرى على سرعة عالية(بقول عالية يعني 150 فما فوق) فالهوندا حلوة فى الزحلقة و الدريفتات(ستروين فى النقطة دي ماسكة فى الأرض و ده عن تجربتي)
لو حتقارنها مع الهوندا من ناحية توافر قطع الغيار الأصلية و المقلدة فاهوندا تكسب

انا مش متحيز لماركة معينة انا بسرد اللى شوفته من احتكاكي مع العربيتين فى مختلف ظروف القيادة و من خلال صيانتي للعربيتين و تعديل بعض الأجزاء بهم .