رحت علشان اغير الفلاتر وبالمرة اغسل الموتور وعند ميكانيكي مش بيشتغل غير في الدايو والاسبرانزا والشيفرولية .... يعني راجل باين علية متخصص وفاهم

المهم اشتريت فلتر بنزين اصلي ب 40 جنية وفلتر هواء ب 25 جنية و4 بوجيهات ngk واحد شمعة ب 40 جنية وقولت لة اجيب ال 2 شمعة قالي هتاكل منك بنزين واشتريت كوعة البخار النظيفة ب20 جنية وكان في التعبانة ب 10 جنية وجيبت اولسية موبينة ب5 جنية ... وركب كل دة وتمام التمام وغسل الموتور و الحوض بالجاز

خرجت عادي من عندة وحاسس ان العربية زي الاول مش زي ماكنت متوقع يعني في السحب هيزيد وبعدين واحد صاحبي نبهني ان الشكمان بيطلع دخان اسود

رجعت لة تاني وقولت لة راح قالي هي لمبة الcheck engine منورة قولت لة لا
راح بص علي العربية وقالي دة حساس الشكمان بايظ
سالت علية استيراد قالولي 100 جنية ... بس انا مش واثق في كلامة

دلوقتي انا عاوز اتاكد انة فعلا المشكلة بتاعة الدخان الاسود من حساس الشكمان اعمل اية وعشان مغيرهوش علي الفاضي خصوصا ان اللمبة مش منورة

انا حكيت الحكاية بكل تفاصيلها عشان التشخيص يبقي في التمام ومعلش اني طولت عليكو