ما هى اسوء عربية ركبتها فى حياتك و اسوء عطل حصلك مع عربيتك و بعدها قررت تبيعها ؟
ما هى اسوء عربية ركبتها فى حياتك و اسوء عطل حصلك مع عربيتك و بعدها قررت تبيعها ؟
اسوء عربيه ركبتها فى حياتى الرتمو عربيه فعلا ..........
والحمد لله مصادفتش عيوب جمده تخلينى ابيع
اسوء عربية بدون زعل الفيرنا مع احترامي الشديد لكل ملاكها
اسوء عيب حصلي كان مع نوبيرا اشتريت كاوتش جديد ومساعدين جداد للعربية وبعدين العربية حصل فيها عرجة غربية زي ما يكون الكاوتش بيضاوي كدا وبعدين غيرت الكاوتش تاني والمساعدين والعفشة كلها ورا وقدام (اخدتهم من عربية واحد صاحبي عشان اعرف العيب فين وبرضة مفيش فايدة) لحد ما بعت العربية وكنت زعلان عليها جدا ومش عارف دا كان سببه اية و3 ميكانيكية اتجننوا معايا عملت كل حاجة وبرضة مفيش فايدة وزعلان عليها لحد النهاردة
الأفيو طبعا ومفيش حاجة حصلتلي مع أي عربيه لدرجة إني أبعها غير الأفيو لإن كلها كانت عيوب وكل شويه بايظه
الحمد لله انا محصليش حاجة زى كدة
بس اسوء عربية ركبتها فى حياتى
كانت اللادا
وانتو عارفين الباقى بقى
اسوء عربيها ركبتها فى حياتى هى الفلوريدا بتاع واحد صاحبى و كان جايبها زيرو بس مسخرة العربيه مكملتش 5 الاف و الكاسيت عطل و كهربا العربيه زباله و عفشتها زى الزفت :_Alshmokh08[1]:
اسوأ عربية ركبتها فى حياتى الفيرنا وكرهتها اكتر لما اتقلبت بيها
كنت ماشى حوالى 100 ل 120 وشعرت فرامل لقيت العربية عرضت منى ورايحة على عمود نور من ناحية الكشاف اليمين
فديت العمود على الشعرة وكان فية كوم ترام جنب العمود العجلة اليمين قدام طلعت عالية و العجلة طبعا عشان كانت كسرة شمال نتيجة انى بفادى العمود
العربية اترفعت وجت على جنبها وبعدين محسيت غير انى جوة غسالة اتوماتيك والعربية على سقفها وساحفة .
والخساير كانت كل حاجة بايظة ماعدا الجنب اليمين والشنطة .
مركبتش عربية وحشة حتى الان بالامانة عجبتنى التويوتا و الانسر بعدها الشاهين هبجتنى و 28 بس صعبة شوية ركبت فيرنا بس كنت هادى ملعبتش بيها فمعرفش بزبط بتعمل اية فى المواقف الوحشة بحب الانوس جدا و بحترمها و بقدرها لان تمنها فيها الحقيقة اكتر من الانسر يعنى بتدفع و بتاخد بفلوسك عربية صح عكس الانسر اللى من فئة ال 100 الف و اقل من اى عربية فى ال 100 الف او حتى ال 90 لمؤاخذة برغم نجاحها علشان اسمها بس عفوا التويوتا بعدها لو اقل يبقى الانوس بس مش وحشة اوى بس حسيت بحلاوة العربية الانوس اكتر من الانسر هيا الشارك اخر موديل منها الجديدة روعة بس لم تنتشر الجيتا صباح الثبات اللى فى الدنيا و الباسات بس عيبها عربية كلاسيك بالنسبة لى كشاب كلاسيك اوى و كبيرة علية جدا بس موتور وهمى بس كدة معرفش تانى ركبت بى ام قديم 87 شارك 316 روعة بس لو يهتم بيها يعنى تدى اى عربية جديدة بالج...... بس ضيقة جدا يعنى ليك انتا و اصحابك مش تجيب العيلة كل يوم تفسحهم فى العربية بس حبتها جدا
