ما هى عيوب ال لانسر ex 1.5L
يا شباب؟
عرض للطباعة
ما هى عيوب ال لانسر ex 1.5L
يا شباب؟
كلامك مش واضح
وبعدين ركيبة الياباني كلهم عارفين ان اللانسر عيوبها نادرة اوي اوي اوي والدليل علي كلامي شوف كام عربية منها ماشية في شوارعنا المنيلة بستين نيلة وعايشة معانا من ايام حرب اكتوبر لحد دلوقتي
كلامك سليم يا باشااقتباس:
المشاركة الأصلية كتبت بواسطة shooter123
بطتي من حرب الخليج مش اكتوبر و عاملة أحلى شغل و رايح جاي المنيا مصر 170 طول طريق الكريمات
و كمان الصيانة مش مكلفة خالص , قطع الغيار لو الأصلي معمرة
العربيه كويسة ما شاء الله عليها هي بس لو حضرتك قدرت تجيب منها الهاي لاين (كل الكماليات) هيبقى افضل
واحد معرفه قالي السحب حتى 60 ضعيف وان الصوت عالي على السرعات العالية بس اكتر حاجة شكر فيها الثبات عالي
ياريت نقيم اى سيارة بالتجربة الفعلية لقيادة السيارة وليس عن طريق واحد قالى وصاحبى عادلى لانسر شارك سيارة ممتازة من مختلف الوجوه شكل خارجى مميز وشبابى ,صالون واسع وفخم وفرش داخلى عالى الجودة ,موتور قوى الاداء والسحب , باور كهربائى رائع ,اسهلاك البنزين العربية بتعمل معابا 270 كم /20 لتر داخل القاهرة مع تشغيل التكييف والعيب الموجود فى السيارة ان حجم الشنطة صغير نسبيا وفى اول فئة بتنزل بكاسيت عادى مش حلو . رأى الشحصى وعن تجربة فعلية الشارك من افضل السيارات الموجودة فى مصر وسعرها الحالى يغرى بالشراءاقتباس:
المشاركة الأصلية كتبت بواسطة m073med
شكرا يا شباب على الردود
المشكلة ان كل ما اكلم حد عن العربية دى يقولى نفس الكلام و فى امعارض بردو
1-العربيىة تقيلة و بطيئة عن ال 1600
2-الزوايا مش مظبوطة
3-العفشة ضعيفة
4-قالولى فى المصرية انها منشأ جنوب افريقيا !!
5-ان اخر سنا ليها السنادى و الموجود 2009 و قطع الغيار مش موجودة
6-فى مشكلة فى الجير بوكس
طبعا بعد كل ده اتعقدت فى عيشتى و كرهت نفسى
مبدئياً أنت لو هتسمع كلام الناس هتموت من الهم من هتكره نفسك بس.اقتباس:
المشاركة الأصلية كتبت بواسطة JapRuleZ
فياريت تتأكد من الكلام قبل ما تصدقه بأنك تسأل الناس اللي تملكها وليس معارض أو حد بيبدي رأيه الخاص
بالنسبة للنقطة الأولي أن العربية أتقل. فهيا أتقل سنة بسيطة جداً. ومش عشان الموتور 1500 بس عشان العربية الأمان فيها أعلي من البومة.
بس أنتا عندك ميزة في الموتور ال 1500 عن ال 1600
أن الموتور ال 1500 MIVEC أما ال 1600 مش ميفيك.. فا دي أفضلية للشارك وكمان ال 100 سي سي مش الفرق اللي يلاحظ.
لا تعليق بصراحة. الناس بتقول كلام جمييييل :shine[1]:اقتباس:
المشاركة الأصلية كتبت بواسطة JapRuleZ
والله مش عاجباك اللي في المصرية. ممكن حضرتك تشتريها خليجي لو الموضوع دا مضايقك.اقتباس:
المشاركة الأصلية كتبت بواسطة JapRuleZ
هيا مش أخر سنة ليها. وال 2010 نزل منها في كل حته في الدنيا معادا مصراقتباس:
المشاركة الأصلية كتبت بواسطة JapRuleZ
عشان العربية أتشوق لها غلط ولسه عندهم أنتاج من 2008 و 2009 مرمي في المخازن
عشان كانو متخيلين أنها هتنجح جداً. بس دا كان يبقا في حالة أنها تنزل بسعر البومة والبومة سعرها يقل.
ودا اللي بدأ يحصل دلوقتي أن سعرها نزل جدا لحد 115 ألف بعد ما كانت في ال 135 للبيزك.
بعدين دانتا عندك البومة أتوقف أنتاجها في العالم كله. ومفيش حاجة أسمها 2010 بومة
بس في مصر فيه وتلاقي :verygood:
عمري ما سمعت عن المشكلة دي. وملاك العربية يفيدوك أكتر مني.اقتباس:
المشاركة الأصلية كتبت بواسطة JapRuleZ
أتمني أني أكون أفدتك لو كان في نية للشراء
وحاول لو هتشتري أبعد عن ال 2008 لو مركونة بقالها 3 سنين ومتحركتش عشان متقعش في مشاكل لو هتجيبها من معرض
أو هاتها وكيل وكبر دماغك وهيكون معاك ضمان.
