مشكله في الطنابير رجاءا ساعدوني

**boing** · 29-06-2010 10:22 AM

انا كنت غيرت من اقل من سنه ونص الطنابير الاماميه وجبتها تويوتا الاصليه جديده بحوالي 1000 جنيه لان الطنابير الاولانية بتاعت بلدها كانت جابت اخرها
واشتريت معاها التيل الاصلي وركبتهم وكانت الفرامل على اعلى مستوى من الكفاءة
المهم بعد سنه تقريبا حسيت ان الفرملة مش حلوة خالص
رحت اكشف على التيل لاقيتو كويس وفيه سمك كتير
المهم كملت فترة طويلة بعد كده برغم ضعف الفرملة
وجيت اكشف من كم يوم لاقيت التيل لسه زي ماهوا وفيه سمك بس للاسف الميكانيكي لقا الطنبورة متبهدلة ومليانه خطوط والتيل لسه زي ماهوا
المهم ما عملتش حاجه
بس النهارده وانا راجع من سفر وكنت على سرعه جيت افرمل لاقيت الطاره بترجرج تحت ايدي جامد

ايه يا جماعه بقا اللي عمل في الطنبورة كده؟؟؟
مع انها اصلية والتنيل اضلي

سوالي بقا هل لو وديتها المخرطه هترجع كويسه ولا هتبووظ زي اللي قبلها
الميكانيكي قالي الخرط النظيف المظبوط ما بياثرش ع الطنبورة الا بعد كذا مره

هل الكلام ده مظبووووط
عاوز مساعدتكم رجاتءا وعاوز افهم سبب اللي حصلي

**mrwho1982** · 29-06-2010 10:58 AM

روح عند حد كويس يخرطهاللك ولازم يكون كويس ويكون حد مجربه قبل كده

ونصيحة غير التيل علشان التيل هو اللي بهدل الدنيا كده

**sweetheart_** · 29-06-2010 11:07 AM

متابع وياريت عنوان ورشة خرط بالكمبيوتر ضرورى

**ahmed_h_g** · 29-06-2010 03:06 PM

بلاش خرط طنابير عن تجربه

**MMamdouh** · 29-06-2010 04:41 PM

التيل اللى راكب ناشف جدا و بهدل الطنبورة

الخراطة غير مجدية طالما الطنبورة عملت عالى وواطى

MMamdouh

**aymanmaly** · 30-06-2010 12:46 PM

الفرامل مافيهاش هزار
سبب بوظان الطنابير التيل
المفروض لما حضرتك بتفرمل التيل بيتاكل فى الطنابير لو حصل العكس يبقى التيل ناشف و وحش
نصيحة
لو العربية اتوماتيك يبقى كل 30000 اعمل مسحة للطنابير عند خراط و كل 60000 تغيرهم (مع الكشف على التيل كل 5000 كم )
لو مانيول ممكن 50000 خراطة و 100000 تغير
طبعا ال كشف الدورى مطلوب لان ممكن النسبة تذيد او تقل حسب استعمالك للفرامل لاكن الى قلتة دة المتوسطات العادية لاستهلاك الطنابير

انا معايا اوبترا لما جيت اغير الطنابير جبت نوع اسمة رمسا ودة نو ع الكل شكر فية انا مركبة من حوالى 1500 كم و كويس لغاية دلوقتى و التيل نفس النوع
فى الاوبترا الطنابير ب 350 ج و التيل ب 150 جنية
بس خلى بالك فية منهم مضروب يعنى اشترى من حد كويس و محترم

**alaafmah** · 04-07-2010 10:38 PM

السلام عليكم
يا اخى روح لميكانيكى تثق فيه
1- اذا كان جسم الطنبور سميك اخرطه حتى لو فيه عالى وواطى (عن تجربة)
2- لو الطنبور رق غيرة عشان ميتكسرش او يتنى
فى جميع الحالات غير التيل
اخوكم
د. علاء

**Ahmed Galal** · 05-07-2010 10:24 AM

غير المكان اللى جبت منه قطع الغيار لان شكله كده مش تمام و هاتضر ترمى التيل اللى معاك ده و تجيب التيل الاصلى و الطنابير و بلاش خراطة قدام و عندك التوكيل تجيب منه فى العباسية اضمن حاجة

-

الموضوع: مشكله في الطنابير رجاءا ساعدوني

LinkBack

أدوات الموضوع

عرض

-

-

-

-

المواضيع المتشابهه

مشكله وبرجاء الرد عليها ولكن لزو الخبره رجاءا

مشكله فى الطنابير لانسر مكوه 2001

ساعدوني مشكله خنقاني اوي اوي اوي

عندي مشكله ساعدوني

طهقت والله يا رجاله، دا مكنش حته كاوتش.. ساعدوني رجاءا

الكلمات الدلالية لهذا الموضوع

المفضلات

المفضلات

ضوابط المشاركة