النيسان ركبتها يوم حر و تكيفها كان فريزر غير كدة معنديش انطباع تانى عليها
أسوء عربية طبعاً اللادا .. باي .. تراي .. وفي الصيف ساونا
اسوء عربية ركبتها هى عربية صاحبى 132 بس انا عموما بحب 132 جدا وشايف انها من احسن العربيات الى عملتها فيات على مدار تاريخها بس هى المشكلة فى عربية صاحبى بالذات يعنى مثلا الاول تجيبة ولازم تفضل ماسك الفتيس غير كدة هتلقيها مورت لوحدها :majd(4): واصوات من الشكمان تحس ان فى حاجة وقعت من العربية مع كل طلعة وغير طبعا صوت خبط غريب مش عارفين مصدرة واكتشفنا ان القايم الى قدام يمين مفصول عن السقف واتلحم والصوت راح (غالبا كانت مقلوبة ) وطبعا غير الابواب الى مش بتقفل و الجنوط المخرمة وضايعة وطبعا صوت خبط مع الفرامل واكتشفنا ان الفرامل الى قدام يمين كانت راكبة بمسمار واحد و مع كل فرامل جامدة بتتحرك وتخبط فى الجنط و الا داعى لذكر حالة الصالون طبعا واة واهم ما فى الموضوع ان كان عايزنى اعلمة السواقة على العربية دى وانا اساسا مش عارف اسوقها :shine[1]:
ها ها ها :002:اقتباس:
المشاركة الأصلية كتبت بواسطة abdo_eldesokey
النترا الشكل الجديد طبعا
رغم السرعه وتقفيل العداد والرفاهيه وكمان كانت جديد معملتش 15 الف او 25 الف كيلو
كنا مره ماشيين على 140 والطريق فاضى خالص ومره واحد لاقينا معاكس فرامل مفيش ويكارك برضه مفيش وكسر الدريكسيون لاخره الباور مفصلش وملفتش خالص والكاوتشات هماله تصوت على الارض ومبتكلبشش خالص كان طولها حوالى 700 متر وموقفتش برضه لحد ماخبطنا فى اخر الجرار المعاكس والحمد لله لسه عايشين انا واللى كان سايق من ساعتها والسواق بيبوس تراب اللانسر
اسوء عربية ركبتها 128
اسوء عطل مع عربيتى فيات بونتو كان عطل وحدة التحكم ( الكمبيوتر ) للاسف كنت مسلفها لواحد نسيبي وعطلت منه مش عارف السبب وقف عند كهربائى على الطريق الزراعى راح على طول فاتح الكمبيوتر وضارب المفك .. وانتو عارفين الباقى
وبرده للاسف مقليش .. كانت بتبطل فجاة وتستهلك بنزين كتير .. عملت كل حاجة غيرت فلتر البنزين وحطيت منظف دورة البنزين لغاية لما خرب بيتى .. ونظفت الراشاشات وفى الأخر لما ملاقتش نتيجة روحت التوكيل قالولي ان الكمبيوتر اتلعب فيه ..
وغيرته بـ 600ج مستعمل من بورسعيد وبعدين بعتها .
افضل سياره ركبتها كانت bmw 325 كوبيه موديل 1994 واسوا سياره كانت لادا سمارا
انا شايف ناس كتير مش حابين اللادا
أنا ركبتها كتير و جبت بيها 190 و كانت ثابته و كويسه جدا .. و على فكره أنا قبل ما اركبها كانت فكرتى عن العربيات الاتوماتيك انها صوتها عالى و مبتجريش و مكنتش بفضلها (عشان كل الاتوماتيك اللى سقته كان ريجاتا و دايهاتسو شارمنت) انما الالنترا غيرت الفكره دى تماما و خلنى أحب العربيات الاتوماتيك.اقتباس:
المشاركة الأصلية كتبت بواسطة mazagngi2010
ممكن تكون اللى حضرتك جربتها دى كان فيها عيب ولا حاجه.
