حبوب منع حمل للرجال

**windofchange** · 30-06-2010 05:06 PM

طيب ممكن صورتها

**hesham_tawfiq** · 30-06-2010 05:16 PM

هو فيه حاجه بس جريدة الجمهوريه مكتبتهاش فى الخبر
الخبر منقول عن موقع العربيه امبارح وعلى العربيه كاتبين ان الفريق الطبى اللى اخترع البتاعه دى هو فريق اطباءوعلماء اسرائيلى

**mostafabakry** · 30-06-2010 05:22 PM

الكلام دا ينطبق علي الناس اللي عايشين برا يا جدعان نفسهم لسه مفتوحة و الدنيا وردي معاهم و مافيش لا نكد و لا غلب

اما احنا بقا عندنا الواحد بيطلع عينه عشان يتجوز و يتشغل زي اللامواخذه الحمار بتاع الساقية ليل مع نهار عشان يوفر شقة و مصاريف الزواج من عفش و بلا ازرق علي دماغه عشان يتنيل يتجوز بعد ما بيكون حيله اتهد و صحتة ادهورت و جاله المرض من سكر و ضغط و عصبي

خلاصة الكلام عشان ماطولش عليكم اللي بيتجوز ما بيخلفش غير اول مره بس بنفس و بعدها نفسه بتتصد و بتقفل من كتر المشاكل و النكد و المصاريف و باقي الكلام اللي كلنا عارفينه

انا عارف هيطلع واحد يسألني يقولي يا خفيف و ال 80 مليون نفس اللي كاتمين علي نفس بعضهم في البلد دي جم من فين و البلد كل يوم في زيادة زي اللي عندنا سبق في الخلفة مع دولة تاني

و بصراحة دا السؤال اللي محيرني و مش عارف له اجابة لغاية دلوقتي

الناااااااااااااااااااس دي ازاي عندها نفس تخلف و تجيب عيال في عز الفقر و القرف اللي احنا فبه

لو حد عرف الإجابه يا ريت يفهمني هههههههههههههههههههه

و عموما انا مستحيل افكر في حاجة زي دي

قال حبوب منع للرجال قاااااااااااال

اهو دا كمان اللي كان ناقص

...............................

**بحري** · 30-06-2010 05:32 PM

المشاركة الأصلية كتبت بواسطة korkor

بغض النظر عن موضوع الميكانيزم وطريقه العمل هنفترض انهم اخترعوا حاجه زى كده والناس قالوا انهم جربوها ومافيش منها مشاكل واول ماتوقفها ترجع طبيعى زى الاول , هتوافق تاخد الحبوب دى والله التريقه المصريه الشهيره هتشتغل وماحدش هيرضى ياخدو ز:u_thin1[1]:

- يعني الموضوع منقول عن الجمهورية التي هي صحيفة يومية غير متخصصة عن الديلي تليجراف التي هي صحيفة يومية غير متخصصة
- وحضرتك بتقول (بغض النظر عن الميكانيزم هنفترض إنهم اخترعوا حاجة زي كده )
- وطالب المناقشة حول هذا الموضوع التخيلي
- ورديت على الأخ اللي قال إنه حرام بأن الموضوع مش مكان مناقشة حلال أو حرام
- وعلى الدكاترة إن (بغض النظر عن المكيانيزم)
- والسؤال موجه للمتزوجين هل هيعملوا كده لو اخترعوا الأدوية دي وهيعملوا إيه مع التريقة
- وبالتالي غير المتزوجين مش مخاطبين بالموضوع
- وبالطبع النساء والفتيات غير مخاطبات من باب أولى

..يعني المطلوب مناقشة الموضوع في المطلق كده بدون أي أسس علمية أو شرعية مع تضييق نوعية المخاطبين بالموضوع وبغض النظر عن تشابكه وتعقيده الشرعي والعلمي والاجتماعي

كده أنا فهمت صح ولا في حاجة مش فاهمها

**korkor** · 30-06-2010 05:33 PM

المشاركة الأصلية كتبت بواسطة mostafabakry

الكلام دا ينطبق علي الناس اللي عايشين برا يا جدعان نفسهم لسه مفتوحة و الدنيا وردي معاهم و مافيش لا نكد و لا غلب

اما احنا بقا عندنا الواحد بيطلع عينه عشان يتجوز و يتشغل زي اللامواخذه الحمار بتاع الساقية ليل مع نهار عشان يوفر شقة و مصاريف الزواج من عفش و بلا ازرق علي دماغه عشان يتنيل يتجوز بعد ما بيكون حيله اتهد و صحتة ادهورت و جاله المرض من سكر و ضغط و عصبي

