الموضوع: إنذارالتريوس

كنت عملت موضوع قبل كده على الإنذار و الحمد لله ركبت إنذار بره التوكيل وعليه علامة دايهاتسو وشكله أنضف وأحلي 100 مرة من بتاع التوكيل بشهادة ناس مركبين فى التوكيل وب 200جنيه بس.
تخيلو فى التوكيل بيلغوا الحساس بتاع الإنذار ومش كده وبس اللى يضحك فعلاً بيقولك بيشتغل لما حد يكسر الإزاز أو يفتح الباب بس.

المشاركة الأصلية كتبت بواسطة mahora

طب فين التفاصيل يا باشا يعنى ركبته فين و ماركته ايه و كده يعنى ولا انت غاوى ساسبينس :)

حلوة ساسبنس دى
ياباشا ركبته ب225 جنيه عند توكيل كلاريون اللى فى شارع النزهه أمام فرغلى بتاع العصير وهو برضه توكيل سيمفوني.ومش عارف أرفع الصور بصراحة.
أنا بصراحة إتعملت معاهم كتييير فى الكاسيتات و كنت مركب عندهم السيمفونى فى عربيتى القديمة وكان زي الفل وهما ناس محترمين بصراحة.
الإنذار تايوانى وضمان 3 سنين وبتركبه من غير مايفك أى حاجة غير الدرج الصغير اللى على شمالك تحت والباكيته البلاستيك اللى فى عتبة بابك وفى نص ساعة بس.

صحيح يا باشا أنا سألت أمة لاإله إلا الله على غطا الشنطة ومش موجود شكلى كده هدور عليه إستيراد أو أعمه فايبر فى الحرفيين