ازاى اشترى سيارة الشعب؟؟ 127 او 128 طبعا

**mmffor** · 10-07-2010 07:59 AM

i didnt say you can fix A/C for 127 i said its possible with 128 ! and whats wrong with 1100 cc engines? the polo has 1000 cc and have a/c and the maruti has 800 cc and have a/c and the smart car have 650 cc and also have a/c!! then about the 128 is better than 127 because its spare parts is much more available and it doesnt rust easily like the 127

**Piowood** · 10-07-2010 09:02 PM

المشاركة الأصلية كتبت بواسطة aymangalal510

عندى استفسار تانى
لو حبيت اجيب عربية ينفع لها تركيب تكييف اكيد هحتاج اسقط موتور بتكييفة صح كده؟؟؟
ايه الموتور ابو تكييف والنوع الانسب له فى كل حاله 127 و 128 وتكلفته كام تقريبا
يهمنى اوى موضوع التكييف ده يا جماعه خصوصا الايام اللى جايه
وماحدش يقولى اصبر وكمل وهات لان ااقل عربية مكيفة مش هتقل عن 30 الف
ياريت حدى يقولى

انا فهمت سؤالك .. بص يا باشا انت عشان تركب تكييف في عربية 128 لازملك موتور ريجاتا 1500 سي سي ودة ممكن يركبلة تكييف عادي بس اقل من كدة مستحيل يعني لا موتور 1100 وللا 1300 . هو بتاع الريجاتا ال 1500 سي سي

بس خلي بالك ان كل حاجة ليها حاجتها يعني مثلا العفشة هتضايقك مع الموتور دة لأنها مصممة لموتور 1100 او 1300

..

**Piowood** · 10-07-2010 09:10 PM

)
النقطة الاهم ان حضرتك بتفضل الـ 128 عن الـ 127 فى الموضوع ده ليه؟معلش الترجمه مش مجمعة معايا فى النقطه دى رجو التوضيح[/quote]

ممكن انا ارد على حضرتك . ان ال 128 أفضل من ال 127 في :

1- موتور أقوى
2- عفشة متينة عن ال 127
3- صالون أوسع
4-فيها شنطة ودة بيفرق في السفر
وكمان شكلها بيعجبني عن ال 127
انا بجد سوقت دي و دي لكن ال 128 أفضل مش هاقولك بمراحل لا .. بس ولو أفضل نسبيا ..

**aymangalal510** · 10-07-2010 11:43 PM

متابع عشان استفيد

**bassem.naguib** · 11-07-2010 01:37 PM

يا جماعة الخير .. وجهة نظري صعب تركيب تكييف في الـ 128 .. ومش حيبقى بالكفاءة المطلوبة .. ولإمكانية تنفيذ الكلام ده يجب مراعاة الأتي :

1) مراجعة جميع أجزاء الصالون الخاص بالسيارة من فتحات والتأكد تماماً من سدها وخلوها من أي تسريبات ممكنه للهواء .
2) تركيب موتور جديد ولا أنصح بأقل من 1500سي سي ، وما يتبع ذلك من تعديلات في الحوض والشاسيه ، وإن كانت غير مضمونة العواقب .. واللينك ده اعتقد فيه الكلام المفيد من جميع وجهات النظر .. وكل واحد ممكن يقرر أنسب قرار ليه .
http://www.nilemotors.net/Nile/152979-128.html
3) تغيير الكاوتش الخاص بالأبواب لضمان عدم تسريبه للهواء الخارجي .
4) من وجهة نظري تغيير التابلوة بتابلوه أونو على سبيل المثال (إذا كان مناسب للـ 128).. وذلك للتغلب على سوء وضعية فتحات تهوية 128 .

وفي النهاية لو جينا حسبنا تكاليف الكلام ده كله أعتقد أنه حيكلف كتير بخلاف التعب والمجهود المبذول في التعديل .

أنا مش ضد التعديل .. بس لو الواحد غاوي وعنده استعداد أنه يصرف بغض النظر عن المردود وده في مقابل الشد والجري وتركيب تكييف .. إنما لو واحد عاوز يركب العربية لتقضية مشاويره العائلية يبقى منصحوش يعدل كتير .

**bassem.naguib** · 11-07-2010 01:58 PM

المشاركة الأصلية كتبت بواسطة aymangalal510

السلام عليكم جميعا
معلش استحملونى شوية انا لسه جديد فى الـ car وعايز حد يدلنى بالراحه وبوضوح ويكسب فيا (صواب) (ثواب)

انا معايا اول عن اخر 14 الف ونويت (والنية لله) ابقى من اصحاب العربيات و وبما انى من الشعب ... رسى اختيارى على سيارة الشعب 127 او 128 لانهم فى حدود الميزانية
وترتيبى كالتالى: طبعا بالنسبة للسعر بس والباقى بقى على الله ثم على مشورتكم
اجيب حاجة فى حدود 10 او 12 واخلى 2 للتظبيط والذى منه .... لانى عرفت ان اى عربية قديمة اكيد هتحتاج تظبيط حتى لو متظبطة عشان تتباع
المطلوب بقى الاجابة على الاسئلة الاتيه (اجبارى): طبعا بهزر انا بطلب بأدب
هل الترتيبة دى كويسة ومعقولة ولا لأ؟؟
والمبلغ المقترح يجيب موديلات من كام لكام؟؟؟؟
10 : 12 ممكن يجيبولك عربية 128 في أواخر السبعينات أو أوائل التمانينات

