السلام عليكم يا شباب المنتدي
انا عندي مشكلة لاحظتها امبارح
لما بطفي العربية واشيل المفتاح من العربية وافتح الباب وانوار العربية شغالة المفروض ان جرس التنبيه يشتغل.........صح؟
ده مش بيحصل عندي.... سببه ايه؟
عرض للطباعة
السلام عليكم يا شباب المنتدي
انا عندي مشكلة لاحظتها امبارح
لما بطفي العربية واشيل المفتاح من العربية وافتح الباب وانوار العربية شغالة المفروض ان جرس التنبيه يشتغل.........صح؟
ده مش بيحصل عندي.... سببه ايه؟
بالسلام عليكم ورحمه الله وبركاته
كلامك صح المفروض الجرس يشتغل فترة وجيزة ويبطل ؟
السبب بقي يجاوبك عليه متخصص زي المهندس سمير .
إحترامات
بص شوف لو انت فاتح الباب الشمال اللمبة بتاعت الباب الى فى التابلوه بتنور ولا لا لو مش بتنور تشوف فى قايم الباب حاجة زى زرار كده هاتلاقيها تحت ممكن يكون معلق (السوستة معلقة) غير كده معرفش
شكرا
الجرس بيشتغل لو انت مش رابط الحزام و مدور العربية او فاتح النور و فتحت الباب
MMamdouh
غالبا والله أعلم فيوز الجرس محروق
شييك على الفيوزات
جربت افتح الباب الشمال لاقيت نور فتح الابواب في التابلوه شغال ودوست علي الزرار بايدي لاقيته شغال تمام
كده بقي تبقي المشكلة في ايه؟
معندكش احتمالات يا ممدوح باشا
هل فيه فيوز للخاصية دي بما ان زي ما قال محمد ممدوح انه بيفضل شغال علي طول فبالتالي لازم يكون فيه فيوز ؟
مش عارف بصراحة... انا ضعيف فى كهرباء العربية
MMamdouh
ممكن يبقى ليه فيوز فك غطا علبة الفيوزات الى جوه و شوف اذا كان فى حاجة معناها بيدل على الموضوع ده
هاتلاقيه حاجة الارم
ممكن light alarm بس انا مش متأكد من الموضوع ده
و شوف برضوا فى العلبة الى عند الماتور هايبقى فى ال 10 امبير
الفيوز بتاع فى علبة الفيوزات اللى داخل العربية وهوا اسمه f2ومقاسه 10 امبيرومكانه تحديدآ تانى واحد من فوق فى الصف الشمال لما تكون علبة الفيوزات فى وشك
هل كشفت على الفيوز ef13 فى علبة الفيوزات الكبيره بغرفة المحركاقتباس:
الجرس بيشتغل مع اول تكة للمفتاح فقط فعلا ده طبيعي
انا بقي مش شغال عندي الجزء بتاع لو فاتح النور وطافي العربية وفاتح الباب
فيوز أحمر بقدره 10 أمبير
م/سمير..اهلا بيك..نورت الموضوع يا باشا
هبص عليه ان شاء الله..انا بصيت علي بعض الفيوزات اللي في الصالون اللي ممكن يكون لها علاقة بالموضوع بس لاقيتها تمام
وبصيت علي فيوزات المحرك يمكن يكون فيه واحد مش راكب مكانه كويس بس مبصتش علي الفيوزات نفسها
حكاية "راكب مكانه" دي ليها قصة معايا لان الاشارات بتفصل عندي فجاءة فبفتح غطاء الفيوزات اللي في الصالون وازق كل الفيوزات بايدي ترجع الاشارات تشتغل
دى أهم حاجه فى شغل الكهرباءاقتباس:
حكاية "راكب مكانه" دي ليها قصة معايا لان الاشارات بتفصل عندي فجاءة فبفتح غطاء الفيوزات اللي في الصالون وازق كل الفيوزات بايدي ترجع الاشارات تشتغل
وهى ضمان جودة التوصيل الكهربى بين أى فيوز وقاعدته على علبة الفيوزات
سواء الكبيره أو الصغيره
راح التلامس الصح
يبقى الجزء اللى بياخد كهرباء من الفيوز المعين
مش حيشتغل طبعا
ودى معناها
ضرورة الأطمئنان على أن
كل فيوز راكب مكانه (صح )
_______________________________
عامة العيب بسيط وحنشوفله علاج أن شاء الله
لأن أهم شىء عندى حاليا
أن ال chime module ( الزنان )
شغال معاك
بدليل أن دايرة الحزام شغاله تمام
اقتباس:
الجرس بيشتغل مع اول تكة للمفتاح فقط فعلا ده طبيعي
وطبعا بأشكركاقتباس:
م/سمير..اهلا بيك..نورت الموضوع يا باشا
على زوقك
يا أستاذ : مصطفى
وجايز برضه يكون عيب فى موحد من الموحداتاقتباس:
موضوع النور بقي مكنتش باخد بالي منه قوي لاني بطبيعتي بطفي النور قبل ما بطفي العربية عشان البطارية
الموجوده فى علبة الفيوزات الصغيره بالصالون
عموما شوف الفيوز ده الأول وربنا يسهل
_______________________
خللى بالك
الفيوز اللى بنتكلم عليه فى العلبه الكبيره بغرفة المكنه
أذااقتباس:
ما العمل الان ؟
علينا وعلى الموحدات ( الدايودات )
حتلاقيهم أثنين عندك بالعلبه الصغيره بالصالون
