اشترى لانسر 1600 اوتوماتيك من عند اباظه ولا استرجل واركب سيراتو؟؟؟

اه الافضل
اباظه عندو عربيات لانسر 1600 اوتوماتيك كويتى ب 110 الف ولا اشترى سيراتو اللى ب 110

انا خايف من كتر الشكوى من العفشه الناشفه وانها بتهبط اوى لما تحمل حد ورا كتير وان مع الوقت العفشه الكورى بتتبهدل ............وناس قالتلى ان صاجها ضعيف اوى واى خبطه هتلاقى رفرف ولا باب اتكرمش ومش هينفع ترده
بس بردو السيراتو بحس ان عليها كده هيبه اوى ...........وانتشرت كتير اوى فى اقل من سنه

بجد مش عارف والله والمشكله انى مش هقدر اعلى عن الرينج ده خالص ده اخرى على الاخر....لانى كنت فى الاول بفكر فى صنى اوتوماتيك سوبر صالون بس انا كنت نفسى احس بنقله حضاريه لانى راكب هيونداى اكسنت وخلاص هديها للحاجه .................................................. ...........معلش ازعجتكم وطولت عليكم

والله حاجة تحير فعلاً, بس انا هقولك وجهة نظري لو العربية هتعد معاك اكتر من 5 سنين هات اللانسر عشان الصيانة وسعر إعادة البيع والذي منو, لو لحد 5 سنين وهتغير هات السيراتو واستمتع بالنقلة في كل حاجة من الشكل الخارجي للمقصورة.

بص انتا لما تسوق الاتنين هتعرف الفرق

ياعنى مثلا السيراتو للمنظره مش للبهدله

شد وجرى وحركات لانسر معروف عنها

عشتها وحشه و خصوصا من ورا

صجاها ضعيف

عايز تشترى عربيه بجد تبقى الانسر

اولا عربيه بقالها 7 سنين فى مصر مده مش قليله وحدش اشتكى منها وقطع غيار بره التوكيل على ما اعتقد وفى عربيات معديه ال 100 الف ياعنى مضمون السيراتو متعرفش بعد ال 100 هيحصلها ايه وطبعا الاجيال القديمه اثبتت جدرتها فى الاعطال بعد ال 100 بس ومعلش واسف برده بس هو ده المنطق كل العربيات بتاعت كيا بعد ال 100 بتريح اوى

الكيا قطع غيارها قليله شويه

لانسر ثبات ثبات ثبات

وشد مع اى حد ولا يهمك تكييف ممتاز كل حاجه فى العربيه حلوه

طبعا أنا رأيي معروف ومش داخل غير علشان أوضح جزئيه
العربيه مش صاجها خفيف ولا حاجه
العربيه صاجها طرى
فى فرق
الصاج الطرى الى بيرد مع أى خبطه وبيعرف يمتص الطاقه الناتجه منها
أنما الصاج الناشف بتاع زمان دا راحت عليه لأنه أقل نقره يدخل ميطلعش
صلى صلاة أستخاره وربنا يوفقك للأفضل ليك إن شاء الله

أنا رأيي أن الأفضل تكون لانسر

بس ممكن أعرف أيه الأتسرجال في ركوب السيراتو ؟؟! لو كدا متركبش لانسر بقا !

لانسر 1600 اوتوماتيك كويتى ب

بصراحه بغض النظر عن الشكل . لانسر تعمر معاك 10 سنين وقطعها مضمونه ومتوفرة ومجربه لعشرات السنين خليها فيها افضل

يا ريت حضرتك تقولنا الانسر دي انه فئه سوبر اكشن ولا كلاسيك

اكيد انا لما اجى اركب زيرو وقدامى الكورى واليبانى اكيد هختار يبانى منغير تفكير اليبانى يبانى يا باشا والكورى كورى برده لازم يكون فى فرق .

شوف انتا محتاج ايه من العربيه و قرر

اللانسر الكويتى ممتازة طبعآ بلاش الاردنى. بس تعرف منين ؟؟ شوف ورقها والافراج وجايه منين قبل الشراء والغش كتير ومش مجرد كلمه تصدق انها كويتى . بصراحه عربيات الكويت والسعوديه فى الخليجى ممتازة الموصفات الاردنيه لن تخدمك فى مصر الولعه الان ومناخ غيرررر

ودي عليها ضمان من الوكيل والا ايه ،، ويا ترى إيه مواصفاتها بالظبط

وأكون شاكر

انا كنت مقتنع بالتيدا اوى بس الهاتش باك واللى شالها من دماغى ان ناس كتير قالتلى ان سعر إعادة البيع سئ جدا و بيعها أصلا صعب اوى .. و الشنطة صغيرة جدا .. بصراحة إتخنقت من التفكير لأنى مستحرم جدا المبلغ اللى فى اللانسر .. فا فكرت فى الالنترا على اساس ان اعادة البيع رائعة و قطع الغيار متوفرة و رخيصة جدا مقارنة بيهم كلهم و الثبات رائع و التسارع هايل و سعرها مناسب بالأضافة الى رفاهيات جميلة أهمها ليا فتحة السقف ..
و ربنا يوفقكم للخير..