والافضل ايه؟ 128 ولا 127؟؟ ملحوظة(الاستخدام عائلى مش شبابى)
وايه الفرق بينهم؟؟؟؟
128 عائلية أكتر وأوسع شوية من 127 .. فأعتقد أنها حتكون أكثر مناسبة ليك

الاهم من ده كله بقى وبصفة عامة وبخلاف الميكانيكى والسمكرى والحد الفاهم ازاى اقدر اعرف حالة العربية الحقيقة(ازاى اشترى واقدر الحالة يعنى من باب العلم بالشىء) اخد بالى من ايه ؟؟؟؟
(الايه ده اللى هى الحاجه اللى انا ماعرفهاش طبعا عشان كده برمز لها بـ إيه
والايه ده موجود فى انهى مكان فى العربية ؟؟؟ ولو الايه ده كان كذا يبقى ماشتريهاش ؟؟
انا عارف ان العربيات القديمة معظمها فى حالة يرثى لها لكن على قد اللى معايا
انا عارف انى هسمع مقترحات بأنى ازود المبلغ شوية واجيب حاجة احسن لكن للأسف نو امكانيات اكتر من كده
علشان نبص على أي عربية .. حنقسمها لحاجتين أساسيتين أولهم أساسيات العربية (وده المهم) .. وثانيهم حالة الموتور والعفشة ...إلخ وعلى أساس الحاجتين دول بتتسعر العربية (من وجهة نظري تقييم أي عربية بيبقى على حسب الحالة وليست الموديل)
بالنسبة للأساسيات في العربية بتبص على القوايم والحوض والشنطة والعتب وبنشوف حالتهم أيه .. وإذا كان فيه لعب فيهم ولا لآه .
وثاني حاجة حالة الموتور والعفشة والصالون والكهربا بصفة عامة .
وعاوز ألفت نظر حضرتك إلى أن الحاجات اللي بقول لحضرتك عليها دي محتاجة خبرة (يعني لازم تتشاف عملي .. مش مجرد كلام في منتدى) وعلشان كدة يفضل يكون معاك حد فاهم وعنده خبرة كفاية .. ولو كان صنيعي لازم تكون واثق في شخصه أولاً وفي خبرته ثانياً

عشان كده ياريت بقى من اهل الخبرة مع النوعية دى من العربيات انهم يفيدونى بكل حاجة كل حاجة كل حاجة عشان ابتدى رحلة كفاح مع العربيات وانهى رحلة كفاح مع المواصلات
ويا سلااااااااااااااااااااااا ام لو فى معلومة بالصورة عشان الواد يبقى متخيل شكل الحاجه
وربنا مايوقعقوا فى سيارة الشعب

إن شاء الله ربنا يوفقك (للصواب)

**bassem.naguib** · 11-07-2010 06:29 PM

المشاركة الأصلية كتبت بواسطة aymangalal510

شكرا استاذ باسم على الشرح المستفيض
وانا قاصد(صواب) على سبيل المزاح هههههههههههه وشكرا للتصحيح
ايمن باشا الشكر لله .. وبعدين وضح يا سيدي أنك بتهزر وإلا كنت حفتح معاك درس في اللغة العربية .. قول ورايا ألفون .. بائون .. تائون ...ههههه ولو أني كنت حاسس أنك قاصد تكتبها كدة وبتهزر .

والله انا من كتر ماقريت عن تعديل السيارات دخل دماغى ان اعدل على حسب احتاجى
بس حضرتك دايما بتلفت النظر الى علو اتكلفه بخلاف المجهود
ما هو التعديل يا أما تعمله صح يا أما بلاش .. ولما يتعمل صح أكيد حيتكلف لأن الغالي تمنه فيه .. ولا مش معايا

انا عارف ان الموضوع محتاج مجهود جاااااااااامد بين الصتايعية وده عامل حسابه بس اللى مش عامل حسابه ان المزانية تخرّم وتعدى المبلغ المتاح عشان كده ان خايف ابدأ واقف فى نص السكه
سيبك من المجهود حتستحمله .. ولاجل الورد ينسقي العليق .. اللي مينفعش بقى أنك تقف في نص السكة .. وطالما ابتديت لازم تكمل للأخر من غير فاصل ونواصل .. واللي فهمته أن الميزانية محدودة .. وبعتلك على الخاص ميزانية تقديرية قد تقل وقد تزيد .. مش عارف قريتها ولا لآه

وعندى اقتاح بديل وهوه (الماروتى)كنت قريت لعضو فى المنتدى ركب لها تكييف وانا متابع معاه ولغاية دلوقتى ماظهرش اى سلبيات
ده طبعا مع الحرص التام فى اتباع احسن سلوك فى التعامل مع العربية ككل والموتور والتكييف على وجه الخصوص وبرضه كنت شوفت اعلانات معروضه عن بيع ماروتى مكيفة وموديل 94 بـ 18 الف وعجبنى جدا بيانات العربية ولما اتصلت لقيتها اتخطفت تانى يوم من عرضها للبيع عشان كده بفكر فى الماروتى والى سمعت انها محهزة تكييف بس مش بتنزل مصر بتكييفها والتكييف بتاعها بيتباع لوحده بره او فى التوكيل
ايه رأى حضراتكم فى الاقتراح ده؟ (مميزات وعيوب)
حاول تتابع مع صاحب التجربة مدى الجدوى في أداء التكييف وعملها فين وبكام .. لأنه هو الوحيد اللي قادر يفيدك من خلال التجربة .