الأول شوفها موجوده ولا لا
جايز ميكونوش ركبوها ولا حاجه
من ساعة أستلامك للعربيه وأنت مش واخد بالك
ولو كان نظام الأنذار مع فتح الباب والنور مولع كان شغال فعلا
وعطل اليومين دول
يبقى فيهم حاجه ضربت وعاوزه تتغير
انا عندى بتعمل صوت لما اى باب من الابواب الاربعة مفتوح معى تشغيل نور التابلوه
نعماقتباس:
مش هي العلبة الل جنب رجل السائق
اقتباس:
مشفتش فيها غير الفيوزات صفين وفيش كبيرة
عندكم فى الانوس المفروض فيه دايوود واحد
على الصف الشمال
وأسمه d8
وده مكانه بالعلبه
http://files02.arb-up.com/i/00098/fxttm7znhfe5.bmp
على فكرهاقتباس:
علي فكرة انا غيرت البطارية كمان بس لسه عندي نور الساعة بيضعف مع تشغيل النور الواطي واعتقد مكنش بيحصل كده قبل كده
حاسس ان فيه مشكلة ............:majd(4):
لو طلعت المشكله بتاع أنذار الباب مع النور
من تلف الدايوود ده d8
مشكلة ضعف نور الساعه حتروح
بإذن الله
مع تغيير الدايوود ( موحد التيار ) ده
أكيد هوه بغباوتهاقتباس:
هل ده الدايود ولا كده يبقي متشال ومحطوط مكانه بلاستكة
وبالذات طالما الأفلام دى
مكنتش موجوده عندك قبل كده
يعنى كان شغال
بس باظ حاليا
___________________
على فكره
سعره بسيط جدا
ممكن تلاقيه ب 5 ج ( تقريبا )
لا دى قصه
وعاوزه دايرة أختبار لمرور التيار الكهربى فيه
على أساس لما نحطه فى الدايره على التوالى
يسمح بمرور التيار فى أتجاه واحد فقط
ولا يسمح بمروره فى الأتجاه المعاكس
لأنه زى ما أخونا : أبو : يوسف
قال قبل كده
بيشتغل كأنه سكس فالف
بس للتيار الكهربى
________________
عموما هاته
ياحج : مصطفى
ده مش غالى
وأن طلع العيب مش منه
حدفع أنا ال 5 ج
على فكرة نور الساعة وانت قافل نور التابلوة بيبقى شديد ودة عشان بيكون الصبح فتحتاج الساعة الى اضاءة شديدة عشان تعرف تشوفها
اما بليل فإنت طبيعى بتنور نور التابلو فبتالى بيخفف من شدة ضوء الساعة عشان تبقى مناسبة للرؤية الليلية ودى طبيعة الساعة من ساعة ما جبت العربية
ما تقلقش يا بشمهندس
شكرا للاهتمام يا جماعه الف شكر
اسف علي التاخير في الرد
طلعت الدايود بصيت عليه مسحت الارجل بتاعته لاقيت مفيش تغيير في اي حاجة
بصيت فوق شوية لاقيت اسلاك الانذار اللي مركبه بتاع الانذار (طبعا بالشكرتون اللي انا بكرهه جدااااااااااااااااااا لانه بعد فترة بيعمل عازل كهربائي للاسلاك الموصلة اصلا وانا عارف الموضوع ده من زمان)
المهم فتحت نور التابلوه والعربية واقفة والباب مفتوحومحصلش حاجة..
حاولت اشد كذا سلك من الاسلاك دي لاقيت فيه اتنين منهم مع الشد شغلوا جرس انذار الاضائة
فايدة الشد هنا محاولة توصيل الاسلاك اللي عملت عازل من الشكرتون
ومن هنا اكتشفت ان العيب عندي من العازل الغبي اللي اسمه الشكرتون
ولازم ولابد اروح لكهربائي نضيف ان شاء الله عشان يعيدلي علي توصيل الاسلاك دي بقصدير مثلا
بس طبعا لسه نور الساعة بيضعف مع نور التابلوه.........ليه الله اعلم
الناس هنا بتقول طبيعي بس انا ملحظتش الموضوع ده قبل كده....ويمكن عشان مكنش في بالي اصلا
شكرا للمهندس سمير علي تعبه الكبير معايا
ورايك ايه يا هندسة في الحكاية دي ؟
اغير الدايود برده ؟
أنت طبعا شديت عليك فى أتجاه علبة الفيوزات من ظهرهااقتباس:
حاولت اشد كذا سلك من الاسلاك دي لاقيت فيه اتنين منهم مع الشد شغلوا جرس انذار الاضائة
مظبوط كده ولا أنا مش واخد بالى
ماهما السلكين دول عاوزين يتوصلوا كويس فى ظهر علبة الفيوزات
وهما بيعبروا عن بداية ونهاية دخول الكهرباء للموحد ( الدايوود )
وهما اللى فاصلين كهرباء عنه
وهو كده سليم فعلا ( الدايوود طبعا )
______________________
وتلاقى البيه الكهربائى اللى وصلك جهاز الأنذار
هزهم أو ملصوا شويه ومش متثبتين صح بمكانهم فى ظهر علبة الفيوزات ( أى السلكتين دول )
علشان الدايوود يشتغل
يعنى هو سليم فعلا .....بس مش واصله كهرباء
لا من بدايته ولا نهايته
وأنت لما شديت فى أتجاه الكرسى ( يعنى عليك )
ريحتهم شويه فى مكان توصيلهم بظهر العلبه وبكده الدايوود أشتغل
وبكده الأنذار أشتغل مع فتح الباب والنور والع