شايفين شغل مين بس
انت لو علي طريق و ميكروباص اجرة زنق عليك من غير ما يبقي باين ان الي في شرطة " مش لابس ميري " و لا حتي زعق و قالك بوليس
يا تري هتقف و لا هتخاف علي حياتك؟؟؟
عرض للطباعة
ربنا يعوض عليك
هو الموضوع فيه شوية سوء تخطيط وسوء حظ
لا جدوى من الشكوى لنه بأختصار ماشي وش الفجر بالعربية و هيه اصلا مش باسمه و هرب منهم عدة مرات يعني عالورق هيبقوا هما شايفين شغلهم مظبوط و هوه قاومهم و اشتبهو فيه و ممكن كمان يفبركو محضر بان في عربية بنفس المواصفات متبلغ عنها
اما فكرة انه ميكروباص و مش لابسين ميري و الكلام ده نقوله في اوروبا و الدول المتقدمه يعني ما نبقاش عارفين بلدنا كويس و نظامها و نتحداه و نرجع نشتكي.......عارفين انه الشارع مكسر و نجري عارفين ان مفيش اشارات ولا نظام و نعترض ما تجيش واحدة تمشي في حته محدوفه في نص الليل لوحدها و تقول فين الأمن ده انا اتعاكست و تحرشو بيا ايوة مفيش حد حماكي و برضه انتي عارفه انه محدش هيحميكي فلازم تحمي نفسك الاول و تتجنبي الخطر ......يعني باختصار ما اجيش قدام الطوفان و أقف و أقول انا جدع و جبل ما يهزهوش ريح........مش تخاذل و لا استسلام بس ده سلو بلدنا و لازم نتعايش معاه.......زي بالظبط ما حضرتك عارف ان شارعكم هادي و خفت تركن فيه تحسبا لأي سرقه كان برضه تعرف ان مشي صاحبك بالعربية من غير صاحبها و في وش الفجر هيعرضه للكثير من المخاطر و المضايقات...معليش واقع و لازم نتعايش معاه...........بأختصار انته و هما غلطانين.........كان وقف و من ورا الازاز شاف القصة و ما فيها و اداهم حلاوة العربية و خلاص....ما الشوارع مليانة عربيات مفيمة و من غير نمر بس مش باين عليها انها زيرو فالمشكلة مش في النمر المشكلة انهم كانوا عايزين الحلاوة يا أما تطلع مسروقة و لا حاجة و يبقوا عملوا شغل...بأختصار مصلحة لوز ازاي يسييبوها........وانتوا اللي اديتولهم الفرصة دي بتصرفكم ده و تركك للعربية لصاحبك في الوقت ده و هروبه منهم....الشر دايما موجود و لازم نتجنبه.........و ربنا يعوض عليناو عليك و يسترها معانا و معاكم جميعا اللهم امين..........
بجد يا باشا صاحبك غلطان
عربية جديدة و من غير نمر
و كمان قالوا يقف و جري منهم
لو اي حد عادي كان فسرها بانه عامل مصيبة و خايف يتقبض عليه
بالنسبة بقا ليهم كناس بتنتمي لجهاز الشرطة
أي نعم دلوقتي بقت الشرطة هي اللى بتبلطج على الشعب
بس معلش و زي ما الناس قالوا لحضرتك
امشي عدل يحتار عدوك فيك
و لك التحية و التقدير في النهاية
و الحمد لله انها جت على قد كده
أنا بعتذر عن التعليق عشان مقولش ألفاظ تخدش الحياء
المرور فى بنها شعارة استنزاف اموال المواطنين اى واللة هو دة الواقع
اولا موظفيين تتعامل بتناكة مع المواطن وكانهم فئة اعلى من البشر
ثانيا الاوراق الوحيدة عندهم هى دفاتر الايصالات اللى بيحررها ويقولك ادفع فى الخزنة اما اى حاجة تانية زى مثلا نموذج عرض للقومسيون او شهادة بيانات او طلب تسليم نمر اوماشابة ذلك يقولك من برة امام المرور فى الشارع شاب قاعد على كرسى وترابيزة صغيرةوعليها شوية ورق فلوسكاب وشوية صور لنماذج خاصة بادارة مرور ودباسة وتدفع اقل حاجة 2 جنية مع العلم ان خطة ردئ جدا فى كتابة البيانات بالنموذج
ثالثا يدفعوك حاجات غير رسمية تبرعات مثلا لنادى الشرطة معونة شتا واحنا فى عز الحر طوابع اتحاد النقابات الطبية مش عارف اية العلاقة بين النقابات دى والمرور ومشروع تحسين خدمة المرور وغير ذلك المهم انهم يفتشوك فى اللى فى جيبك لغاية ماتنتهى مصلحتك من عندهم رغم ان عندهم ميزانيةوبنود حسابية للصرف على مثل تلك النماذج والمطبوعات والسؤال هنا بتروح فين الفلوس دى فعلا الشرطة لاذية الناس صدقت يااخى العزيز
فى حاجة فى القانون اسمها ارهاب ودة عادى بتحصل والظابط عارف كدة
ربنا يعوض عليك ومتستناش شئ كويس من الشوررربه المصريه
وحكايه الميكروباص ده شئ بيتعمل فى كل انحاء مصر بس الى بيحصل بقى فى اوربا وفى الدول المتقدمه والناميه والمتخلفه كمان الى احنا محصلنهاش ان فى عربيات الاتارى هى الى بتقوم بالدور ده انما هنقول ايه غلابه ياعينى!!