http://www.nilemotors.net/Nile/160477-a.html
ولحد الوقتى مش عارف ابيع ولا اصلح
اسواء عربية 133
السيات 133
واسوء عيب كان في الشاهين في فلتر العوامة
اسوء عربيه ركبتها كانت 128 الله يحرقها
السواقه بتاعتها ما هى الا محاربه من اجل البقاء
الدركسيون تحس انه بتاع لورى من بتوع الأنجليز
الفرامل فرامل عجله
السحب سحب حمار جارر عربيه كر
الصالون كأنك قاعد فى الشارع وواحد رابطك من رجليك وبيجرك
هى على بعضيها عامله زى صفيحة الجبنه اللى راكب عليها ماكنه
اسوأ موقف لا بسيطه
1-قطعت سير كاتينه على طريق الإسماعيليه الصحراوى
2-شداد العجل ساب العجله وخلها ترحل تخبط فى الرفرف ومستحيل تمشى او تتجر (طريق الإسماعيليه برضه)
3-الدينامو قطع شحن والبطاريه فضيت (طريق العاشر)
4-المارش دار ومرجعش مكانه وصلت من الزقازيق ل المنصوره العربيه بطلت دورى حلفت عليا طلاق ماهى دايره
مواقف غريبه هى اصلا عربيه غبيه وبنت تيييييييييييييييييت
اسوء عربية السيات والادا بس هما اكيد من 20 سنة كانو ايمها عربيات حلوة بس دلوقتي بحس انهم من القرن الرابع ق م
اقتباس:
المشاركة الأصلية كتبت بواسطة momo_sunny
كان فى اخ بالمنتدى كتب
المضطر يركب ال لادا
وانا مضطر فبركب ال لادا
بص حضرتك انا مش باعايب على ملاك اللادا لانى كنت واحد منهم لمدة 5 سنيناقتباس:
المشاركة الأصلية كتبت بواسطة abokoko
بس الحمد لله ربنا كرمنى وقدرت انى ارقى نفسى واخلص منها:fdsa:
مع نها كانت حالتها نضيفة جدا
بس العربية دىى عربية شغل يا جماعة مش عربية ركوية
لانها بختصار فرن متحرك فى الصيف وتلج فى الشتا
مع ان بقى فى تمنها دلوقتى عربيات كتيييييييييييييييييييييير كويسة
ومافهاش امان ببصلة
انا كان ليا واحد صاحبى والدة كان معاه واحدة وكان مقتنع بيها جدالانها طبعا من العربيات الحديد اللى بتتخبط وتردلك تانى فى الحيطة
لدرجة انو كان بيصرف عليها كل سنة مش اقل من 1500 ج:mahf(5):
لما غير وجاب لانوس قال انا ايه اللى كان مخلينى اركب العربية دى طول الفترة دى
أسوء عربيه هيا السيات 133 بدون منازع طبعا و اصعب موقف حصل كان ب 128 على الطريق الزراعى رجعنا من الاسكندريه للقاهره فى حوالى 6 ساعات كان فى خرم رفيع جدافى الرديايتير و الميه بتتبخر منه و العربيه تسخن نقف نزود ميه و نستى شويه تبرد و نمشى كان يوم طوييييييييييييييييييييييل بس فى المجمل كانت اصيله
127 فيورا عربيه لا تطاق
اسوأ عربيه كورولا 2003 بموتور موتسكل 1300 سي سي ولما التكيف يشتغل الموتور بيودع وثبات مراجيح مولد النبي وصاجهل كله عالي وواطي لان اللي بيلمسها بتدخل لجوه ومبتطلعش
.