السيراتو انتشرت انتشار غريب الصراحة ودة يرجع لسببين ان الاوبشن بتاعها كتير على سعر قليل بالنسبة للسوق بتاعنا طبعا
وان شكلها كويس جدا وبيرضى النسبة الغالبة للاذواق وبردة المقصورة بتاعتها مش ضيقة دية الاسباب اللى ادت الى انتشار السيراتو لانها لسة متجربتش كتحمل عشان تنتشر الانتشار دة
اللانسر طبعا كويسة وسيارة اثبتت جدارتها على مدار 7 سنين ماشية اعطالها قليلة ومحدش اشتكى منها ولا قال فيها عيوب صناعة وال عيوب تقفيل وقطع غيارها موجودة فى كل حتة , ورخيصة وفى متناول الجميع دة غير سعرها عند اعادة البيع , وبردة تحس انها محتفظة بنفسها بالنسبة لموديل 2004 يعنى بقالها كتير شغالة وممكن تفتكر انها موديل 2008 يعنى سيارة عملية وكويسة جدا ومساحتها قريبة جدا من مساحة السيراتو

وبالنسبة للثبات هيبقى للانسر والماتور بردة للانسر لو سوبر اكشن لان الصراحة اكبر عيب للسيراتو ماتورها ضعيف اوى وخاماتها بلاستيك ذات جودة قليلة ودة كلة يقلق من حيث كمية الاوبشن والشكل اللى مصروف علية اكتر من تمن التجهيات اللى فى العربية

كل حاجة معاك وليك حرية الاختيار

سوقت الاتنين و احب اقولك لانسر ثم لانسر ثم لانسر ولا شئ غير الانسر ابعد عن السيراتو على فكرة مش معنى الانتشار انها عربية يعنى طيب مانتا عندك الفيرنا منتشرة ههههههههه اى عاقل فى العربيات يقولك لانسر علشان متندمش هات لانسر علشان تاخد اكبر اداء بالفلوس هات لانسر علشان تحس بمعنى عربية نضيفة هات لانسر (يابانى)
سيراتو دية عربية لعبة لعبة لعبة و مش جايبه تمنها على فكرة فى اتنين اصحابى بيبعوا سيراتو كسر زيرو غير انك هتلاقى كسر زيرو كتير جدا ماذا يعنى هذا
لو حد شكرلك فى سيراتو علشان راكبها هيبقى ملهوش اوى فى العربيات يعنى يهمة انة يركب عربية فيها اوبشنز و رخيصة و بس و مش بيشد مش بيسافر بيعامل العربية بنعومة غير ان عربيتة لسة جديدة انا قبل الانسر الجديدة كان معايا كرستالة و بيعتها انا مفتكرش انى غيرت فيها حاجة ليها قيمة غير البطارية و سير الفرامل بعد سبع سنين من السفر و الشقى و كانت ناعمة جدا و تكيفها جلد فى السفر
الاختيار لك فى الاخر

اقتباس:

---

المشاركة الأصلية كتبت بواسطة mstool

سوقت الاتنين و احب اقولك لانسر ثم لانسر ثم لانسر ولا شئ غير الانسر ابعد عن السيراتو على فكرة مش معنى الانتشار انها عربية يعنى طيب مانتا عندك الفيرنا منتشرة ههههههههه اى عاقل فى العربيات يقولك لانسرعلشان متندمش هات لانسر علشان تاخد اكبر اداء بالفلوس هات لانسر علشان تحس بمعنى عربية نضيفة هات لانسر (يابانى)
سيراتو دية عربية لعبة لعبة لعبة و مش جايبه تمنهاعلى فكرة فى اتنين اصحابى بيبعوا سيراتو كسر زيرو غير انك هتلاقى كسر زيرو كتير جدا ماذا يعنى هذا
لو حد شكرلك فى سيراتو علشان راكبها هيبقى ملهوش اوى فى العربياتيعنى يهمة انة يركب عربية فيها اوبشنز و رخيصة و بس و مش بيشد مش بيسافر بيعامل العربية بنعومة غير ان عربيتة لسة جديدة انا قبل الانسر الجديدة كان معايا كرستالة و بيعتها انا مفتكرش انى غيرت فيها حاجة ليها قيمة غير البطارية و سير الفرامل بعد سبع سنين من السفر و الشقى و كانت ناعمة جدا و تكيفها جلد فى السفر
الاختيار لك فى الاخر

---

شكرا على ذوقك يا محترم

اقتباس:

---

المشاركة الأصلية كتبت بواسطة semsem kane

والماتور بردة للانسر لو سوبر اكشن لان الصراحة اكبر عيب للسيراتو ماتورها ضعيف اوى

---

السيراتو ماتورها ضعيف!!
ومن أكبر عيوبها!!
لا واضح أنك عارف العربيه فعلا

اقتباس:

---

المشاركة الأصلية كتبت بواسطة NoRmAl

شكرا على ذوقك يا محترم

---

يا معلم متركزش اوى عادى يعنى هو اول واحد قال حاجة .. الغريبة بيقول عليها متنفعش مع واحد بيشد ويجرى بيها .. دا لو ركب معايا فى مرة :ma: ممكن يجيلوا ذهول

اقتباس:

---

المشاركة الأصلية كتبت بواسطة yasserelsayad

يا معلم متركزش اوى عادى يعنى هو اول واحد قال حاجة .. الغريبة بيقول عليها متنفعش مع واحد بيشد ويجرى بيها .. دا لو ركب معايا فى مرة :ma: ممكن يجيلوا ذهول

---

مهو الواحد كل ميقول يحط لسانه فى بقه ويسكت يطلعك ناس مش عارفه أى حاجه عن العربيه ونضلل الراجل الى محتار دا
أنا مش عايزه يجيب سيراتو على فكره بس يوم ميجيب بومه يجبها عن أقتناع
مش أفترائات وكلام ملوش وجود ونكت هزليه
يا جماعه راعوا ربنا فى النصيحه وأتقوا الله
والى ميعرفش حاجه عن عربيه ميقولش هجس الله يكرمكم

ياجماعة عاوزين مقارنة بين الاثنين يعني اكيد في مميزات في اللانسر مش في السيراتو وبرده في مميزات السيراتو مش في اللانسر

راي الشخصي


استرجل واركب سيراتو

( تضامنا مع نورمال )

يا جماعه اولا بأى حال من الاحوال البومه احسن من السيراتو

هتقولى يا عم روح انت شوفت شكلها عامل ازاى و الانتريور بتاعها عامل ازاى وانا متأكد ان 3/4 الى اشتروا السيراتو عجبهم شكلها بس

العربيه لا تقاس بالشكل والحاجات ديه ولازم اى مقارنه فيها السيراتو لازم الموضوع يولع

