الموضوع: سؤال عن سحب و تكييف ال fsv أو ال frv 1500

المشاركة الأصلية كتبت بواسطة meshmesh78

أنا الحمد لله العربية اللى معايا 1600 موديل 2009 تقريبا الدفعة التانية

بخصوص ال 1500 فالعربيات دى تكنولوجيا مختلفة شوية يعنى انا دواسة البنزين عندى على سلك انت مثلا عربيتك كهرباء

وطبعا ده بيفرق فى السحب لصالح 1600 القديمة ولكن على العكس بيفرق فى سحب البنزين لصالح 1500

ولكل الناس اللى كانت راكبة عربية دواسة البنزين على سلك حيحس ب delay وده شئ معروف فى مجال العربيات

يعنى اللى ركب مثلا ستروين c4 الموضوع ده موجود فيها بس الموضوع ده بيدخل فيه حاجات كتير منها العربية مثلا

مطبعه (ملينه) ولا لأ التحميل مقاومة الهواء .

وفى حالتنا دى وزى مقلت لحضرتك العربية مش ملينة وده بيخلى استجابة الموتور مش فى الوضع الطبيعى ومن اسباب الكلام

ده واللى قلته من قبل ان زيت الموتور زيت تخزين واللى حضرتك اعترضت عليه رغم ان ليه دور رئيسى فى السحب

لأن عملية التزيت وتقليل الإحتكاك داخل الموتور ودورة الزيت مبتشتغل بالكفاءة المطلوبة وده مع دواسة البنزين الكهرباء بيقلل فى

قدرة المحرك وبيعمل فقد فى العزم المطلوب للسحب

وظاهرة التأخير delay دى زى مقلت معروفة وموجود فى عربيات أوروبية.

ومعلش العربية فى التليين وياريت نتعلم ازاى نسايس الموتور فى الفترة دى علشان يديك اداء عالى فى المستقبل ويطيل من

العمر الإفتراضى.

أخى الكريم حضرتك محتاج شوية صبر بس وعلى المدى القريب الموضوع حيتغير فى صالحك ان شاء الله.

ومتنساش ان تكنولوجيا العربية ال 1600 اقدم من 1500 ممكن يكون قدرة الموتور شكليا اعلى لكن فعليا عدد الأحصنة مفيش

فرق فيه.

تقبل مداخلتى وردى

واعلم دائما انك على الرحب والسعه

لك منى كل الود...

+1111111111111111111111111111
الله عليك يا مشمش و علي ردودك يا معلم
فعلا يا جماعة واحده واحده علي الموتور و هو هيفتح معاكو بالتدريج

المشاركة الأصلية كتبت بواسطة meshmesh78

أخى الكريم
اسمحى ارد عن سونسون

العربية ما شاء الله زى الفل انا معايا ال 1600

الموضوع ببساطة ان العربية انت لسه شاريها ولسه ملينتش الناس فى التوكيل قالو ان مسأله السحب حتختلف بعد صيانة

2000 كم زى الأستاذ سونسون مقال وده لأن زيت الموتور اساسا زيت تخزين وبعد ميحط زيت 10000 وتليين ال 2000 كم العربية

بيبقى الفرق ملحوظ جدا .

وعن تجربة الناس اللى معاهم العربية وأنا واحد منهم ان العربية بتتغير فعلا بعد 2000 من ناحية الأداء ولكن التغيير القوى جدا بعد

صيانة 10000 كم العربية سحبها بيكون قوى جدا والأداء سريع وسلس جدا.

فالإستاذ سونسون قال بعد 2000 كم وبعد 10000 كم وكلامه فى الحالتين صح على كلام التوكيل وكلام مالكى السيارة

فإنت بس متقلقش خالص لين على راحتك من غير كبس على الموتور ولا شد ولا تحميل و rpm ميزدش على 3000 لفه

وبلاش تكييف قبل 1000 كم .

وانت مع الوقت حتحس بالتغيير لوحدك

العربية ما شاء الله زى الفل والأيام حتسبت لك الكلام ده .

وتحت أمرك فى أى استفسار

وألف مبرووووك وربنا يباركلك فيها ويديك خيرها ويكفيك شرها.

أشكرك يا مستر مشمش على دفاعك و ردك بالنيابة عنى .. لكن ده مش غريب علي شخصية محترمة زيك و ده اللى انا متوقعه منك ...
تحياتى لشخصك انت و كيرو و خللود مع حفظ الألقاب

المشاركة الأصلية كتبت بواسطة amigo_magdos

طيب واضح اني زعلت الناس مني. على العموم انا اسف مكنتش اقصد.
المهم واضح ان في مشكلة فنية في العربية. و موضوع ال 10000 كيلو ده مش داخل دماغي طبعا. مافيش حد بيلين في 6 شهور. اناهاعمل زيكو كده. هاستنا صيانة ال2000 . لو محلوش المشكلة يبقى مفيش غير حماية المستهلك و الله الستعان

يا استاذ اميجو مافيش زعل ولا حاجة و لا داعي للأسف سيب الكلام ده للعيال الصغيرة احنا بس كنا عايزين نطمنك و فى الآخر احنا كلنا فى مركب واحدة - و انشاء الله انا عندى صيانة ال 2000 يوم الثلاثاء 6 يوليو و اوافيك بالتغيرات إذا كان فى تغيرات بعد ما اخلص انشاء الله و انا رقم موبايلى 0101549682 لو احتجت اى حاجة و اسمى رضا
تحياتى