ليه دايما اى حد يجيى يشترى عربيه فيها موتور متسقط اكبر من موتور العربيه الاصلى او اصغر
يلاقى الف واحد بيقوله اوعى تشترى العربيه دى
دى ملعوب فى اساسها
لازم موتور الفابريكه
هل ده يعد عيب فى العربيه ينزل تمنها الارض؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
ليه دايما اى حد يجيى يشترى عربيه فيها موتور متسقط اكبر من موتور العربيه الاصلى او اصغر
يلاقى الف واحد بيقوله اوعى تشترى العربيه دى
دى ملعوب فى اساسها
لازم موتور الفابريكه
هل ده يعد عيب فى العربيه ينزل تمنها الارض؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
السبب الرئيسي للسمعه السيئة للتسقيط هو سواء حالة الميكانيكية في مصر عامة وفي كل الموديلات الا القليل جدا وعشان كمان مافيش أمانة في الشغل كله بيعك وكل همه انه ازاي يحصل في جيبه المعلوم وبرضه الا من رحم ربي يعني قليلين جدا للأسف
من وجهه نظرى المتواضعه دا السبب الوحيد لكن غير كدا بالعكس دا يرفع من ثمن العربيه المفروض لو الموتور أكبراقتباس:
المشاركة الأصلية كتبت بواسطة ehab_mansour
هو ممكن يكون عشان الناس بتقول طالما متسقطلها موتور يبقى اللى فيها انتحر و ده معناة ان العربية اتنفخت تحت رجل اللى سايقها فبيبعدو عنها
ده رايي
وحاجة تانية فيه ناس ممكن تسقط مكنة اعلي علي فتيسها القديم وكمان تغير نظام حقن البنزين فالمكنة زي واحد صاحبي معاه ايبيزا94 المكنة ال1300 كربيراتير خربت جاب 1400 هالف انجكشن وطبعا بلوك بس وركب كربيراتير 1300 عليها وفتيسه ال1300 القديم(الفتيس القديم هيزود استهلاك البنزين شويه ويكتم الموتور يعني ميجمعش معاك سرعة والله اعلم كربيراتير بدل هالف انجكشن اكيد هيأثر عالإستهلاك والسحب) وكل ده عشان معهوش فلوس لأن لوسقط المكنة هالف انجكشن بفتيسها وكنترولها وكده هتخش معاه فمبلغ قول 3500 وهو عملها ب2000 ومن كلامي معاه مش هيقول لحد يوم ميبيع ان دي مش مكنة العربية ربنا يهدي طالما مسألوش قليل اللي هييجي فباله يسأل السؤال ده وقليل اللي مش هيكذب عليك طب لو انت بتشتري هتعرف ازاي بسيطة جدا المكنة ليها رقم تسلسلي وكود الكود ده علي بلوك الموتور بيوضح مواصفات المكنة ونظام تغضية البنزين فيها كربيراتير هالف انجكشن او انجكشن كامل وكمان 8 صباب ولا 16 كل ده عالنت واضح
مثلا كود موتوره ال1300 كربيراتير 2g/aav
وال1400 هالف انجكشن abd
وطبعا لازم تكون عارف شكل الهالف انجكشن مالكربيراتير من الإنجكشن يوم متيجي تشتري الكود لوحده مش كفايه يعني مكنة هالف عليها كربيراتير اخلع يقوللك كده احط 80 يوم محط 80 بعد مسقط الموتور بيكركر ليه لأن نسبه انضغاطه اعلي وطبعا انا نصحته قبل ميسقط ولا هو هنا ياريت الموضوع يتثبت لو ينفع لأنو كان في دماغي من زمان تسلم ايديك يا ضياء
بوص انا مش مع الناس ديه خالص انا عموما لما باجي اشتري عربيه بشتريها متظبطه ليه لاني كده كده هضبطها يعني مثلا جولف 2 ب
30 الف وجولف 2 تانيه ب 35 والاتنين نفس الموديل ونفس الحاله بس الفرق ان ديه فيها مكنه 2000 وديه في مكنه 1300 مثلا يبقي
اشتري اللي فيها الالفين علشان اكيد لوجبت اللي فيها 1300 وحبيت اسقط المكنه ال 2000 اسرف اكثر من 5000 في تسقيط المكنه
فده يعتبر اوفر في الفلوس وافر في الجهد والتعب مع الصنايعيه بس دروري جده اللي يجيب عربيه متظبطه يكشف عليها كويس جدا
نفس فكرة العربية لما تبقى راشة يقولك بلاش العربية دي !!