طب نبص على حاجه حاجه

اولا الشكل و الجمال فى صالح السيراتو بلا شك

قوه ماتور وقله اعطال و واستحمال و صاج قوى و ثبات و لعب فى صالح الانسر

الراحه الداخليه و التكييف الاتنين كويسين بس ناشفين شويه بسيطه عشان الاتنين عربيات رياضيه

تصميم العفشه و نظام التعليق طبعا الانسر ديه السيراتو بتنط

بس ياريت كل واحد يخش يقول سيراتو يقول ليه مش يقولك تضامنا مع نورمال راجل عايز يشترى عربيه مش عايز يتضامن مع حد

وحضرتك دلوقتى الى يقول الانسر يبقى صح يضلل الشارى اصل لازم اقول سيراتو عشان اعجب والراجل يلبس فى الحيط

لا يا باشا هى مش كده وكمان الشركتين مفيش يوم فى الايام هيقفوا جمب بعض كفايا مواتير ميتسوبيشى بس

و هيونداى عملت ماتور واحد ربنا يبركلها حطاه فى 5 عربيات

النترا ............. هيونداى i30.............. كيا سيراتو............. كيا سول .................. كيا كارينز

الى غايظنى العربيه تقيله او خفيفه برده 124 حصان ونفس ماتور ونفس العزم 156 بصراحه شركه كيا نجحت نجاح باهر انها تعمل ماتور واحد مع اختلاف وزن العربيه بنفس القدره الحصانيه و العزم ههههههههههههههههههههههه وكل سنه وانتم طيبين رمضان على الابواب يا جماعه وقريب هنشوف الماتور ماحطوط فى عربيه نقل وبنفس القدره الحصانيه والعزم ربنا يهدى الجميع

اقتباس:

---

المشاركة الأصلية كتبت بواسطة ahmedbibo

بص انتا لما تسوق الاتنين هتعرف الفرق

ياعنى مثلا السيراتو للمنظره مش للبهدله

شد وجرى وحركات لانسر معروف عنها

عشتها وحشه و خصوصا من ورا

صجاها ضعيف

عايز تشترى عربيه بجد تبقى الانسر

اولا عربيه بقالها 7 سنين فى مصر مده مش قليله وحدش اشتكى منها وقطع غيار بره التوكيل على ما اعتقد وفى عربيات معديه ال 100 الف ياعنى مضمون السيراتو متعرفش بعد ال 100 هيحصلها ايه وطبعا الاجيال القديمه اثبتت جدرتها فى الاعطال بعد ال 100 بس ومعلش واسف برده بس هو ده المنطق كل العربيات بتاعت كيا بعد ال 100 بتريح اوى

الكيا قطع غيارها قليله شويه

لانسر ثبات ثبات ثبات

وشد مع اى حد ولا يهمك تكييف ممتاز كل حاجه فى العربيه حلوه

---

أنا برضه سقت ال-٢
و أقولك بكل أمانة لانسر ،
و موضوع الصاج فالسيرتو مش هو المشكلة فيها


إنت ليه متحطش فالمقارنة دي إلنترا إلي ب-108.٠٠٠ ؟

انا ممكن ابلع اى حاجه من اللى اتقالت انما اللى فعلا مش قادر ابلعها ان موتور السيراتو ضعيف جدا ده

اقتباس:

---

المشاركة الأصلية كتبت بواسطة normal

السيراتو ماتورها ضعيف!!
ومن أكبر عيوبها!!
لا واضح أنك عارف العربيه فعلا

---

بقول لحضرتك انا شديت مع عربيات كتير جدا وكان لية التجربة انى شديت مع سيراتو سيدان وكوبية ومش هاقولك هقارنهم بعربيتى عشان قوة الماتور وسرعتة بس بردة بحس بمدى قوة العربية اللى بشد معاها واقولك بجد وبكل امانة ماتور السيراتو تجميعة بطىء حضرتك دية وجهة نظرى من حيث العربية وانا قولتها ومش بألف فيها ولا بقول كلام من الهوا دية مرة والتانية انا سوقتها العربية كويسة كشكل من برة ومن جوة وطبعا كأوبشن وكماليات عن اللانسر بس معلش ياباشا الشكل والاوبشن مش كل حاجة والا بقى عندك الصينى مليان اوبشن روح اشترية

وبعدين فية حاجة احب اقولها على فكرة شكل اللانسر الشارك احسن منها بمراحل لو هاتخدوا بالشكل

والكروز اشد منها جدا فى الشكل بردة يعنى خلاص مابقتش مبهرة

وعلى فكرة لو كيا عملت العربية دية زى مانتوا بتقولوا يبقى الشركة دية عدت خلاص والمفروض تبقى احسن شركة فى العالم وطبعا التقييم دة على كلامكوا

ياجماعة اعتقد عربية شكل + اوبشن كتير عن اى عربية + سعر لا يعقل بسيارة فيها الاوبشن دة بالنسبة لاسعار مصر طبعا = سيارة فيها نقط ضعف كتير

اقتباس:

---

المشاركة الأصلية كتبت بواسطة zahaan

انا ممكن ابلع اى حاجه من اللى اتقالت انما اللى فعلا مش قادر ابلعها ان موتور السيراتو ضعيف جدا ده

---

محدش قال ضعيف جدا بس اللى احنا بنتكلم علية انها المفروض 126 حصان واى عربيبة تانية من نفس الفئة مش بتعدى 120 الحصان وبالرغم من دة بتسبقها دة غير ان صوت السيراتو بيعلى جدا وانت ماشى بعد ال2500 لفة ولو قارص بتسمع صوت الماتور كأنة موجود جنبك ودة معناة ان عزم العربية بردة لا يمكن يكون 15.6 ابدا

اقتباس:

---

المشاركة الأصلية كتبت بواسطة ahmedbibo

يا جماعه اولا بأى حال من الاحوال البومه احسن من السيراتو

هتقولى يا عم روح انت شوفت شكلها عامل ازاى و الانتريور بتاعها عامل ازاى وانا متأكد ان 3/4 الى اشتروا السيراتو عجبهم شكلها بس

