هشتري c4 مستعمل 2007 و مش عارف أفحصها أزاي, برجاء الأفادة

**deanserver** · 30-06-2010 03:12 AM

مواصافت العربية اللون اسود ستربترونك تارة مالتي فانكشن تكييف باور سنتر لوك وحدة رفع زجاج كهرباء مفتاح ريموت تحكم كامل من الطارة بلوتوث الكاسيت الاصلى والفرش الاصلى ثلاجة بالتابلوة فرامل abs ايرباج انوار زينون

هي موديل 2007 عاملة 75 الف كم و مطلوب 65 الف
المهم انا مش عارف افحصها فين بالزبط و يكون فحص دقيق و مضمون ؟
و نوع الفحص هيكون أية ؟
و هسأل البايع عن اية بالظبط من اوراق ؟

معلش يا جماعة اول مرة اشتري مستعمل و ماليش خبرة فية

**A.Saad** · 30-06-2010 11:31 AM

http://www.nilemotors.net/Nile/20244-a.html

http://www.nilemotors.net/Nile/22454-a.html

**Gabrial** · 30-06-2010 02:25 PM

إكشف عليها في أمير و جوزيف ،ربنا يوفقك .
Welcome at Amir & Joseph

**engahmedsamy** · 30-06-2010 02:26 PM

ممكن تروح امير وجوزيف في مدينة نصر

**deanserver** · 30-06-2010 02:57 PM

اشكركم جميعا
و هروح بكرا ان شاء الله أكشف عليها

**A.Saad** · 30-06-2010 03:48 PM

المشاركة الأصلية كتبت بواسطة deanserver

جاري الأطلاع و شكرا مقدما
لكن انا أقصد بردة أكثر تخصص و هو الـ c4 احسن مكان اكشف عليها فين و اية نوع الكشف دة ( يعني اقول اية في المكان اللي هكشف فية عليا )

انا معنديش خبرة فى السيتروين فعلشان كدة سبت النقطة دى لباقى الاعضاء ومرديتش اقول بنزينة لان الموديل حديث فالافضل بيكون كشف التوكيل

**me_da40** · 07-07-2010 05:16 PM

ربنا يوفقك و .... طمنا عليك اشتريت و لا لسه و قولى عملت ايه اصلى ناوى اشترى c4 برده و عايز اتعلم من تجربتك

**badshakhan** · 11-07-2010 03:08 PM

الأستاذ الفاضل

عليك وعلى التوكيل عز العرب أبو رواش او أمير وجوزيف الى موجود في مدينة نصر

لانهم هيكشفوا على العربية بالكامل وبالأجهزة وكمان هيدولك تقرير على العربية الصغيرة قبل الكبيرة وعلى فكرة الكشف دة مش غالي ابدا دة بـ 150 جنية بالضبط

انا كشفت على عربيتي عند امير وجوزيف كشف كامل بالكمبيوتر وادوني تقرير بحالة العربية وكل دة بـ 150 جنية

بالنسبة للعربية لازم تاخد بالك من حاجة

السيتروين عربية جميلة جدا وشيك جدا وفيها كل الكماليات الى تلاقيها فى اى عربية تانية غالية بس لازم تعرف ان قطع غيارها وصيانتها غالية جدا ولازم تتعمل في التوكيل مش برة عند اى ميكانيكي بس لو لقيت ميكانيكي بيفهم فى الفرنساوي خصوصًا الستروين فتوكل على الله على طول وصلحها عنده بس انت هات له قطع الغيار ولازم تكون اصلية

انا عربيتي لسة كنت عاملها صيانة الـ 60 الف في عز العرب ابو رواش كلفت بالضبط 2950 جنية

وعلى فكرة عاوز اقولك على حاجة الكمببيوتر بتاعها حساس اوى اوى يعني لو قطع غيار مش اصلية او ركبت غلط هيصفرلك كل شوية وهيوجع دماغك

ولو عاوز اى حاجة تعرفها عن العربية دية انا موجود وتحت امرك