هي كانت ردود للاستاذ ممدوح وباقي الاخوة على جزئية تفتيح الموتور في مواضيع عن تفتيح الموتور
هادور عليها واجيبهالك
بس انا عايز اعرف يا استاذنا كايرو انت مش عايز تجرب ليه .. هتخسر ايه ؟
عرض للطباعة
لقيت موضوعين مهمين جدا لازم تقراهم للاخر
هتلاقي ردود عن تفتيح الموتور الجديد واللي مغير طقم شنبر والقديم
في مشاركات عجتني ممكن حضرتك تستفاد منها وموضوعنا هنا يستفاد على اساس ان معظم العربيات خلاص عدت فترة التليين بتاعتها فالعمل ايه
الحرق على الغيارات كل فترة وده كانه بيعمل تسليك شنابر البساتم اثناء احتكاكها بالشميز (المجرى اللي بتتحرك فيه صعودا وهبوطا) لانه يزيل طبقة الكربون المتكونة من الزيت على جدار الشمايز وبالتالي يفوق المكنة ويخلي حالة الشنبر وبالتالي البستم دايما نظيفة من الترسبات الكثيرة عليها
والباشمهندس سمير مرة قال ان الحرق على الغيار كأنة يعمل روديه للصبابات (يعني ينظفها من الترسبات) ويخلي حبكها سليم فتمنع التفويت وده في المواتير العادية اللي عدت مرحلة التليين
اقرأ الموضوعين دول للاخر
http://www.nilemotors.net/Nile/40800-a.html
http://www.nilemotors.net/Nile/78241-a.html
هسلك عربييييييييتتتتتتتتتتتتتت تتتتتتتتتتتتتتتتتتتتتتتتت تتك
هى تعشق ع الدى وترزعها كام كان كيك داون وتقرص هتجيب ميه من ورا وهتبقى زى الفل
بس احتمال الجير يجيله جلطه دماغيه خفيفه ينتج عنها شلل فى بعض الغيارات لان الجير الأوتوماتيك مابيستحملش
انا كنت بعملها فى عربية الشركه ربنا يسامحنى بقى بس مش جرالها حاجه لوقت ما سلمتها يعنى انا براءه (كانت الله يرحمها نيسان صنى كورى)
نكمل الموضوع
كيف تجعل سيارتك الاوتوماتيك العادية تمشي بالسبورت مود؟
بمناسبة الحديث عن الكيك داون احب اعرف الزملاء احد خصائص السيارة الاوتوماتيك
والكلام هيكون على اللانسر 99 اللي غيارتها شبه تقسيم الغيارات اللي في الصورة في الصفحة الاولى
قوة وسر وروح العربية الاوتوماتيك هو الغيار الثالث
نفرض انك ماشي على سرعه 90 - 120 وعايز تسرع لتفادي موقف معين
1- هتعمل كيك داون يعني تدوس دواسة البنزين للارض هتلاقي الار بي ام علي والعربية طارت بسرعه (حتى لو 1300 سي سي) (جابت معايا مره من 120 الى 160 على الغيار الثالث بس الا ربي ام كان عالي)
2-هتجيب السبورت مود او تضع الفتيس على الوضع ds لو كانت عربيتك سبورت
3- هتعمل اوفر درايف
4 كل ما سبق اختصاره هو الغيار الثالث
يعني العربية في كل الاحوال دي بتدي نفسها او تسقط للغيار الثالث لزوم التسارع والسحب السريع
افرض ان الكيك داون بطئ او ان سيارتي مفيهاش السبورت مود او الاوفر درايف او ما شابه من المسميات اللي يضحكوا بيها علينا علشان يحطوا العربيات في فئات سعرية مختلفه
لو مفيش كل ده واحنا لسه مفترضين انك ماشي على سرعه 90 - 120 وعايز تسرع لتفادي موقف معين يبقى الحل انك تجيب الغيار الثالث يدوي واكبس بنزين وشوف يا معلم
خلي بالك من النقطة دي علشان مهمة جدا
في اللانسر الاوتوماتيك العادي في زرار في الفتيس لازم تدوس عليه لتحريك عصا الفتيس يدوي واحيانا علشان تنقل لازم تضغط على الزرار ده واحيانا مش لازم وفرق الاوضاع هو اللي يحدد امتى تنقل من غير ماتدوس هذا الزرار
في موقفنا ده
العربية الاوتوماتيك ممكن تسقط لها نقله واحده يدوي بدون الضغط على الزرار وبس نقله واحده بس
يعني من d ال 3 او من 3 الى 2 وهكذا
لكنها لاتسمح بالنقل من ال d الى 3 الى 2 لازم تقف قبل ال 2
ايه مختصر الكلام ده؟
مختصره انك لما تسقط نقله سقط من غير ما تدوس على الزرار علشان لما تكون عايز تسقط غيار للثالث عصاية الفتيس متهربش منك للثاني .... فاهمني سقط وانت حاطط كف ايدك على راس عصاية الفتيس كان عصاية الفتيس بتاعة مانيوال
ماشي الكلام
طيب لو العربية شكل الغيارات مختلف او لو كانت ستبترونيك او ايزي ترونك
لو كانت ايزي ترونك او mmt يبقى العربية دي مش محتاجه الكلام ده كله لان العربيات اللي فتيسها كده دي عربيات مانيوال اصلا متخفية في زي اوتوماتيك
لو كان الغيار ارقامه مختلفه شوف غياراتك كام وطبق الموضوع يعني في بعض العربيات النقله الاولى للغيار الاول والتاني اما الغيار الثالث هو النقله الثانية ثم النقله الثالثه هي D
لو كانت سيارتك ستبترونيك فده ايضا فتيس اوتوماتيك عادي متخفي في شكل جديد ورخم وغير مساعد على التحكم في العربية الاوتوماتيك يدويا المهم بالتدريب هتعرف الغيار المناسب وبيتكتب رقم الغيار امامك على الشاشة لان مفيهاش ارقام على عصاية الفتيس على ما اظن
المهم هي الفكرة الاساسية
وشكرا ليكم