العربيه لا تقاس بالشكل والحاجات ديه ولازم اى مقارنه فيها السيراتو لازم الموضوع يولع

طب نبص على حاجه حاجه

اولا الشكل و الجمال فى صالح السيراتو بلا شك

قوه ماتور وقله اعطال و واستحمال و صاج قوى و ثبات و لعب فى صالح الانسر

الراحه الداخليه و التكييف الاتنين كويسين بس ناشفين شويه بسيطه عشان الاتنين عربيات رياضيه

تصميم العفشه و نظام التعليق طبعا الانسر ديه السيراتو بتنط

بس ياريت كل واحد يخش يقول سيراتو يقول ليه مش يقولك تضامنا مع نورمال راجل عايز يشترى عربيه مش عايز يتضامن مع حد

وحضرتك دلوقتى الى يقول الانسر يبقى صح يضلل الشارى اصل لازم اقول سيراتو عشان اعجب والراجل يلبس فى الحيط

لا يا باشا هى مش كده وكمان الشركتين مفيش يوم فى الايام هيقفوا جمب بعض كفايا مواتير ميتسوبيشى بس

و هيونداى عملت ماتور واحد ربنا يبركلها حطاه فى 5 عربيات

النترا ............. هيونداى i30.............. كيا سيراتو............. كيا سول .................. كيا كارينز

الى غايظنى العربيه تقيله او خفيفه برده 124 حصان ونفس ماتور ونفس العزم 156 بصراحه شركه كيا نجحت نجاح باهر انها تعمل ماتور واحد مع اختلاف وزن العربيه بنفس القدره الحصانيه و العزم ههههههههههههههههههههههه وكل سنه وانتم طيبين رمضان على الابواب يا جماعه وقريب هنشوف الماتور ماحطوط فى عربيه نقل وبنفس القدره الحصانيه والعزم ربنا يهدى الجميع

---

بأى حال من الاحوال دى قابعه فى ذهنك وتفكيرك
أنت فاهم كدا وبراحتك أنما متفهمش حد كده يعنى وضح أن دى وجهه نظرك مش حقيقه يا باشا!!!
ومين قال ان العلم لايكيل بالبتنجان!!!
حد قال لحضرتك العربيه بالشكل
لا يا باشا دى حجه البليد
أى واحد حابب يتكلم عن السيراتو معندوش غير الكلمتين الحمضانين دول
أصلها شكل بس....والعربيه مش شكل بس والكلام الى ممكن نكتب فيه كتب دا
بتقول كل واحد يدخل يقول سيراتو يقول ليه...
والى يدخل يقول بومه يجرى
ولا يقول بوما ويقلل من السياتو
الى يقول بومه يقول ليه والى يقول سيراتو يقول ليه
وأنا قلت الى يقول سيراتو يبقى بيضلل الراجل
سعدتك فهمت من كلامى كدا
أرجوك راجعه لأن أنا مقلش كدا
أنا قلت الى بينصحه بعدم شراء السيراتو يراعى ربنا ويعرف هو بيقول أيه
ميقولش كلام مش موجود زى كلام حضرتك أنها شكل بس
وكلام أصلها عربيه لعبه ومتورها ضعيف وتمنها مش فيها
دا أسمه أيه
نصيحه!!!!
أنا لو هقوله متجبش السيراتو هقوله متجبهاش علشان عفشه ناشفه وأستهلاك بنزين مش موفر
ولو أى حد دخل قال كدا هقول دا راجل عارف العربيه وعارف بيقول أيه
أنما معلش مفيش كلمه أتقالت فى الموضوع دا صح على السيراتو
وبكرر يا ريت تراعوا ربنا فى النصيحه علشان يوم القيامه وبلاش نتكلم عن حاجه منعرفهاش
أسأل الى سايق أفضل لأنه أكيد يعرف أكتر منك

ويا باشا يا ريت تحسن معلوماتك قبل متلقى الاتهامات
قياس عدد الاحصنه بيتم بكذا طريقه
بيتقاس من على المتور بدون اى أضافات وبيسموه جروس
أو مع أضافات زى الاجزوست سيستم وحبه فلاتر وشويه تروس وأسمه نت
أو من عند الويل نفسها ودا أسمه ويل ودا محدش بيعلن عنه ويتقاس فى عربيات السباق فقط
فالقدره المعلنه نت يا فندم
يعنى والماتور متركب فيه تروس وعادم
يعنى لما تحطع على بسكلته ليه نفس القدره
ولما تحطه على مكوك ليه نفس القدره
ولما تحطه فى السيراتو ليه نفس القدره
ولما أتحط فى الكارينز جاب نفس القدره
ولما كيا تعمل "عربيه نقل" تصور بقى هيطلعله نفس القدره!!!!!!!!!!!!!!!!!!!!!!!!!!
فحضرتك كمان بتحكم على حاجات ومفاهيمك غلط

أى موضوع فيه مقارنه مع السيراتو بيولع ليه؟
علشان الكلام الى بيتقال عنها مش صحيح
ولو صحيح أنا هتكلم أقول أيه؟؟؟؟؟؟؟؟؟؟؟؟؟
يا ريت تحرى الدقه من الجميع وبلاش تضللوا الناس بكلام غلط تأذوهم بيه فى الدنيا وتتحسبوا عليه فى الاخره
أدخلوا قسم كيا فى 1000 موضوع عن السيراتو أعرفوا عيبوها عيب عيب وتعالوا أفردوه هنا محدش هيفتح بقه
أنما التأليف أنا عن نفسى مش هسكت عليه

اقتباس:

---

المشاركة الأصلية كتبت بواسطة semsem kane

محدش قال ضعيف جدا بس اللى احنا بنتكلم علية انها المفروض 126 حصان واى عربيبة تانية من نفس الفئة مش بتعدى 120 الحصان وبالرغم من دة بتسبقها دة غير ان صوت السيراتو بيعلى جدا وانت ماشى بعد ال2500 لفة ولو قارص بتسمع صوت الماتور كأنة موجود جنبك ودة معناة ان عزم العربية بردة لا يمكن يكون 15.6 ابدا

---

سمسم
انت بتقيس الامور غلط
مينفعش تحكم على متور عربيه بأنك شديت معاها!!!
ممكن يكون الى شديت معاه دا مبيعرفش يجرى
جتله لحظه خاف
جاله تليفون سابك
يعنى لو واحد معاه نفس عربيتك
أختها
وشديت معاه
واحد فيكوا هيطلع من التانى
يبقى أنهى متور أقوى!!!