الاختلاف فى الراى لا يفسد للود قضيةاقتباس:
المشاركة الأصلية كتبت بواسطة mhmdalsaadany
ده رايك و انت حر فيه بخصوص الفيرنا
السيات دى اصلا مش عربيةاقتباس:
المشاركة الأصلية كتبت بواسطة aboalm
مفيش حاجه اسمها مضطر .......... ليه بقى لان فى سيارات كتير احسن منها حتى لو اقل منهااقتباس:
المشاركة الأصلية كتبت بواسطة abokoko
و غير كده انت بتدفع فلوس مينفعش تترمى فى الارض علشان مضطر
شكلك ماركبتش اللانسر ال1300اقتباس:
المشاركة الأصلية كتبت بواسطة ralliart
العرجة دى كانت عندى وجننتنى سنتين لغاية معرفت السبب وهو عدل ميل العجل الامامى للداخل او الخارج رأسيا عن طريق مسمار ربط المساعد بالطنبورة
ودة مختلف عن ظبط الزوايا اللى هو بيعدل العجل افقيا وليس راسيا
العرجة دى كانت عندى وجننتنى سنتين لغاية معرفت السبب وهو عدل ميل العجل الامامى للداخل او الخارج رأسيا عن طريق مسمار ربط المساعد بالطنبورةاقتباس:
المشاركة الأصلية كتبت بواسطة mhmdalsaadany
ودة مختلف عن ظبط الزوايا اللى هو بيعدل العجل افقيا وليس راسيا
ياراجل كل ده :majd(4):اقتباس:
المشاركة الأصلية كتبت بواسطة mazagngi2010
متروحش طريق اسماعلية تاني:36_1_1[1]:اقتباس:
المشاركة الأصلية كتبت بواسطة m_mekkawy
انا مستغرب جدا يا راليات من كلامك خصوصا انك بتتكلم عن تويوتا والي معروف عنها ان مواتيرها مش بتتاثر باي حاجة حنى لو كانت 1300 وكمان بتشتكي من ثباتها ,, فعلا انت على كده ما جربت اللانسر 1300 " اتوماتيك " ,,اقتباس:
المشاركة الأصلية كتبت بواسطة ralliart
انا شخصيا كان معايا اللانوس بالرغم من انها حمالة قاسيه وكل حاجة فيها رخيصه بس الصراحه قرفتني في عيشتي ومشكلة العربيه دي بالرغم ان اعطالها شبة معروفه الا انها كتير ومقرفه وعاوز ايدك تكون فيها على طووووووووووووول وبتحصل فجأة يلا الحمد لله بيعتها على خير
سيات 133
اسوأ موقف :
على الدائري من ميدان لبنان في اتجاه طريق الاسماعيلية الصحراوي ومنه انزل على مصر الجديدة !! كنت بامشي الطريق دة وانا راجع من المهندسين - من الشغل - عشان الزحمة والعربية دي لو وقفت وهي سخنة مش مضمون اوي انها تمشي تاني وممكن تبطل وهي واقفة مثلا على كوبري ستة اكتوبر ومش هتدور تاني غير بعد لما تبرد
الموقف بقى ----- جالي تليفون من واحد صاحبي معاه شاهين وانا عالدائري - عنده فيوز ساح وهو مشغل التكييف وعايزني اجيبله كهربائي على كوبري 15مايو
طبعا مش هينفع مش ندالة بس عشان اقرب فتحة ارجع منها مشوار وعلى مادخل تاني في الزحمة هاكون انتهيت اذا الشاهين ماستحملتشي الحر !! قاللي طب اشحنلي كارت تليفون وانا هاتصرف دا كان اخر مكالمة في الموبايل !! ووقفت في بنزينة عالدائري شحنتله الكارت وكله تمام !!! امشي انا بقى اكمل رحلتي لمصر الجديدة
ادور العربية مش راضية تدور !! باكارك بنزين راح سلك الاكسيلاتير مقطوع
نزلت اعكس السوستة اللي بترجعه لما اشيل رجلي من عالدواسة بحيث تشد الدواسة كأني دايس بنزين
دارت العربية ولقيتها حارقة جامد - الدواسة مشدودة عالآخر بقى - واتحركت لقيت العربية حارقة عالآخر وصوت الترزيع جوة الموتور على آخره وحاسس انه هينفجر قلت يمكن لما اجيب الرابع الدنيا تهدى!! محصلشي و لقيت مفيش امل لازم اقف ارخي السوستة وداخل على حتة واقفة بسبب الميكروباصات طبعا الفرامل ضايعة والدبرياج مش جايب لآخره ومع اللخمة والخوف من الحادثة اللي كانت هتحصل وصوت الموتور !!! قمت طافي العربية وهي عالرابع مع اني حسيت اني مورت !!!!!! الفتيس اتحشر بقى ساعتها في الرابع ولا عايز يطلع ولا يجيب اي نقلة تانية!!!
