جميل وجود منتدى يخص الاسبيرانزا
وانا هنا وبعد شراء السياره في رمضان 2008 الى الان .. يعني سنتين الا شهرين ووصولها الى 45,500 كيلو متر
اذكر تجربتي الكامله لها
اشتريت السياره لعدة اسباب ... اهمها ان الوكيل هو ابو الفتوح وثانيا شكلها الجميل وثالثا وهو مهم .. سعرها بالمقارنه مع ماتعطيه من مواصفات
من ناحية المحرك فهو بقوة السيارات المنافسه سواء نيسان صني او كورولا او لانسر او اوبترا غيرها من سيارات تفوق بسعرها اكثر من 20 الف جنيه
من ناحية المقصوره ... سياره بها انوار بالمرايه للراكب ... انوار للقراءه .. انوار للركاب الخلفيين .. مرايه للسائق .. لوحة معلومات تبين مقدار صرف البنزين كالموجود بالسيارات الالمانيه ... راحة الركاب في الخلف .... الطبلون الكبير والجميل اللذي يعطي رحابه داخل المقصوره .....جنوط .. كشافات .. عدسات ... انوار ضباب ...
المهم انها مواصفات كثيره على سياره ب 68الف جنيه
استخدامي ...... اول ماطلعت من معرض ابو الفتوح بجامعة الدول استخدامي بدون تمرين بتاتا البته وكأنها سياره قديمه لاني ضد مبدأ التمرين
وعند 1500 كيلو سافرت الاسكندريه وكانت السرعه من 160 الى 180 كيلو بالساعه رايح ومن الاسكندري على الطريق الدولي الى الاسماعيليه والرجوع
عند 6000 تقريبا .... سافرت الى شرم الشيخ وبالطريق تم المرور الى سانت كاترين فوق الجبل والرجوع برحله طويله ورمال بهتت الاكصدام والفوانيس الاماميه والزجاج الامامي .... وكانت السرعه الى السويس بسبب سباق غبي مع النترا .. لمن تنزل عن 170
استخدامي اليومي استحاله ابدل نمره قبل مايعدي الضغط 3000 دوره ..... دوامي فتره طويله يوميا من اكتوبر للقاهره رايح جاي والسرعه 120 الى 140 يوميا
السفر للاسكندريه كان اكثر من 4 مرات ..... سفره للساحل الشمالي بسرعه غبيه كمان
وعند ال 35 الف .... ضرب كوتش على الصحراوي ولفت العربيه وخبطت الصبه .. وراح الاكصدام الخلفي والفانوسين لكن الشنطه ماحصلهاش حاجه ... الجنط انكسر ... ودسكات الفرامل انكسرت بسبب كسرة الجنط
المهم تصليح الحوار دا كامل ... مع بالمره سمكرة رفرف اماي ايمن كان معفوط (( مطعوج )) خفيف وضربوه بويه ... كله ب 4000 جنيه مع الكويتش بالوكاله
الان العربيه 45 الف ....... اهم اهم اهم نقطه هي عدم وجود اصوات وصوصه و زقزقه بداخل السياره .. وهذا لم اكن اتوقعه عند شراء السياره ... يعني بعد كل الاجرام فيها ... السياره هادئه بالمطبات ومافيها اي لخلخه وهذي ميزه كبيره جدا ودليل انو التركيب اكثر من ممتاز جدا ... طبعا ماعدا يدة الابواب اللي انكسرت مره .. بسبب جهل اللي راكب انو الابواب تقفل ههه زي كل بتوع الاسبيرانزا :)
واتوقع والله اعلم ان الاهتمام بالصيانه بالوكاله ... وطبعا كل 5000 كيلو مره بتغيير زيت وتكون ب 390 ومره بدون تغيير زيت وتطلع 91 جنيه او 100 ... ومره غيرولي سير الكاتينه و3 بوجيهات
زبدة الكلام .... اني اليوم اقول اني لم اندم لحظه على كل جنيه دفعته فيها .... وشكرا ابو الفتوح على السياره
الان الفانوس الامامي تكسر بخبطه صغيره :) ... وربنا يعني ونغيره ان شاء الله