تشكيكك فى قدره المتور وعزمه لازم يكون بدليل
مينفعش تقولى أنا مش مقتنع أو مش متصور
هاتلى دليل أن السيراتو مش 124 حصان
وأنا أذا معملتش موضوع جوا كيا بدليلك ودعيت الناس بالملاك تبطل تقول انها 124 حصان
أبقى أنا عيل يا عم
فى أكتر من كده
شد حيلك وهاتلى الدليل

والله انا من رائى تجيب السيراتو
عربية حديثة وشيك
الانسر حلوة وكل حاجه بس كفايه بقا لانسر يعنى عربية بقالها 7 سنين شكل واحد ولو على الاستحمال الواحد يجيب لادا احسن بقا من الانسر
الواحد يجيب عربية يبقى مستمتع وهو راكبها مش بيجيب عربية للسغل والمطابات والحجات دى
ودى وجهه نظرى

هات لانسر و خلاص .....


أما تعليقي عن الكلام ده :

اقتباس:

---

المشاركة الأصلية كتبت بواسطة ahmedbibo

بص انتا لما تسوق الاتنين هتعرف الفرق

ياعنى مثلا السيراتو للمنظره مش للبهدله

شد وجرى وحركات لانسر معروف عنها

عشتها وحشه و خصوصا من ورا

صجاها ضعيف



الكيا قطع غيارها قليله شويه

لانسر ثبات ثبات ثبات

وشد مع اى حد ولا يهمك تكييف ممتاز كل حاجه فى العربيه حلوه

---

حضرتك لما تحب تعيب في عربية ابقى قول كلام معقول شوية
مش كلام في أي حتة

طب انا مش هتكلم و لا هقول ولا هدافع عن الكلام ولا اى حاجه

انا هقول حاجه واحده حد يجيب موديل ناجح عملته كيا قبل 2009

المهم اه قطع غيارها قليله ده انا متأكد منها جدا انا صاحبى معاه سيراتو وبيقولى فيه حاجات مش موجوده وياعنى خلاص الكلام موقفش عندها قطع الغيار متعبش اى عربيه

وواحد يقولك الهوندا سيفيك عدت من السيراتو اكيد كان بيكلم فى الموبيل او مبيعرفش يسوق وابيزا شدت معاها ورا و الكورولا شدت معاها ورا اللمبورجينى سبقتها اكيد اكيد مكنش بيعرف يسوق صح يا ما هنشوف مبررات وفى احدى المواضيع واحد بيقولك السيراتو متجيش جمب الاوروبى راح واحد طلع قالك ما 128 اوروبى وكل شويه عند الميكانيكى بيقارن 128 ب سيراتو هههههههههههه وعلى فكره انا سوقتها وركبتها وجربتها هيا من ناحيه حلوه فهى حلوه بس ش زى مانتوا بتحكوا يا راجل واحد بيقول كنت ماشى على 100 و كان على طريق رمل ناعم وكان قداموا رصيف ولا مش عارف ايه وبيقولك فرملت فى 5 مترو هيا ماشيه على 100 يارب اهدى امت محمد جميعنا

وياعم خلاص احنا غلطانين احنا يا عم راكبين عجل وانتم راكبين طيارات احنا اصل بنحقد على كل الى معاهم العربيه خلاص وفعلا على رأى الباشا لو العربيه زى ما بتقوله تبقى احسن عربيه فى العالم

اقتباس:

---

المشاركة الأصلية كتبت بواسطة ahmedbibo

طب انا مش هتكلم و لا هقول ولا هدافع عن الكلام ولا اى حاجه

انا هقول حاجه واحده حد يجيب موديل ناجح عملته كيا قبل 2009

المهم اه قطع غيارها قليله ده انا متأكد منها جدا انا صاحبى معاه سيراتو وبيقولى فيه حاجات مش موجوده وياعنى خلاص الكلام موقفش عندها قطع الغيار متعبش اى عربيه

وواحد يقولك الهوندا سيفيك عدت من السيراتو اكيد كان بيكلم فى الموبيل او مبيعرفش يسوق وابيزا شدت معاها ورا و الكورولا شدت معاها ورا اللمبورجينى سبقتها اكيد اكيد مكنش بيعرف يسوق صح يا ما هنشوف مبررات وفى احدى المواضيع واحد بيقولك السيراتو متجيش جمب الاوروبى راح واحد طلع قالك ما 128 اوروبى وكل شويه عند الميكانيكى بيقارن 128 ب سيراتو هههههههههههه وعلى فكره انا سوقتها وركبتها وجربتها هيا من ناحيه حلوه فهى حلوه بس ش زى مانتوا بتحكوا يا راجل واحد بيقول كنت ماشى على 100 و كان على طريق رمل ناعم وكان قداموا رصيف ولا مش عارف ايه وبيقولك فرملت فى 5 مترو هيا ماشيه على 100 يارب اهدى امت محمد جميعنا

وياعم خلاص احنا غلطانين احنا يا عم راكبين عجل وانتم راكبين طيارات احنا اصل بنحقد على كل الى معاهم العربيه خلاص وفعلا على رأى الباشا لو العربيه زى ما بتقوله تبقى احسن عربيه فى العالم

---

حضرتك اللي مش عايز تسمع الكلام بتاعنا

انت بتقول عيوب وهمية و بتبالغ في انك تطلعها عربية نص كم

وهي عربية كويسة

تقوم ترجع تقولنا كلام ماقولناهوش و تبالغ في تضخيم رأينا علشان تطلع صح

الموضوع بسيط ....مش أحسن عربية في الدنيا
بس عربية كويسة
وكويسة قوي كمان
فيها عيوب !!

