قدمت استقالتى من عشر ايام اعتبارا من اخر شهر 6/2010 وبيشقطونى لبعض النهاردة !اعمل ايه

**hesham_tawfiq** · 28-06-2010 11:04 PM

لو عاوزرايى
انت غلطان لانك زنقت نفسك بين الشركتين
المفروض لما تقبل عرض من شركه جديده قانون العمل بيدى وقت شهرين لصاحب العمل القديم - من حقه قانونا - علشان يرتب اموره
فى شركات بتعملها جدعنه مع الموظفين وتمشيها شهر واحد او اقل او اكتر ودا حسب علاقتك بمديرك القديم
انما حسب القانون شهرين
وكمان انا مش معاك خالص انك تديها غياب زى ما احد الاخوه قال لانك برضه يهمك تمش بشكل كويس من شغلك القديم وكل الناس محترماك دا طبعا غير ان من حق المدير يحولك تحقيق ويفصلك للغياب والانقطاع عن العمل ومين عارف الايام تدور واكيد هتحتاج لمديرك دا تانى اوحتى ترجع شغلك القديم

انا من رايى تتفاهم مع مديرك الحالى وتوصلوا لحل وسط ويكون الكلام بره الصيغه الرسميه يعنى فريندلى علشان تحاول تكسبه

**hesham_tawfiq** · 28-06-2010 11:51 PM

وكمان خد بالك انك هتحتاج الحاجات دى من شغلك القديم لومتأمن عليك اجتماعى : مستندات ملفك واستماره 6 - شهادة خبره - مستحقاتك الماليه ففى كل الاحوال مش من مصلحتك تسيبهم بلوى الدراع
لازم تتكلم مع الطرفين القديم والجديدوتوفق بينهم وتكسب شويةوقت ولازم كمان الشغل الجديد يحترمك اكتر للسبب دا انك مش هتخلى بشغلك القديم فى ظروف ضغط الشغل اليومين دول - انا محاسب من 11 سنه وعارف تقفيل نص السنه فالشركات الكبيره -
خصوصا انك اكيد مش هتفرق مع الشغل الجديد فى حاجه دلوئتى

بئى ياراجل ياطيب عاوز تسيب الشغل فى 10 ايام وتقفيل ميزانية نص السنه ومش عاوزهم يزعلوا ؟؟ :-))

**osoliman88** · 29-06-2010 12:11 AM

بصراحة حاجة مستفزة وتجيب القرف من تصرفات أشباه المحترمين أو مدعي الإحترام ...
أنا أفضل إنك تروح لمحامي متخصص في أمور قوانين العمل وتسأله عن التصرف المناسب أكثر منه القانوني بدل من الدخول في العند ... خاصة وان نظام العمل في مصر هو نظام سخرة وإستعباد للعباد .
والله يعينك ويقويك على البلاوي السودة في البلد دي

**Mohammmed** · 29-06-2010 02:40 AM

ياباشا ولا اكنك كنت شغال معاهم سيبلهم الليلة وفك طالما عملوا معاك كدا يبقى شركة مش محترمة بغض النظر عن اسماء الشركات مش بالاسم
وروح استلم شغلك الجديد وكبيرهم شهر ويفصلوك من التامينات من شركتك القديمة والموضوع يخلص بتحصل كتير متشتغلش بالك ...

**MaZaGAngeE** · 29-06-2010 03:43 AM

المشاركة الأصلية كتبت بواسطة mohammmed

ياباشا ولا اكنك كنت شغال معاهم سيبلهم الليلة وفك طالما عملوا معاك كدا يبقى شركة مش محترمة بغض النظر عن اسماء الشركات مش بالاسم
وروح استلم شغلك الجديد وكبيرهم شهر ويفصلوك من التامينات من شركتك القديمة والموضوع يخلص بتحصل كتير متشتغلش بالك ...

أصلا هوه غلطان انه عاملهم بالأدب
كنت خدت ال 10 أيام دول أجازة و ريحت في بيتك و لا سافرت في حتة تتفسح
و تروح تستلم شغلك الجديد
مادام بلغتهم خلاص كده انت عملت اللي عليك

**mazagngi2010** · 29-06-2010 09:14 AM

متبقاش على حد لانهم لو لقوا واحد غيرك وارخص هيكرشوك وقتى من عندهم
مصالح يابا انسى القيم والكلام ده لان اساسا المديرين هنا مش محترمين
بس متنساش ان الدنيا صغيره وممكن تقابلهم تانى

**احمد المصرى** · 29-06-2010 09:29 AM

يا باشا انت خابف على الشركه ومش خايف على عيالك يا عم سيبهم بلا ورق بلا قبول استقاله بلا وجع قلب سيبهم وروح شغلك الجديد ولو فى اى حاجه قدم شكوى فى مكتب العمل هتلاقيهم بيجروا وراك علشان يخلصوا الورق بس لو الشغل الجديد احسن توكل على الله دا مستقبل عيالك

-

الموضوع: قدمت استقالتى من عشر ايام اعتبارا من اخر شهر 6/2010 وبيشقطونى لبعض النهاردة !اعمل ايه

LinkBack

أدوات الموضوع

عرض

-

-

-

-

-

-

المواضيع المتشابهه

مش عارفة اشغل كاسيت نيسان صنى وشرياها النهاردة اعمل ايه

عاوز اعمل اسطوانة اوديو لبعض سور القرآن الكريم

كيا سيراتو 2010 ترخيص من 4 ايام فقط العداد 450 كيلو البيع بسبب السفر المفاجىء

هيونداى فيرنا 2010 للايجار ثلاثه ايام

عايز اعمل رسم مخ النهاردة او بكرة بالكتير

الكلمات الدلالية لهذا الموضوع

المفضلات

المفضلات

ضوابط المشاركة