برجاء المساعده

**mshemy** · 30-06-2010 09:09 AM

السلام عليكم ،،،

ياريت أهل الخبره يردوا عليا ، انا فعلا محتار في شراء عربيه زيرو ، هيا في الأساس لمراتي ، و انا بدور في حدود 125،000 جنيه و بحاول أختار من الأنواع الآتيه بس بجد أحترت :

* تويوتا ياريس 2010 ، 1500 سي سي
* بولو 2010 ، 1400 سي سي
* كيا كارينز 2010 ، 1600 سي سي
* هيونداي إلانترا 2010 ، 1600 سي سي
* رينو فلونس 2010 ، 1600 سي سي

مع العلم بأن جميع السيارات أعلاه كامله أوتوماتيك.

برجاء الإفاده

م - محمد الشيمي

**reamoz** · 30-06-2010 02:33 PM

لو عربية تانية يفضل إنها تكون صغيرة علشان كدة أرشحلك البولو

**mstool** · 30-06-2010 02:45 PM

بص الياريس جراية لكن ضيقة من جوة و يكفى انها تويوتا انا معايا كورولا روعة بس تعويم على السرعة بطريقة ملحوظة يعنى (لما اكون راكب لوحدى فقط )
الكيا كارينز موتور صغير على عربية كبيرة و بتاخد حيز كبير فى الشارع انا مش مايلها بالنسبة لستات
بولو معرفش عنها حاجة بامانة
الانترا هيونداى و هيا تعتبر اقل عربية فى الاختيارات غير انها ورقة ورقة ورقة عملت بيها حادثة كنت هطير و مبتستحملش خالص بس رفاهية حلوة وواسعة بطريقة كويسة بس مش اوى يعنى و شكل خارجى لذيذ و بتعوم شوية على السرعة
الرينو فلوينس عربية اكثر من رائعة لو ليها عيب هيبقى عيبها الوحيد غلو قطع غيارها و دة موجود فى كل العربيات الجديدة بس شكل حلو موتور قوى تصميم اكثر من رائع تمنها فيها جدا جدا انا عن نفسى يكفينى انها رينو فرنساوى 100% قمة الاحترام انا والدى معاة موديل رينو 9 قديمة جدا بس روعة تكيفها متلج عن النيسان و موتورها احلى من البيجو القديمة و نادرا لما تفتح بوقها فى تصليح و قطع غيارها متوفرة جدا و سواقة ناعمة و سلسة جدا رينو فى اختبارات اوروبا مكسرة الدنيا عربية فعلا نضيفة حتى لو المصريين ملهمش تقل عليها جامد يعنى
فى الاخر ارجح رينو لجميع الاسباب و ابعد عن هيونداى و كيا كارينز ممكن تجيب سيراتو مع انها انتشرت جامد بس تمنها فيها و ثبات و تصميم و سواقة اكثر من ممتاز و رفاهية ووسع زيها زى الرينو و الرينو اوسع من جوة غير انها رينو مش كيا