فيها


بس مش عيوب تأثر على الركوب و لا الجيب ولا الاستعمال

اللي عايز يجيبها و مقتنع ...أهلا و سهلا مش هانكسب منه حاجة
اللي مش عايز يجيبها و خايف ...في 100 عربية تانية و كويسين برضه و مش هانخسر من و راه حاجة

و العربية ما عادتش سر حربي دي أكتر من الهم على القلب
علشان كده أنا نصحت صاحب الموضوع انه يجيب لانسر (و يريح دماغه) ماهي ركوبه برضه و بتودي وتجيب

احنا ما يهمناش ان الناس تشتري سيراتو

احنا يهمنا اللي يختار يبقى عارف هو بياخد ايه و بيسب ايه

انما حضرتك بتقول كلام غير حقيقي و كلمة من هنا على كلمة من هنا علشان تختلق جملة مفيدة و تطلع السيراتو عربية نص كم

ازاي مش مهم

و عموما ...ياريت تقولي ايه قطع الغيار اللي صاحب حضرتك مش لاقيها

لأن العربية ما فيش مسمار فيها مش موجود و بره التوكيل كمان

ابعتلي اسم القطعة و ابعتلك سعرها و تجيبها منين كمان

ولو تحب أبعتها لصاحبك لحاد البيت

دايما في الخدمة

اقتباس:

---

المشاركة الأصلية كتبت بواسطة ahmedbibo

طب انا مش هتكلم و لا هقول ولا هدافع عن الكلام ولا اى حاجه

انا هقول حاجه واحده حد يجيب موديل ناجح عملته كيا قبل 2009

المهم اه قطع غيارها قليله ده انا متأكد منها جدا انا صاحبى معاه سيراتو وبيقولى فيه حاجات مش موجوده وياعنى خلاص الكلام موقفش عندها قطع الغيار متعبش اى عربيه

وواحد يقولك الهوندا سيفيك عدت من السيراتو اكيد كان بيكلم فى الموبيل او مبيعرفش يسوق وابيزا شدت معاها ورا و الكورولا شدت معاها ورا اللمبورجينى سبقتها اكيد اكيد مكنش بيعرف يسوق صح يا ما هنشوف مبررات وفى احدى المواضيع واحد بيقولك السيراتو متجيش جمب الاوروبى راح واحد طلع قالك ما 128 اوروبى وكل شويه عند الميكانيكى بيقارن 128 ب سيراتو هههههههههههه وعلى فكره انا سوقتها وركبتها وجربتها هيا من ناحيه حلوه فهى حلوه بس ش زى مانتوا بتحكوا يا راجل واحد بيقول كنت ماشى على 100 و كان على طريق رمل ناعم وكان قداموا رصيف ولا مش عارف ايه وبيقولك فرملت فى 5 مترو هيا ماشيه على 100 يارب اهدى امت محمد جميعنا

وياعم خلاص احنا غلطانين احنا يا عم راكبين عجل وانتم راكبين طيارات احنا اصل بنحقد على كل الى معاهم العربيه خلاص وفعلا على رأى الباشا لو العربيه زى ما بتقوله تبقى احسن عربيه فى العالم

---

أنا قلت أنها أحسن عربيه؟؟؟
وأنت فهمت منى أن أى حد بيطلع منها يبقى العيب فالى سايق السيراتو
هو حضرتك مبتفهمش كلامى ولا متعمد متفهموش
حضرتك للأسف معلومات غلط علميا ونظريا
وبتتكلم غلط عن العربيه
ووالله لو كان كلامك مقنع ويدخل العقل كنت صدقتك لكن للأسف كلامك من أول مشاركه يحتوى على أخطاء عده
ولنا الله

اقتباس:

---

المشاركة الأصلية كتبت بواسطة normal

سمسم
انت بتقيس الامور غلط
مينفعش تحكم على متور عربيه بأنك شديت معاها!!!
ممكن يكون الى شديت معاه دا مبيعرفش يجرى
جتله لحظه خاف
جاله تليفون سابك
يعنى لو واحد معاه نفس عربيتك
أختها
وشديت معاه
واحد فيكوا هيطلع من التانى
يبقى أنهى متور أقوى!!!

تشكيكك فى قدره المتور وعزمه لازم يكون بدليل
مينفعش تقولى أنا مش مقتنع أو مش متصور
هاتلى دليل أن السيراتو مش 124 حصان
وأنا أذا معملتش موضوع جوا كيا بدليلك ودعيت الناس بالملاك تبطل تقول انها 124 حصان
أبقى أنا عيل يا عم
فى أكتر من كده
شد حيلك وهاتلى الدليل

---

طيب كويس جدا وكلام جميل اوى

شوف ياباشا انا قبل ماتكلم على العربية هاقولك حاجة واحدة انا ماليش مصلحة انى اطلع العربية وحشة او كويسة انا بقول التجربة اللى انا مريت بيها
وحضرتك قولت ان ممكن يكون حصلة اى حاجة عطلتة معلش ياباشا انا شايف اللى كان بيسوق فى مراية الصالون وعارف هو بيعمل اية كويس واللى انا اتكلمت فية بينطبق على اى عربية يعنى مثلا انا جريت مع سيفيك 2009 عرفت يعنى اية ماتور سيفيك العربية قريبة منى لحد سرعة 120 كيلو وبعد كدة ببدأ انا ابعد عنة لكن السيراتو بعدت عنة وانا لسة هنقل التالث عند 110 كيلو يعنى بعدت عنة بالسرعة التانية وهو اكيد كان جاب الثالث وداخل فى الرابع فية فرق هنا ودة اللى بتكلم فية
لان اى عربية قوتها عالية اكيد هيبان الفرق دة بعد سرعة 100 كيلو لكن قبل كدة بتبقى السرعات متقاربة

