الموضوع: ماهو تقييمك لتوكيل سيات ومراكز الخدمة 2010

السلام عليكم و رحمة الله و بركاته

أنا فعلا قولت انه سيئ .. أنا ذهبت الأسبوع اللي فات (الساعة 10:30 الصبح و حجزت بالتليفون قبلها الساعة 9:00) فيه مهندس اسمه مينا هو الوحيد اللي قابلني بإحترام و حاول يعرف مني العربية فيها ايه و كده . المشكلة إن المهندس مينا هو الوحيد اللي بيقابل العملاء و الضغط عليه شديد جدا فالمهم خد بياناتي و قالي المهندس مجدي هايعمل فحص بالكمبيوتر و كده. المهندس مجدي بقى عمال ينقطني بالكلام واحدة واحدة و كلمني بقرف كده مش عارف ليه و عمال يقلي طقم الدبرياش ده اييييه انت سايق بيها كدا ازاي انت لازم تغيره حالا و كمان البلية اللي في العجلة اللي ورا عايزة تتغير (وبيقولها بمنتهى القرف) . المهم جالي المهندس مينا و قالي احنا لازم نرفع العربية جوه قبل ما انغير اي حاجة و اتفضل استريح في الاستراحة. اعقدت في الاستراحة بتاع نص ساعة روحت اشوف العربية لاقيت ماحدش جه جمبها و لا كشف عليها مع ان في 3 عربيات جم قبلي و فيهم واحد اجنبي و شوفت ان عربيتهم مرفوعة و شغالين فيها ( الكلام ده على الساعة 11:15. رحت قلت للمهندس مينا دخل يزعقلهم و قالهوم مابتدوش في العربية ده ليه .. قالوله احنا مستنين ونش يفضى و ندخلها علطول ... قلت ماشي يمكن علشان ان فيه واحد منهم اجنبي و بتاع . طلعت الساعة 12:30 ... برضه عربيات اتشالت و اتحطت و عربيتي زي ما هي ! اتحرجت اقول للمهندس مينا تاني قولت استنى اصلي الظهر و اجي اكون ابتدوا فيها رحت صليت جيت مالقتش ولا مخلوق ! قالولي انهم في البريك و البريك بيخلص 1:30 ... ماشي مفيش مشاكل .. اعقدت و استنيت لغاية 2:00 تقريبا و قولتيلهم انا لازم امشي كده كتيير انا عايز العربية.... قالولي استنى نطلعلك اذن خروج راحوا ندعوا على المهندس عادل علشان اذن الخروج ... خد بيانات العربية و اختفى ... اعدنا ندور عليه بتاع ربع ساعة لغاية ما أخدت الاذن و المهندس مينا اعد يعتذرلي ان فيه شغل كتير و كده و هجيت من ترعة الزمر كلها. أنا اسف على الاطالة بس ده اللي حصل معايا بالتفصيل :) و على فكرة يا جماعة انا استاذ جامعة و عربيتي 2001 يعني ما ستهلش البهدلة دي.

السلام عليكم