الموضوع: موبينة بمشط 6 رجل !!!! ... للأسف كرهتني في العربيه

حصل عندي مشكلة في العربيه من فترة و كانت سببها الموبينه ( إبيزا 94 ) http://www.nilemotors.net/Nile/157079-a.html

وللأسف كل الجديد مش كويس ومبيكملش أسبوعين ويبتدي يقطع مع السخونه وزيادة الحمل عليه

وبقالي دلوقتي فترة كبيرة عمال أدور عليها أستيراد .. ومش لاقي واللي بتبقي عنده بيبالغ في سعرها وكمان يقولك مفيش تجربة

واللي يقول تجربه يومين وكلام فاضي ملش ولازمة


.... المهم نزلت إمبارح الحرفيين ( مشوار علقة ) وإتبهدلت لف هناك وللأسف موصلتش لحاجة كل المتوفر هناك الموبينه الـ 3 رجل واللي بتبقي عنده بيبالغ في سعرها يعني أقل سعر كان 325 وقالي تجربه يومين ( طيب إفرض باظت بعد أسبوع ... ألبسها يعني )

المهم مشيت وأنا هفرقع من الغيظ دا أنا لقيت موبينه الجولف 4 بـ 350 وأنا عربيتي أغلي منها ولا أنا بخرف


..... المهم الميكانيكي عمال يسخنني ويقولي سيبك بقي من الكلام ده و سقط مكنه بتكييف وكبر دماغك من الحوار ده >>> بقي معقول عشان الموبينه باظط أغير الموتور

بجد فعلا حاجة تحرق الدم ... بجد فعلا أنا كرهت العربية وبقول فعلا ربنا يكون في عون الناس اللي راكبه موديلات جديده من سيات يعني حاجة عبيطه زي دي مدوخاني ... والعربيه الــ 94 منتشرة أمال اللي راكبيت إبيزا 2005 ولا 2010 هيعملوا إيه بعدين


فعلا دلوقتي عرفت معني إنك تركب عربيه كوري ولا ياباني .. يوم ما حاجة تبوظ فيها تشتريها من أي حد وتتنك عليه كمان وتاخدها بالسعر اللي أنت عاوزه

فعلاً الواحد لازم يركب حاجة تناسب البلد اللي عايش فيها وميفكرش يركب حاجة محترمه

بجد تغوووور الإبيزا طول ما أنا عايش في مصر

المشاركة الأصلية كتبت بواسطة windsofchange

يعني المشكلة عندك في سعرها وعلي فكرة في كهربائي اسمه رشاد واخوه تامر فالحرفيين تخصص ايبيزا وجولف واودي واسكودا يعني مجموعة فولكس كلها الله اكبر ممكن واحتمال كبير تلاقي عنده موبينه خلع لأنو بيسقط مواتير لناس وطبعا في حاجات كتير بتتخلع وبس طيب لو جديدة بالسعر ده تشتري؟محل تبع توكيل سيات في شارع شريف وسط البلد مش فاكر اسمه بس كله قطع غيار جديدة اصلي

لأ طبعا .. المشكله مش في السعر خالص .. المشكله إنها قليله جداً جداً جداً .. ملقيتهاش غير عند واحد أو أتنين ... فبالتالي بيطلبوا سعر مبالغ فيه جداً .. وأنامش هتفرق معايا الموضوع ده طول ماهي كويسه ...

بس المشكله إنهم عشان عارفين إنها قليله فبيعدوا يتنكوا ع الواحد ويميرضوش يدوا مده تجرب فيها والأتنين اللي لقيت عندهم ..

واحد قالي تجريب وهي واقفه لو شغاله تبقي بتاعتك

والتاني قالي تجريب يومين بالعافيه


وده طبعاً كلام فاضي لأنها ممكن تشتغل أسبوع وبعدها تبوظ