في ناس بتحب تركب الاستوك ... يعني يركب العربيه زي ماجت من المصنع ولا موتور ولا جنوط و عفشه ولا الكلام ده
وناس تانيه بتحب تعدل و تسقط مواتير .... في الاول و الاخر كل واحد ليه اختياره
بس فعلا في كلام بيتردد من غير فهم في السوق بتاعنا منه موضوع المواتير المتغيره ده
كله بيخاف وخلاص من غير مايعرف حتي الموتور ده ايه
و انا مع التسقيط و التعديل و في الشراء الموضوع ده بيفرق كتير مع المشتري و لبخسران هو البايع
بصوا يا جدعان أنا عندي أبيزا 2002 المكنة بتاعتها ال 1000cc، من يجي شهرين كده العربية لاقيتها متالتة روحت للميكانيكي بتاعي الهوا سيد اللي في جسر السويس. قالي المكنة دي خفت و أحسن حاجة تجيبلها بلوك ال1400cc الإستيراد و ده البينزل في أوروبا. و بيتركب مكان القديم و نفس الجير بوكس بس بيغير الكنترول.
لاقيت الموضوع هيخشلة في خمس بواكي قولت يا واد أنا ايوة بثق في سيد ده جداً بس دول خمس بواكي أسأل الأول كل الميكانيكية البتفهم في السيات قالولي نفس الكلام اللي مالوش فيها فيها قالي نعمل عمرة للمكنة دي.
أخدت قراري و روحتلة يوم الجمعة قبل الصلاة بشوية و بعد المغرب كنت واخد العربية بصراحة العربية فرقت جامد جدا سحب زي الفل و طلعت علي طريق العين السخنة جمعت 140 في 15 ثانية تقريبا و كان الrpm علي 3.5 ، بصراحة العربيو بقت حاجة تانية و أنا دلوقتي بدعيلة .... بس بيني و بينكوا انا اخدت الخطوة دي بعد ما قررت اني موش هابيع العربية قبل 5 سنين كمان و حبيبت أستمتع بسواقتها.
كان نفسي اجيبلها مكنة كاملة 1.8 GTI بس لاقيتها بالفتيس هتدخلها في 8 بواكي و سامع بقالي فترة ان البنزين هيغلي :)
مبروك عليك المكنة بس 1400 بلوك بس ب5000 جنيه مش عارف عندي في 99 الأسعار اقل من كده بس السؤال هنا مش الأفضل والأصح انك كنت تاخد المكنة بفتيسها
كلامك مليون في المية صح.... بس هيا الصدفة بس ان الموتور 1400 الواحد كامة نفس الجير بوكس و المانيفولد و الكهرباء و كل حاجة ما عدا الكنترول فيه رقم مختلف فابتشتري البلوك و معاة الكنترول بتاعة و ثمنة 4500 و ممكن تفاصل لو كان مفكوك عنده انما لو هيفكهولك مخصوص هوا ده السعر.اقتباس:
المشاركة الأصلية كتبت بواسطة windsofchange
و بعدين أرجع و أقول انا موش خبير أوي، بس اليأكدلك المعلومة الباشمهندس سيد بتاع الجولف اللي في جسر السويس بصراحة الراجل ده حافظ كل مسمار في العربية و يكفي انة فكلي البلوك و الكنترول و برمجة تاني و غيرت اسطوانة الدبرياج و معاها تيل الفرامل بالمرة و ركبلي الجديد في أقل من 4 ساعات.
و كالعاده رجل قد كلمتة و محترم و لو موش عارف حاجة يقول انة موش عارفها و كل الحساسات شغالة و المكنة ميه مية باقي بس أعمل السيرفيس الأسبوع الجاي إن شاء الله.