الموضوع: مكواه ولا بومه

رجاء نصيحتي أشتري لانسر مكواه ولا بومه أيه الأفضل فيهم؟ وهل جميع موديلات المكواه 1300 سي سي؟

ايوة كل المكوة اللي في مصر 1300 ومنها مانوال او اوتوماتيك بس انا انصحك بالمانوال لو هتجيب مكوة عشان متحسش بضعف اوي مع التكييف. ثانيا انصحك بالمكوة عن البومة لانها كاربراتير وممكن يتحطلها 80 لو زنقت معاك ماديا لا قدر الله وتظبط كهاربة العربية وتمشي تمام. انما لو عايز بومة بقي يبقي تجيب 1600 ولاحظ ان الفرق في سعر المكوة من 2001 لحد 2003 مش كبير لحد بومة 2006 او 2007 او 2008 بس ال 1300 وده متهيالي دليل علي ان المكوة ماسكة سعر ومحافظة عليه. وتبقي تقولي وصلت لايه

المشاركة الأصلية كتبت بواسطة أحمد كمال

مفيش علاقة بشلن ما بين الكاربراتير و البنزين 80 !!!!

الانجكشن او الكاربراتير مالهمش علاقة بالرقم الاوكتاني

اللي ليه علاقة معامل انضغاط المحرك كل ما يعدي رقم معين كل ما تحتاج بنزين اعلى

و في نفس الوقت ..... البومة فيها knock sensor & engine retarder يعني لو حطيت لها بنزين اوكتانه اقل من المطلوب بترجع دورة الاشعال بدري شوية عشان الموتور ما يسقفش بس في مقابل ضعف الاداء

ممكن حضرتك تكون بتتكلم صح في موضوع الانضغاط بس متهيالي برده ان البنزين 80 مينفعش خااااااااااالص مع الانجكشن عشان ممكن يسد البخاخات او الرشاشات بتاعة الانجكشن انما في الكربراتير بيبقي كباس او خرطوم بينزل بنزين علي شمعات الاحتراق ( زي العربيات القديمة ) وطبعا كدة كدة في فرق. بس علي فكرة انا جازفت وحطيت بنزين 80 في لانسر مكوة بعد ماشوفتها مع ناس كتير وكرستالة كمان وماشية تمام .في الاول سقفت شوية بعد ماشورة الشباب هنا روحت ظبطت الكهربا والحمد لله بعت تمام اوي زي ماكنت ماشي بيها علي بنزين 92 (بس ساعات بترجرج لما ابطلها وده كهربا عالية مش بنزين). عموما برده عشان منخرجش من موضوعنا انا لسة عند رايي ان صاحب الموضوع يشتري مكوة ومش هيندم والله ان شاء الله فعلا هتحافظ علي فلوسك في عربية ماسكة سعرها لو حبيت تبيع بعد كدة.

المشاركة الأصلية كتبت بواسطة أحمد كمال

مفيش علاقة بين رقم الاوكتان و انسداد الرشاشات !

رقم الاوكتان مالوش غير معنى واحد .... البنزين هيستحمل ضغط قد ايه قبل ما ينفجر ذاتيا بدون اشعال

و على فكرة .... البومة برضه ماسكة سعر كويس جدا .....

اولا انا بتكلم عن انسداد الرشاشات او البخاخات بسبب الرواسب او نسبة الرصاص الاعلي في ال 80 ( مبتكلمش عن رقم البنزين كرقم اوكتان ) بدليل فلاتر البنزين اللي بتتغير او بنشوفها فيها شوائب اكتر في العربيات اللي بتستخدم بنزين 80. ثانيا كدة كدة لازمة البومة تكون ماسكة سعر كويس لانها عربية موديل حديث من اول 2004 وانتا طالع انما لما تلاقي عربية موديل 2001 او 2002 او 2003 (مكوة ) ماسكة سعر كويس وقريب جداااااااااا من سعر بومة وممكن كمان بسعرها تجيب بومة 2006 او 2007 هي ده بقي اللي تقدر تقول عليها ماسكة سعر. مش اجيب عربية موديل معداش عليه غير كام سنة واقول ماسكة سعر ماطبعا لازم لانها تعتبر لسة زيرو. ولا ايه رايك ؟؟؟؟؟؟؟؟

بصراحة اتفرجت على عربيات مكواة كتير وما لقتش حاجة كويسة تتركب.

اتفرجت على عربية 2005 بومه فبريكة بره وجوة ما عدا اكصدامين ورفرف ووصلتها لصاحبها 64 ألف وهو ماسك في 65

بس العربية فيها كاسيت أي كلام من الرخيص أبو 100 جنيه مش الكاسيت الأصلي وسألته عليه يقولي مش عارف ودا اللي خلاني ما أزودش عن كده وبصراحه سبتها وقولت أشوف حاجة تانية.

انتا بتشتري عربية مش كاسيت فاتفرج علي عربية وعلي اساساتها شاسيه موتور عفشة رشة ولا لاء. بس انا لسة برده عند رايي انك تشوف مكوة وكمان متزهقش بسرعة انتا بتشتري مستعمل يعني في واحد بيحافظ وعشرة مبيحفظوش ادخل علي موقع كار 100 100 وادخل علي الميتسوبيشي واتفرج براحتك

المشاركة الأصلية كتبت بواسطة mr_vampire

انتا بتشتري عربية مش كاسيت فاتفرج علي عربية وعلي اساساتها شاسيه موتور عفشة رشة ولا لاء. بس انا لسة برده عند رايي انك تشوف مكوة وكمان متزهقش بسرعة انتا بتشتري مستعمل يعني في واحد بيحافظ وعشرة مبيحفظوش ادخل علي موقع كار 100 100 وادخل علي الميتسوبيشي واتفرج براحتك

+111111111111