يا باشا العفو احنا اخوات و ربنا يديم المعروف
انا هانزل اعمل شويه مشاوير و لما ارجع ان شاء الله هرد عليك تفصيليا
يا باشا العفو احنا اخوات و ربنا يديم المعروف
انا هانزل اعمل شويه مشاوير و لما ارجع ان شاء الله هرد عليك تفصيليا
ان شاء الله ترجع بالسلامه
السلام عليكم و رحمه الله وبركاته
يا جماعه بعانى من مشكله سخونه بالعربيه بتوصل 95 و 100 و ساعات 110
مع العلم انى راجعت على خراطيم المياه وغسلت الرادياتير و غيرت تروموستات الرادياتير
هو انا كنت من فتره خليت الميكانيكى زود كهربه الأسبراتير عشان كنت بشتكى ان لمبه الدينامو بتنور
فهل ممكن زياده الكهرباء تؤدى لسخونه العربيه ؟؟؟؟؟؟؟؟؟؟؟؟؟؟؟؟
كمان بلاقى فى مياه فى ظهر الموتور الميكانيكى شاكك انها من جوان المانفو او جوان وش السلندر
و انا خايف اغير جوان وش السلندر خاصه ان الموتور كله لسه جايبه استعمال خارج
فى عندى زرار بيخلى المروحه شغاله على طول لما بشغل الزرار على طول يعنى المروحه بتبقى شغاله طول ما انا ماشى العربيه مش بتسخن و بتكون الحراره على 80
حد عنده فكره ممكن اعمل ايه ؟؟
يا باشا واضح ان مشكلتك حلها في السطر اللي علمتلك عليه
مدام الوضع بيكون حلو لما تشغل زرار المروحه(خد بالك مدام راكب زرار مروحه يبقي المروحه مش مسموح ليها تشتغل لوحدها طبيعي)
كده يبقي دوره تبريدك تمام و زي الفل بس انت روح لكهربائي محترم خليه يفصل زرار المروحه ده و يرجع المروحه لوضعها الطبيعي و شوف كده و قولنا عملت ايه
الله يسلم انا اسف علي التأخير
بص يا سيدي الحاجات دي:
1- لو فرد الكاوتش مش سليمه غيرهم الاربعه مع بعض (بعد كده تبقي تجيب قدام جديد و ترحل القديم ورا بس الاول تكون واثق من الفرد كلها)
2- لو المساعدين فيهم كلام غير الاربعه مع بعض و هو ده الاصح
3- لو الرادياتير مملح او ملحوم اشتري دماغك بدل ما تشتكي كل شويه من السخونه
4-لو صوت الموتور شايفه عالي غير سير الكاتينه الجنزير (بيتغير كل 100 الف كيلو المفروض)
5- تعمل طقم نضافه للكاربيراتير و فلتر الزيت و البنزين
6-تراجع علي علبه الدركسيون عند العفشجي و هناك غير البطاحات و شوف هو هيقولك علي ايه محتاج يتظبط
معلش حاجات مكلفه شويه بس الفيليشيا تشتري حاجتها و تصينها كل شهرين مثلا و عمرها ابدا ما تقل اصلها معاك
باشا الميكانيكى بيقولى ان زرار المروحه لما بقفله بيخلى ترموستات الرادياتير يشغل المروحه و يفصلها بشكل كويس
اقصد اوصلك ان الزرار ده مالهوش دعوه بموضوع السخونه
وعملت جوان وش السلندر بس العربيه شويه تكون حرارتها 75 ومفيش ثوانى و هى واقفه تكون بين ال 90 و 110 وثوانى وترجع تانى 75
هل ده ممكن يكون حساس الحراره اللى فى الكوعه من فوق ؟؟؟؟؟؟؟؟؟؟؟؟
زى ما إنت قلت يا أخ إسلام
العيب عيب حساس الحرارة أو السلك الواصل ليه راجع عليهم أو حتى إشترى حساس جديد وجرب كده (بيعمل حوالى 30 جنيه)
وبص على الينك ده نفس المشكله تقريبا
http://www.nilemotors.net/Nile/106629-95.html
وربنا يوفقك
عواد8760
اشكر د/امير و الأخ عواد8760
الحمد لله غيرت الحساس بعد ما عملت جوان وش السلندر و مفيش سخونيه
لكن بالرغم انى ركبت جوان اصلى و بالرغم من ان وش السلندر كان سليم ولا مقفع ولا حاجه ولكن حسيت بان العربيه سحبها مش زى ما كان , و الميكانيكى ظبط التاكيهات فى ساعتها
هل لازم امشى بالعربيه شويه و بعد كده يربط تانى على وش السلندر ويظبط تاكيهات ولا لا ؟؟؟؟؟؟؟؟
ألف الف شكر ليك يا دكتور / امير جزاك الله خيراً .