الموضوع: مطلوب كرسي مكتب طبي

المشاركة الأصلية كتبت بواسطة karim_monir

فعلا ده اللي انا قاعد عليه في الشغل بعد ما عملت طلب رسمي وجبتلهم تقرير طبي ان ضهري بايظ ولازم كرسي معين
كان 2650
شبكة فينيل الجسم كله المونيوم
في كمية مكن محترمة
الجسم بيكون متهوي لان مفيش اي حاجة مصمتة
في اوضاع كتير جدا جدا بدء من القعدة المخشبة لغاية النوم في الكرسي وخامات رائعة
فاضلة موتور ويبقي عربية
لو عرفت اسئلك الناس بتوع المشتريات المحلية احسن سعر بياخدو بيه هنا وكانك شغال في الشركة عندنا ونجيبهولك بنفس السعر ان شاء الله
بس لو طلع سعر كويس

عملت ايه ؟
بتقول ايه ؟
بحقد عليك يا كريم يا منير
عملت طلب رسمي وجبت تقرير طبي فالشركة جابت لك كرسي تمنه اكتر من الفين جنيه
يمهل ولا يهمل يا وزير التعليم الواطي
منك لله يا وزارة
منك لله يا حكومة
منك لله يا بلد
يا حبيبي بلا فخر
انت عارف طبعا بتنيل بشتغل فين
تصدق وتآمن بمين ؟
والله والله والله
القسم بتاعنا كله غرفتين واحدة للريس والتانية لباقي البشر
البشر دول يا سيدي عددهم في عين العدو 11 بشراية ليهم كلهم على بعض كدة 3 مكاتب ب 3 كراسي خشب معفنين وكنبة انتريه جلد معفنة اكتر منهم
وعلشان اليمين فيه تقريبا كرسيين كمان خشب
يعني ال11 بني ادم لهم 5 كراسي و3 مكاتب وعيش حياتك يا باشا


امانة عليك يا كريم انت وباقي الناس المرفهين محدش يكتب حاجة مستفزة تانى
احسن اروح اولع في الشغل وتبقي انت السبب في رفدي