مين فينا اللى غلطان (حوادث الأصطدام من الخلف)

**م/مصطفى محمود** · 29-06-2010 12:54 PM

السلام عليكم ورحمة الله وبركاته

سؤال يا شباب ، هو دائما اللى فى الخلف هو اللى غلطان

يعنى لو دلوقتى واحد فرمل مرة واحده (نتيجة أن العربيات اللى أمامة وقفت ) وانا فرملت أنا كمان وخبط فية ، يبقى مين اللى غلطان

طب لو هو هدى جامد (يعنى فرمل بس مش مرة واحده) وانا فرملت برضوا وخبط فية من الخلف

يعنى عايز أعرف أمتى اللى ورا يكون هو اللى غلطان وأمتى لأ

**engahmedsamy** · 29-06-2010 12:59 PM

الللي خابط بالوش هوا اللي غلطااان

**م/مصطفى محمود** · 29-06-2010 01:08 PM

24- يجب ترك مسافة بينك وبين السيارة التى امامك تكفى لفرملة سيارتك تماما إذا اضطرت السيارة الامامية للتوقف فجأة، وتقدر عادة بسرعه سيارتك مقدرة بالأمتار، يعنى 60 متر إذا كنت ماشى 60 كيلو فى الساعة وهكذا، فى حالة إصطدام سيارة بسيارة امامها فإن سائق السيارة الخلفية يتحمل كافة المئسولية

ده يا شباب كان كلام لأخونا سبعاوى فى أحد المواضيع

**م/مصطفى محمود** · 29-06-2010 01:09 PM

حتى لو هو كبس فرامل جامد ؟؟؟

**M!SHO** · 29-06-2010 01:14 PM

المرور بيقول ان اللى ورا (اللى خابط بالوش ) هو اللى غلطان ,,,
بس والله العظيم ساعات كتير اللى قدام هو اللى بيبقى غلطان ومش شرط يفرمل فجأه ...

**محمد عز** · 29-06-2010 01:15 PM

دائما اللى بيخبط من ورا هوا الغلطان

اى كان سبب توقف السيارة الامامية

لسبب وحيد هو عدم ترك مسافة الأمان

اللى تسمح بتوقف السيارة فى حالة التوقف الفجائى للسيارة التى امامك

**M!SHO** · 29-06-2010 01:17 PM

المشاركة الأصلية كتبت بواسطة م/مصطفى محمود

حتى لو هو كبس فرامل جامد ؟؟؟

هو المفروض تسيب مسافه بينك وبينه,,,
بس فيه عوامل كتير بتتحكم فى الموضوع ده منها ,,,
السرعه اللى ماشى بيها واللى حضرتك ماشى بيها ,,,
المسافه اللازمه لتوقف سيارته وكذلك عربية حضرتك,,, وهكذا ....

**Car's Sniper** · 29-06-2010 01:18 PM

المشاركة الأصلية كتبت بواسطة محمد عز

دائما اللى بيخبط من ورا هوا الغلطان

اى كان سبب توقف السيارة الامامية

لسبب وحيد هو عدم ترك مسافة الأمان

اللى تسمح بتوقف السيارة فى حالة التوقف الفجائى للسيارة التى امامك

هو ده الكلام الصح بالظبط

**m_mekkawy** · 29-06-2010 01:19 PM

كل قوانين المرور العالميه اللى صادم من الخلف نسبة الخطأ عليه 100%

**Ahmed Nouh** · 29-06-2010 01:26 PM

كان من فتره حصل نفس الاشكال على حته ان فى قانون بيقول كدا والحمد لله محدش جاب نص القانون ده

الخلاصه ان مفيش قانون فى اى بلد فى العالم فيه بند ان اللى ورا غلطان بنسبه 100% وده اعتقاد خطأ

كل حادث وليه ظروف على اساسها بيتحدد مين الغلطان , علشان لو هى اللى ورا غلطان دايما يبقى انى اجى فى وسط الدائرى اضرب فرامل على الشمال واقف وابقى صح , وبنفس المقياس محدش يزعل لما ميكروباص يقف مره واحده فى وسط الشارع وانت تدخل فيه من ورا ويبقى المفروض انت تنزل تعتذرله

ان اللى قدامك ضرب فرامل ووقف علشان الطريق وقف قصاده ده خطأ عليه علشان هو مش مركز واستخدم فرمله فجأه وغلط عليك علشان انت كمان مش سايب مسافه كافيه

مش غلطتك لوحدك يعنى