خلاصة الكلام عشان ماطولش عليكم اللي بيتجوز ما بيخلفش غير اول مره بس بنفس و بعدها نفسه بتتصد و بتقفل من كتر المشاكل و النكد و المصاريف و باقي الكلام اللي كلنا عارفينه

انا عارف هيطلع واحد يسألني يقولي يا خفيف و ال 80 مليون نفس اللي كاتمين علي نفس بعضهم في البلد دي جم من فين و البلد كل يوم في زيادة زي اللي عندنا سبق في الخلفة مع دولة تاني

و بصراحة دا السؤال اللي محيرني و مش عارف له اجابة لغاية دلوقتي

الناااااااااااااااااااس دي ازاي عندها نفس تخلف و تجيب عيال في عز الفقر و القرف اللي احنا فبه

لو حد عرف الإجابه يا ريت يفهمني هههههههههههههههههههه

و عموما انا مستحيل افكر في حاجة زي دي

قال حبوب منع للرجال قاااااااااااال

اهو دا كمان اللي كان ناقص

...............................

طيب رايك ويحترم لكن هلى فى تفسير منطقى للرفض خايف مثلا من التجربه , نظريه المؤامره وان اكيد الحبوب دى معموله علشان تخلى الجنس المصرى المتفوق مايتكاثرش ويسود العالم , عقد بيئيه مترسخه ( بكره يقولوا الرجاله هى اللى هتحمل وترضع ) .

**korkor** · 30-06-2010 05:38 PM

المشاركة الأصلية كتبت بواسطة بحري

يعني الموضوع منقول عن الجمهورية التي هي صحيفة يومية غير متخصصة عن الديلي تليجراف التي هي صحيفة يومية غير متخصصة
وحضرتك بتقول (بغض النظر عن الميكانيزم هنفترض إنهم اخترعوا حاجة زي كده )
وطالب المناقشة حول هذا الموضوع التخيلي
ورديت على الأخ اللي قال إنه حرام بأن الموضوع مش مكان مناقشة حلال أو حرام
وعلى الدكاترة إن (بغض النظر عن المكيانيزم)
والسؤال موجه للمتزوجين هل هيعملوا كده لو اخترعوا الأدوية دي وهيعملوا إيه مع التريقة
وبالتالي غير المتزوجين مش مخاطبين بالموضوع
وبالطبع النساء والفتيات غير مخاطبات من باب أولى
..يعني المطلوب مناقشة الموضوع في المطلق كده بدون أي أسس علمية أو شرعية مع تضييق نوعية المخاطبين بالموضوع وبغض النظر عن تشابكه وتعقيده الشرعي والعلمي والاجتماعي

كده أنا فهمت صح ولا في حاجة مش فاهمها

المناقشه لفرضيه جدليه ان الدواء ده موجود ومالوش اى تاثير جانبى وعند ايقافه الجسم بيعود لطبيعته هل احنا كمصريين نوافق ناخد الدواء ده ولا لأ , نقطه حرام او حلال انا قلت ان دى مش مكانها لأن الحلال والحرام ليهم اماكن شرعيه للتقصى فيها والمنتدى مش من هذه الاماكن , السؤال موجه فى الاساس للمتزوجين فقط علشان هما دول اللى معنين بالموضوع , انت كده فهمت صح ومضبوط 100 فى 100 .

**mostafabakry** · 30-06-2010 05:44 PM

المشاركة الأصلية كتبت بواسطة korkor

طيب رايك ويحترم لكن هلى فى تفسير منطقى للرفض خايف مثلا من التجربه , نظريه المؤامره وان اكيد الحبوب دى معموله علشان تخلى الجنس المصرى المتفوق مايتكاثرش ويسود العالم , عقد بيئيه مترسخه ( بكره يقولوا الرجاله هى اللى هتحمل وترضع ) .:c_laugh[1]:

اخر جزء من المشاركة بتاعتي اتحذف مع اني ماقلتش حاجة مش كويسة

عموما سبب رفضي مش موضوع مؤامرة و لا حاجة

انت نفسك بتتريق علي كترتنا و خيبتنا يعني مش معقولة حد حيفكر انه يقلل النسل عندنا لأنه بكل بساطة هو سبب خيبتنا بسبب سوء التخطيط للزيادة السكانية دي

انا سبب رفضي يرجع لأني معنديش مشكلة من الموضوع من اساسه

هيا الستات اشتكت عشان احنا نفكر في الكلام دا و نوجع دماغنا

ما هما زي الفل ماشيين بالوسائل التقليدية و الدنيا ماشية و مافيش مشاكل ايه لزمتها بس فلقة الدماغ