اقتباس المشاركة الأصلية كتبت بواسطة a_tantawy7 مشاهدة المشاركة
يا أخواننا أنا في ورطة, النهاردة كنت بزود مياه العربية فسرحت لحد مالقيت الأربة اتملت على الأخر(عديت الmax بكتيير.), رحت لميكانيكي قلتلو أنزل المياه قاللي سيبها عادي هي هتتبخر, أنا مش مقتنع بكلامه,أنزل المياه الزياده أزاي؟؟؟؟ أرجو اللي يعرف يدلني.
بص يا باشا انت ممكن تعمل زى مالاخوة الافاضل قالولك بالطرق المختلفه وكمان احب اذيد عليها ان فى تحت القربه خرطوم ده اللى بيوصل للريداتير المياه ممكن تفكه لغايه ما تفضى المياه من القربه وبعيدن تركبه تانى وتعيد ملأها تانى وهو بيكون راكب فى القربة بكلبس سله انك تفكه بزرادية او مفك حسب نوعه

اقتباس المشاركة الأصلية كتبت بواسطة amro1965 مشاهدة المشاركة
هو غلط املا قربه المياه للاخر
وماهو وجه الخطا والمخاطر التى ممكن تحصل فى ذلك اتمنى اعرف السبب
باشا المخاطر ان المياه اللى بتكون طالعه من دورة تبريد الماتور بتكون سخنه جدا وفى بعض منها بيتحول لبخار مياه نظراً لسخونتها الشديدة وده المفروض انه بيكون فى الفراغ اللى فوق علامة ال max اللى فى القربه ومع عدم وجود الفراغ ده بيكون مافيش مكان للبخار ده يروح فيه وطبعا بيكون الناتج انه يأما بيبوظ غطا القربه او عطا الريداتير او فى اغلب الاحيان واسوأها ان خرطوم بينفجر من شده الضغط

اقتباس المشاركة الأصلية كتبت بواسطة m_mekkawy مشاهدة المشاركة
عادى يا جماعه بس هى بتأخر سحب الريداتير من الأربه شويه
مش خطيره للدرجه الكبيره يعنى
لا يا فندم مع احترامى لمعلومات حضرتك انها خطيرة لان الخراطيم ممكن تنفجر او تتخرم ومياه الريداتير تنزل وهو مش حاسس وده ممكن طبعاً يخلى الماتور يسخن جداً

اقتباس المشاركة الأصلية كتبت بواسطة shiko85 مشاهدة المشاركة
بخاخ مياه ( زى الصوره ) و مش هتاخد وقت خالص و اسهل من السرنجه و اسرع و كمان البخاخ اطول

انا موافق جدا على الحل ده ويا ريت خرطوم البخاخ يكون طويل

ارجو انى اكون كنت مفيد ليكم