ركنت على جنب احاول ادور وانا دايس دبرياج واطلع عالرابع وقلت مش مهم الصوت ان شالله تنفجر المهم امشي من عالدائري !!! وفي اثناء محاولات التدوير المارش اتحرق!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!! قعدت بتاع خمس ساعات في محاولات يائسة لحد مالعربية كانت بردت ولاشمس راحت والجو بقى معقول وندهت سواق تريللا راكن ورايا قلتله يزقني ورميت عالرابع بالعافية وهو كان صبور اوي الصراحة
بقيت امشي حتة لحد ماتجيب اخر الرابع واطفي وافضل دايس دبرياج لحد لما تهدي وقبل ماتقف اقوم رامي عالرابع لحد ماوصلت للميكانيك وماكنشي مصدق ان كل دا باظ في وقت واحد وانها جاية ماشية كمان
غيرت فتيس ومارش وطبعا سلك الاكسيلاتير وطقم كهرباء وركنتها لحد مابعتها ماكنتش مستحمل اركبها تاني وطبعا المضطر يركب الصعب
بالطبع كلواحد له وجهة نظره في الموضوع ده مبني على تجربة سيئة بالطبع مع عربيته
اللي تعبتني اكثر حاجة ال 132 كل اسبوع عند ميكانيكي - كهربائي - سمكري - عفشجي - زوايا - كاوتش .... الخ لحد ما بعتها
بس لو عملت كده مش هروح اى مكان :majd(4):اقتباس:
المشاركة الأصلية كتبت بواسطة mhmdalsaadany
عموما الحمد لله بعد ما بهدلتى :36_7_4[1]: مكنتش عايز ابعها عارف ليه
عشان ربنا مش يعاقبنى لما ارزى بيها حد تانى بس غورتها منذ امد بعيد وجبت ريو 2001 والله كانت حلوه وما وديتها للميكانيكى ال مره واحده فى سنه ونص وبعدين جيت على هنا
معانتى مع هيونداى اسوء سياره فى التاريخ الاكسيل هى اسوء من اسوء من اسوء عربيه فى العالم هيا و الفيرنا انا نفسى اعرف هما شركت هيونداى مبيجربوش العربيات بعد لما يعملوها ولا ايه والانترا ركبتها مع واحد صاحبى بصراحه بخلاف الشكل الرائع والصالون الطياره بس لا فيها اير باج ولا ابى اس اوعى انسى و يا معلم وانتا راكب العربيه كده مش حاسس بالامان وانا راكب فى اى عربيه كورى ببقى خاااايف موت
والله جرب العربيه وقولي رأيك :majd(4):اقتباس:
المشاركة الأصلية كتبت بواسطة kemoelord
انا مكنتش مصدق نفسي اصلاً لاني عارف ان تويوتا مبتعملش حاجه اي كلام بس العربيه دي فعلاً اي كلام خالص وثباتها لا يقارن بأي عربيه نهائياً (العربيه بتاخد الطريق تنطيط مش مشي مستقيم) والله اللانسر ال1300 برقبتها في الثبات والموتور بس تبقى مانيوال لان الاوتوماتيك في العربيات الاقل من 1600بيجيب شلل.سواء في اللانسر او الكورولا
Yaris ,Verna,Sprenza,Tigo:T_thum1[1]: :T_thum1[1]::T_thum1[1]:
looooooooooooooooooooooooooooooooooooooooool:ma:اقتباس:
المشاركة الأصلية كتبت بواسطة Abdo_Eldesokey
موضوع جميل جدا و فكرة ممتازة
انا ركبت عربيتين، 127 و الويرا
انا عانيت كتير مع ال 127 لأنك لااااااااااااااازم ايدك تبقى فيها و الا هتفتح الكبوت في الشارع، بس كانت حمولة، ياما حطتلها بنزين 80 و ياما روحت بيها الساحل و اسكندرية و الاسماعيلية و ياما لفيت
بس خلي معاك نمرة كام ميكانيكي و ظبط كذا واحد في كذا حتة عشان هي لازم تعطل، فين بقى انت و نصيبك