وهديك مثال لو انا جريت مع السيراتو لحد سرعة 110 كان الفرق بينى وبينة حوالى 8 متر او 7 متر فى السيفيك كان الفرق حوالى 5 متر لحد 120
ودة اللى بتكلم فية ان السيراتو 126 حصان زى مابتقول صافى والسيفيك صافى 120 حصان يبقى السيفيك اسرع وهنا كلامى صح ان السيراتو ماتورها ضعيف مقارنة بالرقم اللى كاتبينة 126 فية فرق عن ماقول ماتورها ضعيف اصلا

على ما اظن ان صاحب الموضوع دلوقتى قرر انه هيمشى على رجليه احسن من العربية

بس معلش انت اللى غلطان فى حد يفكر يركب سيراتو بعد اللى ناس قلته وفر فلوسك

اصل العربية دى بينى وبينك عليها عفاريت وبتقلب فى الهوا لو دوست على طوبة...... وكمان صاجها وحش لانه المفروض لما حد يخبط فيك هو اللى عربيته تدمر وانت اللى تكون سليم ودى حاجه معروفه فى كل العربيات ما عادا العربية دى مش عارف ليه......

ده الماتور بتعها ضعيف جدا والناس بتقول ان متورها مينفعش يركب على تريلة تصور ازى بس ما كل العربيت متورها بيركب على تريلة الا دى

انت مشفتش برنامج اوعى وشك اللى بيجى على قناة كيداهم كان فى توكتوك وسيراتو

مشفتش التوكتوك وهو بياكل السيراتو اول 30سم ازاى مشفتش!!!!
ده الخبر اتنشر فى المجلات العالمية

وكيا دلوقتى بتفكر انها تلغى السيراتو وتنزل بدلها توكتوك ب 7 غيار للاطفال حديثى الولاده علشان

ميبقاش الغيارات كتير على الام ومتتعبش .

ااااااااااااااااااااه شفت كنت هنسى:majd(4)::majd(4):

انا صاحب موضوع استرجل واركب سيراتو

اقتباس:

---

المشاركة الأصلية كتبت بواسطة semsem kane

طيب كويس جدا وكلام جميل اوى

شوف ياباشا انا قبل ماتكلم على العربية هاقولك حاجة واحدة انا ماليش مصلحة انى اطلع العربية وحشة او كويسة انا بقول التجربة اللى انا مريت بيها
وحضرتك قولت ان ممكن يكون حصلة اى حاجة عطلتة معلش ياباشا انا شايف اللى كان بيسوق فى مراية الصالون وعارف هو بيعمل اية كويس واللى انا اتكلمت فية بينطبق على اى عربية يعنى مثلا انا جريت مع سيفيك 2009 عرفت يعنى اية ماتور سيفيك العربية قريبة منى لحد سرعة 120 كيلو وبعد كدة ببدأ انا ابعد عنة لكن السيراتو بعدت عنة وانا لسة هنقل التالث عند 110 كيلو يعنى بعدت عنة بالسرعة التانية وهو اكيد كان جاب الثالث وداخل فى الرابع فية فرق هنا ودة اللى بتكلم فية
لان اى عربية قوتها عالية اكيد هيبان الفرق دة بعد سرعة 100 كيلو لكن قبل كدة بتبقى السرعات متقاربة

وهديك مثال لو انا جريت مع السيراتو لحد سرعة 110 كان الفرق بينى وبينة حوالى 8 متر او 7 متر فى السيفيك كان الفرق حوالى 5 متر لحد 120
ودة اللى بتكلم فية ان السيراتو 126 حصان زى مابتقول صافى والسيفيك صافى 120 حصان يبقى السيفيك اسرع وهنا كلامى صح ان السيراتو ماتورها ضعيف مقارنة بالرقم اللى كاتبينة 126 فية فرق عن ماقول ماتورها ضعيف اصلا

---

محدش قال ولا هيقول ولا يقدر يقول ان السيراتو اسرع واحسن من السيفك فى فرق طبعا .

اقتباس:

---

المشاركة الأصلية كتبت بواسطة semsem kane

طيب كويس جدا وكلام جميل اوى

شوف ياباشا انا قبل ماتكلم على العربية هاقولك حاجة واحدة انا ماليش مصلحة انى اطلع العربية وحشة او كويسة انا بقول التجربة اللى انا مريت بيها
وحضرتك قولت ان ممكن يكون حصلة اى حاجة عطلتة معلش ياباشا انا شايف اللى كان بيسوق فى مراية الصالون وعارف هو بيعمل اية كويس واللى انا اتكلمت فية بينطبق على اى عربية يعنى مثلا انا جريت مع سيفيك 2009 عرفت يعنى اية ماتور سيفيك العربية قريبة منى لحد سرعة 120 كيلو وبعد كدة ببدأ انا ابعد عنة لكن السيراتو بعدت عنة وانا لسة هنقل التالث عند 110 كيلو يعنى بعدت عنة بالسرعة التانية وهو اكيد كان جاب الثالث وداخل فى الرابع فية فرق هنا ودة اللى بتكلم فية
لان اى عربية قوتها عالية اكيد هيبان الفرق دة بعد سرعة 100 كيلو لكن قبل كدة بتبقى السرعات متقاربة

وهديك مثال لو انا جريت مع السيراتو لحد سرعة 110 كان الفرق بينى وبينة حوالى 8 متر او 7 متر فى السيفيك كان الفرق حوالى 5 متر لحد 120
ودة اللى بتكلم فية ان السيراتو 126 حصان زى مابتقول صافى والسيفيك صافى 120 حصان يبقى السيفيك اسرع وهنا كلامى صح ان السيراتو ماتورها ضعيف مقارنة بالرقم اللى كاتبينة 126 فية فرق عن ماقول ماتورها ضعيف اصلا

---

سمسم
السيفك تطلع من السيراتو
أنا مستنى الدليل الى أقدر أردد معاك بيه أن القدره المعلنه لمحرك السيراتو غير صحيحه

معلش يعنى

انا ليه أروح أجيب لاب توب Dell موديل 2000 ولا حتى موديل 2005 عشان بس هو أمريكانى

وأنا فى إيدى أجيب واحد موديل السنة 2010 وأحدث منه مييييييييت مرررررررة وأسررررع منه مليون مرة وهيريحنى خمسة مليون مرة بس صينى مثلا أو كورى وليكن سامسونج أو إيسر

ايه العقل فى إنى أجيب حاجة قديمة وعدى عليها عمر عشان هو بس أمريكى ولا يابانى ولا ولا....