ملحوظه صغيره الشارك وزنها 1650 كجم تقريبا ده معناه ثبات عالي ولكن بصراحه الموتور مش قوي في الطلعه بتاعته ختي سرعة 40 كم/ساعه و علي فكره الفتيس الاوتوماتيك فيه كمبيوتر بيقيس اداء السائق و بيزود معدل السحب عند تكرار القياده الرياضيه و سرعتي الصوي بها 190
العربيه في المجمل ممتازه شكلا و مضمونا راحه و اتساع و تكييف فوق الممتاز و كاوتش استاندر مقاس 16 بوصه و علي فكره الموتور ده موفر قوي في البنزين معدل الاستهلاك بين 260 :300 كم لكل 20 لتر حسب استعمال التكييف
اهم العيوب التي واجهتني ضيق حجم الشنطه الخلفيه بسبب الشكل الرياضي و بسبب العجله الاحتياطيه بنفس مقاس العجل الاصلي ...... الصاج ضعيف شويه و خصوصا من الرفارف و الابواب ....
المصريه عملاء لغبور ومرره مسكت واحد هزقته لما نزلت الالانترا 2007 وكانو بيقولو ان البومه مش ياباني :36_1_35[2]:اقتباس:
المشاركة الأصلية كتبت بواسطة JapRuleZ
متسمعش كلامهم علشان دول مجرد شوية ناس مبيفهموش اي حاجه عن العربيات وممكن يكونو مبيعرفوش يسوقو اصلاً
وكل همه انه يبيعلك العربيه اللي عليها عموله اكتر بالنسباله
العربيه مش ابطأ من ال1600 والعفشه مش هتكلم اسأل اي واحد راكب ميتسوبيشي عن عفشته ؟
وميتسوبيشي ملهاش مصنع في جنوب افريقيا اصلاً واللي بيقولك كده قولو وريني الافراج هتلاقي المنشأ اليابان
واصلاً مفيش لانسر شارك بتتصنع برا اليابان والويكيبيديا موجود
والعربيه مش آخر سنه وفي منها 2011 هيبدأ تصنيعه الشهر ده وهي ناجحه في بلاد كتير
موضوع الجير بوكس ده بالذات يوضح انه كداب ولا يفقه شيئ لان حالياً ميتسوبيشي بتنتج اتنين جير بوكس اوتوماتيك لعربياتها الدفع الامامي وهما invecs III cvt و invecs II و الشارك 1500 فيها invecs II ودا نفس اللي بينزل في عربيات ميتسوبيشي من سنة 1994 مع التطوير لكن على نفس الاساس وهو فتيس بورش !!
ودا النص من موقع ميتسوبيشي
اقتباس:
Despite sharing its name with the previous system, the second version of INVECS was a radical development, based on Porsche's Tiptronic semi-automatic transmission technology.[5] As with Porsche's version it allowed for either a fully automatic mode, or a clutchless semi-automatic mode if the driver wished to control the up- and down-shift points. It also offered the same Adaptive Shift Control software which monitored and "learned" the driver's habits over time and adjusted the smoothness or aggression of the gearshifts to suit his or her driving style.[6] It was first implemented in the new Mitsubishi FTO in 1994.[2]
انا مش عارف الناس هتبطل فتي امتى !!!!!!!!!!!!!!!!!!!!!!! والحمد لله الناس هنا قامت بالواجب واكتر وكتر الف خيرهم
انت متاكد يا راليات ان الفتيس الموجود في الشارك الي عندنا 1500 invecs II بيستخدم في البورش ؟!!!!!!!!!!!!!!!!!!!!!! لو كده تبقى ما شاء اللهاقتباس:
المشاركة الأصلية كتبت بواسطة Ralliart
انا جايبلك الاقتباس من موقع ميتسوبيشي ونفس الكلام من على ويكيبيديااقتباس:
المشاركة الأصلية كتبت بواسطة kemoelord
بيبقى في دايماً شراكات بين الشركات لتطوير حاجه معينه فيما بينهم والفتيس ده كان نتيجه لشراكه زي كده
ولحد وقت قريب كان في شراكه مع مرسيديس ومن زمان جداً حتى الآن في شراكه مع كرايزلر-دودج وفي عربيات ميتسوبيشي انتجت تحت اسم دودج وكريزلر زي ال3000 جي تي والكولت ...........
الف شكر يا باشا والله على المعلومات دي , ويا ريت كده لو فيه جديده تعرفنا بيها على العربيه قولنا
العربية محترمة و كويسة
بس هاتها هاي لاين علشان تتبسط بيها
العيوب :
1 - الموتور على السرعات القليلة سحبه مش متميز (مش ضايع بس حلو قوي) و صوته عالي شوية
2 - الشنطة صغيرة جدا ...بسبب وجود بطانة فلين لتعديل مساحة الاستبن من الجنط الصغير الى الجنط الاسبور
غير كده في مميزات كتيره تشجع :
1 - استهلاك بنزين كويس ماعرفش المعدل بالتمام بس هو أحسن من عربيات كتير
2 - على الطريق سحبها و تجميعها مش بطال (و في أعضاء معانا وصلوا لـ200 كم /س بس أنا ما عرفتش أعدي 170 )
3 - العربية شكلها جميل ولو جبتلها كيت إيفو ...اوعى
4 - السعر طبعا ..سعر العربية دلوقتي مناسب جدا
5 - ماسمعتش عن أعطال فيها خالص (يمكن مرة حد حطى "قصة" هنا بس بدون اثبات)
الخلاصة ان العربية زي الفل ربنا يوفق
اقتباس:
المشاركة الأصلية كتبت بواسطة ahmed samy
+11 الهاي لاين الكويتي جامده جداً
ان شاء الله ربنا يوعدني
متشكر يا جدعان ...... مصرية دول ولاد ........
طب بالنسبة للضمان اروح للتوكيل ولا اشوف حاجة خليجي
و قطع الغيار اخبارها ايه