شكرا يا فندم
ياجماعة ياريت بس تهدوا شوية فى الكلام مش عشان عربيتين هتشدوا مع بعض فى الكلام
كل واحد وعارف عربيتة فيها اية يمكن تكون واسعة لية وضيقة بالنسبة لحد تانى او متعود على حاجة معينة
ياريت بس يبقى النقاش بطريقة هادية وانكوا تعرضوا وجهات النظر بدون اى تعدى
وعلى فكرة الانسر والسيراتو قريبين جدا من بعض من ناحية الوسع الداخلى بس اللى بيفرق ان سقف السيراتو اعلى شوية + الكنبة مش مليانة زى اللانسر يعنى اقل سمكا من اللانسر , دة غير تقسيمة الكنبة نفسها غير اللانسر اللى بتكون حتة واحدة بدون اى تقسيمات ادى الفرق فى المساحة وبيرجع لوسع طفيف جدا لا يتعدى ال2 سم فى الطول و 1 سم فى الفرق مابين ارجل الركاب الخلفيين وظهر الكرسى , ومافيش اى فرق فى عرض الكنبة الخلفية ,يعنى اللى هتاخد تلاتة هنا هتاخدهم هنا ونفس المساحات
ياجماعة تفوق السيراتو على اللانسر هيبقى من ناحية:
1: الشكل الخارجى والداخلى
2 : التكنولوجيا
3: الاوبشن
4: الماتور
5: الرفاهية
التساوى فى الثبات
اللانسر تتفوق فى
1: سعر اعادة البيع
2:قطع غيار منتشرة ورخيصة عن السيراتو
3:قوة التحمل
4: عفشة انعم ومريحة اكتر
بالنسبة للتكييف اللانسر ممكن تكون بس بتتفوق فى سرعة تجميع التكييف يعنى بيسقع اكتر وبعد كدة الفرق بيقل
والتاثير على السحب مع تشغيل التكييف نفس التأثير على الماتور تقريبا
5: اللانسر اهدى من السيراتو من ناحية الماتور
6 : العزل الصوتى واحد ومع تعدى سرعة 120 الاتنين بتحس بيهم بصوت الماتور , وصوت الرياح جامد بس السيراتو نسبتها اعلى وبعد 140 اللانسر صوتها بيبقى مسموع جدا
ادى الفرق بين العربيتين ولا تزعلوا نفسكوا
حضرتك متعصب على حاجه تافهه مش فاهم ليه
اولا طبعا مايصحش تقول اللى قولته
ثانيا حضرتك على اى اساس قلت الجمله دى
كنبة الشارك اكبر بلا جدال ليه ؟اقتباس:
معلش انا عندي في الشارك بتاخد 3 مستريح والمفروض والواقعي ان كنبه الشارك اكبر من السيراتو ودي بقى مفش فيها جدال معلش وبتاخد 3 مستريح انما السيراتو تاخد 3 وكل حاجة بس مزنقين
دى حاجه تقديريه من حضرتك ولا قستها ولا ايه
انت مصمم ان الشارك كنبتها اوسع ودا مش صحيح
السيراتو عرضها الخارجى 1775 وال wheeltread الخلفى 1564 والعرض الداخلى 1467
الشارك عرضها الخارجى 1760 وال wheeltread الخلفى 1530 والعرض الداخلى معرفش كام بس اكيد اصغر من بتاع السيراتو
ال rear head room فى السيراتو 955 فى الشارك 935
ال rear shoulder room فى السيراتو 1390 فى الشارك 1380
يعنى بالارقام كنبة السيراتو اوسع
واخيرا الموضوع كله مش مستاهل
لانسر 1600 اوتوماتيك
عربية محترمة فعلا وأثبتت جدارتها، عفشتها مريحة وتابلوه جميل وفخم، شكل رياضى وتسمى سيارة رالى خارج مصر
بقاللى ساعتين بتابع الموضوع ده كله علشان اوصل
لنتيجه ايهما افضل اللانسر ولا السيراتو
لقيت نفسى داخل فى وسط خناقه وحاسس
انى ممكن انضرب وامشى
مع انى هربان من الاجتماعى اللى كله بقى خناقات
ممكن بقى اعرف من حضراتكم بدون تعصب
الرأى النهائى للشراء
لو معاك المبلغ ده 110000جنيه
تشترى لانسر ولا سيراتو
من وجه نظرى ان الانسر تتفوق على السيراتو فى
الثبات وسعر اعادة البيع
وعربية معمرة بدون مشاكل عفشة ناعمة بس شكل تقليدى متغيرش بقالو كتيرر
السيراتو
رفاهية
عفشة ناشفة وشكل جميل داخلى وخارجى
عايز شكل جديد اختار سيراتو عايز بال مرتاح بدون مشاكل لانسررررررررر
يا باشا لا تعصب ولا حاجة ولا في اي حاجة في الدنيا استاهل اني اتعصب علشانها , كل الفكره ان انا كنت بقول ان الكنبه في الشارك اكبر حتى لو بقليل من السيراتو وعن تجربه لاني كنت بجرب مع اصحابي كل حاجة قبل ما اشتري وجربت الشارك في السفر وكنا قاعدين 3 على الكنبه مسترحين وكان الي معايا ما شاء الله مليانين عموما مش فارق معايا مين يطلع اكبر طالما اني مقتنع بوجهة نظري وانا شايف كده والله اعلم جايز يكون كلامك صح وشكرا يا استاذ حسام على ذوقك
الرد هيكون عند المشرف بامر الله لاني مش هنزل لمستواك تاني يا بيه
أنا بقترح نلغى قسم المقارنات ,,
عضوين اتوقفو بسبب موضوع ميستهلش ..( kemoelord ,,,, M7amD_7amDy )
وبكده مش هعرف أشوف توقيع محمد حمدى ( مع حفظ الألقاب طبعا ) تانى .... كان توقيع تحفه والله :E_braces[1]:..
أنا مش فاهم الراجل بيقارن بين البومه والسيراتو ,,,
أيه اللى دخل الشارك فى الموضوع وقاعدة العجلات وكلام كتير كده مش فاهمه :fdsa:
أستاذ محمد عزت أنا شايف ان حضرتك ميال للسيراتو ,,,
يبقى توكل على الله وموضوع الصاج ده مش عيب على أد ماهو ميزه ومعظم العربيات الجديده بقت كده
وعلى فكره عفشة اللانسر ناشفه....هى مش زى السيراتو بس ناشفه ....
ربنا يوفقك للخير ان شاء الله....