مش هقولك الأمريكانى وحش لالآلآ مطلقا

بس عايز تجيب أمريكانى أدفع بقه لو إمكانياتك تسمح

طب مثلا هنيجى نبص للعربيات

انا واحد من الناس كان معايا لانسر 2002 مكوه واللى ميعرفش المكوه فهى أحسن من البومة ومطلوبة عن البومة كمان وده كلام الناس والتجار مش كلامى ويقال إنها أحسن كمكنة وأداء

وبعت عربيتى ب 68 ألف وعلى الرغم ان السعر ده يجيب بومة مستريح بس الناس دماغها كده عالم غريبة

وأحب أقولك من خلال تجربتى مع اللانسر انى اصلا كرهت العربية دى

هتقولى أكيد كانت معذباك

هقولك لآلآلآ بالعكس

ولا كان فيها الهوا

بس مفتقد حاجات كتييييييييييييييييييييير

أداء مكنة = بطة مستوردة من اليابان ( يمكن عشان كانت 1300 ) ماعلينا أكيد ال 1600 ك أداء أفضل

كماليات = صفر

رفاهية = معدومة

شكل = فى الضياع سواء مكوه او بومة وعدى عليه زمن

فخامة = إبقى قابلنى

دلع = فى المشمش

ثبات = فى الطراوة ( كنت بجيب ال 140 بالعافية وبتبقى مراجيح )

خامات داخلية = عااااااااادية جداااا وبستغرب من الناس اللى تقعد تقولك دى خامات احسن وافضل وانبل وأروع وأحمد ومصطفى من السيراتو ( طب تيجى أزاى)

هتقولى ياعم دى عربيتك موديل 2002 وبتقارنها ب 2010

هقولك المكوه 2002 هيا هيا البومة 2010 من جوه

والنبى ياجدعان اللى يقول كلام يبقى واثق منه وبلاش نقعد نفتح علب ونرسم خرايط على الناس اللى جاية تستعين بينا هنا

إتقوا الله يجعل لك مخرجا

اقتباس:

---

المشاركة الأصلية كتبت بواسطة semsem kane

وهديك مثال لو انا جريت مع السيراتو لحد سرعة 110 كان الفرق بينى وبينة حوالى 8 متر او 7 متر فى السيفيك كان الفرق حوالى 5 متر لحد 120

---

بسم الله ما شاء الله ياسمسم :satelite:

دقيق اوى وكمان عرفت تحدد الفرق وانت على 120 :ma:

اقتباس:

---

المشاركة الأصلية كتبت بواسطة m7amd_7amdy

بسم الله ما شاء الله ياسمسم :satelite:

دقيق اوى وكمان عرفت تحدد الفرق وانت على 120 :ma:

---

هو دة ابقى دقيق يعنى لما اقولك حوالى = تقريبا فى المعنى يبقى فين الدقة

خلاص ياباشا طالما الجملة مضايقاك الفرق بينى وبين السيراتو كان اطول من الفرق مابين السيفيك فى حدود سرعة 120

ياجماعة انتوا بردة مش واخدين بالكوا انا اللى بشوفة واللى جربتة قولتة انا ولا معايا سيراتو ولا معايا لانسر

وبعدين ماهى اللانسر بردة فيها عيوب قد كدة حد قال حاجة بس المشكلة كلها اللى مخليها كويسة انها بتتحمل , قطع غيارها رخيصة وعند البقال حتى لما تحب تعدل اسرع حاجة تلاقيها للانسر سيارة الشعب
يعنى انا كنت من كام يوم عند بتاع فرش السيارات وعاي اغير فرش السيارة فبقولة مافيش عليها حرف h انا شايف كلة لانسر قالى اصل اللانسر مابيعدش بيخلص على طول فنجيبة باستمرار مع ان صاحب المحل معاة هوندا تخيلوا بقى ادى للانسر وبعدين اللانسر موفرة فى البنزين عن السيراتو وقطع غيار ارخص ودة اللى الواحد فينا محتاجة فى الايام اللى جاية مع الزحام الشديد وكثرة الاحتكاك والخبطات بين السيارات وطبعا بنزين اكتر

يارب تكونوا فهمتوا قصدى

والاخ اللى عايز دليل على ان السيراتو ماتورها اضعف من 126 حصان ماشى هو مكتوب 126 بس انا مش شايفة 126 حصان ولو لقيت سيارة على جهاز داينو ولا حاجة فى النت هرفعلكوا الفيديو ونشوف بس نلاقى لان طالما حضرتك او اى حد معندوش دليل يثبت انها 126 نت او صافى , يبقى بردة مايستناش منى انى اجيبلة دليل انها اقل من 126

اقتباس:

---

المشاركة الأصلية كتبت بواسطة semsem kane

والاخ اللى عايز دليل على ان السيراتو ماتورها اضعف من 126 حصان ماشى هو مكتوب 126 بس انا مش شايفة 126 حصان ولو لقيت سيارة على جهاز داينو ولا حاجة فى النت هرفعلكوا الفيديو ونشوف بس نلاقى لان طالما حضرتك او اى حد معندوش دليل يثبت انها 126 نت او صافى , يبقى بردة مايستناش منى انى اجيبلة دليل انها اقل من 126

---

اه يعنى أنت الى عايز منى دليل أنها 124
وصلت الفكره يا باشا