الموضوع: موضوع عام لاعضاء شيفورلية

المشاركة الأصلية كتبت بواسطة aymanmaly

يا لستاذ فوزي
اسمع الحكاية الظريفة دى
طلبت تثبيت موضوع انا كنت عاملة اسمة
ارقام و معلومات تهم كل ابتراوى
و طلبت من خلال الموضوع تثبيت الموضوع
و طبعا محدش رد
عملت طلب فى الاقترحات فكان الرد كالتالى
طلب التثبيت مخالف لقواعد المنتدى
ويتم فقط حسب رؤية مشرف القسم وادارة المنتدى
الموضوعات الهامة والمفيدة تضاف الى اهم موضوعات القسم وايضا وفقا ل رؤية المشرف
وقد قام المشرف باضافة موضوعك لاهم موضوعات القسم
يرجى مراجعة قواعد المنتدى
3:37pm 24/7/2010
مشرف عام 5
منتظر منى انى اتجاوب زي الاول فى المنتدى؟
واذا كانت قواعد المنتدى انى لا استطيع اوجة نظر السيد المشرف لا ي موضوع اراة مهم يبقى اية الحل
مع العلم ان كل الصيانات حتى ال70000 انا عاملها فى التوكيل يعنى ممكن اكتبها بس هل تظن ان فى حد هليفكر يثبتها ولا هاتضيع فى وسط المواضيع ويروح المجهود ؟
وزي ما انت شايف القسم الاقبال علية فى النازل و كام عضو بيحاولو يعملوا مواضيع ؟
و حتى مع المحاولة بيكون رد الفعل زى ما انت شايف فوق رغم تثبيت الموضوع يعنى لو فية حد بيتابع القسم ما اتسبتش الموضوع لية من غير ما اطلب
و اكثر دليل ان حتى الاقترحات الى اعضاء القسم عملوها لم يتم الرد عليها ولا بالسلب ولا بالايجاب حتى محدش فكر يثبت الموضوع علشان يبقى منبر لتجميع اراء اعضاء القسم
فشكرا للجميع
و طبعا القصة وجهات نظر يجب ان احترمها و القائمين على المنتدى ادرى بالمصلحة العامة

بص يا ايمن باشا انا حقولك هو ممكن يكون منتدي شيفرولية مش متابع اوي زي المنتديات الباقية
بس احنا لو كل واحد فينا قعد يفكر انه بيعمل موضوع عشان الادارة تثبته .......يبقي محدش فينا حيعمل مواضيع
انا رأيي انك تعمل تقارير الصيانة اللي بتعملها و ان احنا ننعش المنتدي بمواضيعنا اللي نكترها و مشاركتنا علي قد ما نقدر عشان نرجع الناس تشارك معانا.........!!!
صدقني انا مثلا من امبارح لحد النهاردة لاقيت ان فيه مشاركة واحدة بس اللي اتكتبت زيادة اللي هي مشاركة الاستاذ حسام....ده لأن مفيش جديد و مفيش مواضيع جديدة اي حد يخش يشارك فيهايا ريت يا استاذ ايمن تعمل تقايرك كلها و تكتب كمان تقرير عن عربيتك بعد 70000 كيلو
و انا عن نفسي ان شاء الله مسافر بكره الساحل الشمالي بالسبارك...و ان شاء الله حعملها تقرير بالرحلة كلها و بالصور ان شاء الله...كل ده عشان الفت النظر للعربية ديه شوية و هي لسا علملة 1000 كيلو عشان كدة لسا معملتلهاش تقرير صيانة
انا متهيألي نعمل اللي علينا و نكتب المواضيع ........و نرجو من الادارة الاهتمام اكتر بالمنتدي عشان يبقي من المنتديات المنافسة ان شاء الله

د.احمد فوزي

المشاركة الأصلية كتبت بواسطة zeznia

ليه كده ياجماعه
انتوا مكبرين الموضوع ليه كده ياجماعه
اعتقد الموضوع مش مستاهل كل ده
الموضوع ومافيه ان احنا بنخش ندردش مع بعض شويه وفي وسط الكلام بنستفيد من خبرات بعض
احسن من الشات والكلام الفارغ وقعدت القهاوي
وبعدين انا الواحد بيقضي وقت فراغه هنا يفيد ويستفيد
ومش لازم ناخد الموضوع بحساسيه
استاذ ايمن انت مجهودك ملحوظ في المنتدي واكيد واحد في منصبك العملي وقته ثمين فماتبخلشي علينا بوقتك ياباشا
شكرا ليك ولدكتور فوزي واستاذ حسام وكل اللي شركونا

ميه ميه هو ده اللي احنا عايزينه