الموضوع: اللي يشتكي من سحب عربيته الاوتوماتيك.. يدخل

لو عايز عربيتك الاوتو تطير وسحبها يبقى رائع استخدم تنقل الغيار مانيوال ... ايون مانيوال ...... اليك تجربتي الشخصيه

في العموم لما تدور العربية وتخلي الفتيس على D وتدوس بنزين وتمشي السحب يبقى مقرف وتعبان
ولتحسين السحب والتسارع اعمل الاتي
1-دور العربية وهات الغيار على الاول اللي هو L او D1 في عربيات تانية او اي رقم مشابهه واكبس بنزين لغاية ار بي ام 4 او 5 (بتجيب معايا 70 كم/س على اربي ام 6)
2- اديها الغيار الثاني 2 او D2 واكبس بنزين لغايه ار بي ام 4 او 5 (بتجيب معايا 115 كم/س على اربي ام 6 )
3-اديها الثالث واكبس بنزين ... متهيألي ممكن متحتجش تجيب الرابع لانك هتكون ساعتها على 140 او اكثر لكن هتجيب الغيار على الرابع علشان تريح الموتور وتخلي عدد لفاته اقل

اعمل الحركة دي كذا مره هتلاقي تحسن كبير في الارقام عن كل مره يعني ممكن تبدأ تلاقي ارقام السرعة ضعيفة وشوية شويه السرعات تعلى معاك

اعمل كده وصدقني ساعتها محدش معاه عربية مانيوال هيتنطط عليك

اكثر حاجه تخنق العربية الاوتوماتيك انك تريح نفسك وتجيب الغيار على D وتمشي


اللي جرب يقول ايه رأيه
واللي مجربش يجرب ويدعي لي