اشترى لانسر 1600 اوتوماتيك من عند اباظه ولا استرجل واركب سيراتو؟؟؟

**LeperMessiah** · 06-07-2010 03:34 AM

طب انا هاقول اللى حصل معايا و خبرتى المحدوده
انا كان معايا لانسر بومه ٢٠٠٨ و عملت بيها حادثه بعيد عنكم ضيعت نص العربيه الشمال كله و كنت بصلحها على حسابى فى الحرفيين و اللى خلانى اجيب العربيه ديه ان قطع غيارها بيقولوا رخيصه و اكتشفت انها غاليه جدا و الله و بتكلم عن حاجات استيراد و هاقولكم عن بعض الاسعار اللى انا فاكرها
ايرباج بالطاره ٦٠٠٠
وش فتحات تكييف 150
طقم جريد 650
مرايه باب 500
مرايه صالون 300
تعالى للتقيل بقى
فتيس و انت و بختك 7000
طقم رشاشات 4000
قواعد موتور و قنطره 2500
علبه دركسيون 2000
قطع الغيار مش رخيصه و المسمار فى العربيه ديه بالشئ الفلانى انا مش مع او ضد انما اللى يقولك قطع غيار رخيصه قوله كداب

**M7amD_7amDy** · 06-07-2010 05:02 PM

المشاركة الأصلية كتبت بواسطة DrMax

يعنى حضرتك الوحيد دونا عن كل الشعب المصرى اللى اكتشفت ان العربية ضايعة اوى كده؟؟
يعنى مكنة وفخامة وخامات وشكل وثبات ورفاهية كلو زفت زى محضرتك بتقول مفيش حاجة واحدة حتى منهم نص نص!!!
ليه يعنى؟؟؟على اساس انها من تصميم وتصنيع شركة النصر العالمية للسيارات؟؟؟
ده على كلامك تبقى مش عربية..دى كده محصلتش التوكتوك!!!!!!

لا تعليق

يعنى انت جاى بعد معلقت وقولت اللى انت عايزه جاى فى الأخر تقول لا تعليق؟ ههههههههه

حاول تدور كويس فى الشعب المصرى اللى انت منه هتلاقى ناس كتير بتقول نفس الكلام (مع تحفظى على الطريقة دى)

ماعلينا

المهم

بص ياباشا انا كلامى ده مش مخترعه ولا مألفه زى مالناس بتقعد تألف وتقول حاجات غريبة على السيراتو

اللى هما أصلا لا شموها ولا ركبوها وكله بيقول اصل ابن عمى اصل واحد صاحبى اصل .. فصل .. (صباح الخير)

انا بقولك على عربية ركبتها 3 سنين كاملين وأنا حر فى رأيى وإسال اى حد كان راكب المكوه وهيقولك نفس الكلام

إلا بقه الناس اللى مشفوش حاجة أو مركبوش حاجة أفخم منها

وأنت لو معاك العربية أحب اسمع وجه نظرك وايه اللى قولته فى كلامى غلط او مش حقيقى أحب أسمع منك برده

المشاركة الأصلية كتبت بواسطة kemoelord

استنى بس انت يا احمد بيه , اصل فيه ناس كده واخده الامور بالاحساس وبالنفس
اه معلش اصل نفسى حلوة وجابت السيراتو وعشان كده بعت المكوه ( أنا حر)

يعني لو الكلام الي قاله ده كان مزاجه رايق كان قال اشعار وخطب ومقالات عن العربيه

مش بتاع خطب ولا شعارات أنا. سيب الكلام ده للمؤلفين بتوع السيراتو :) والناس اللى عايشة فى الوهم

, لكن يظهر انه قاله وكان مزاجه مش ولابد ,,,,

مهو لو كان عندك رد على كلامى كنت رديت على اللى قولته او تحاول تصحح الغلط ده لو كان فى غلط اساسا مش تقولى المزاج مش ولا بد

ثانيا : وبعدين مكوه ايه الي احسن من البومه ,

دى معلومة مشهورة جداا ومعروفة مش من تأليفى والله اعلم بصحتها

اه افتكرت سعتك سمعت الكلام من تجار يعني من ناس جهله واخدين الكلام عن السمع لا هم خريجي جامعات ولا حتى معاهد فبالتالي الي ميعرفش يقول عدس وهم ما يعرفوش

انا مجبتلكش شهادة موثقة بتقولك ان المكوه احسن من البومة
كل اللى قولته ان الناس والتجار بيقولوا ان مكنة المكوه والعربية ككل احسن من البومة ال 1300 والله أعلم بصحة المعلومة دى
ودليل على كده بتتباع أغلى من البومة ومطلوبة عن البومة ( أنا بايع عربيتى ب 68 ألف)

امال بقه تقول ايه على الناس اللى بتسمع وبياخدوا الكلام من الناس الجهلة على كلامك
وواحد يقولك مثلا أصل السيراتو بتولع وهيا واقفة وبتتقلب على 60

تقول ايه؟

, لان معروف ان محركات اللانسر كلها واحده من نفس الفئه اللتريه يمكن نوع الجير هو الي بيفرق يعني الاتوماتيك من العربيه دي 1300 سي سي بيبقى سئ وانا شخصيا كان معايا مكوه 2002 اتوماتيك وكان كل حاجة فيها زي الفل ماعدا السحب ومش كان حلو

مهو ده اللى أنا قولته ايه الجديد بقه وبالذات بقه لو مشغل التكيف كإنك راكب عجلة وبدون تهويل

, لكن حضرتك اي حد لما بيجي بيتكلم عن العربيه بيتكلم عليها وبيقارنها من نفس الفئه بتاعتها ومفش حد قال انها تقارن بالسيفك ولا بالجيتا ولا بالكورولا ولا باي حاجة من الحاجات دي ,,

مين جاب سيرة دول :)

وبعدين لو كنت بتتكلم عن فيرنا مثلا (مع احترامي لملاكها)كنت قولت ايه ,,

عربية محترمة ومكنة جبارة يعيبها فقط فراملها وده عرفته من ملاكها ودليل على كدة ماليه البلد وتمنها فيها وبتاخد منها على قد قدراتها ايه بقه الضرر فى كده؟؟

وبعدين خرايط ايه وعلب ايه احنا قاعدين في سوق الجمعه !!!!!!!!!!

مش هرد عليك هسيبك فى السوق وأمشى

وبعدين لو كان فيها كل العيوب دي كنت حضرتك تلاقيها منتشره بالطريقه دي وعيوبها تكاد تعد على الصوابع ,,

حبيب قلبى فين العيوب؟؟ راجع كلامى اللى قولته وانت هتفهم كويس
انا معبتش فى العربية أنا قولتلك اللى شوفته منها خلال ركوبتى معاها 3 سنين وهما فعلا يتعدوا على الصوابع

بعكس السيراتو الي لسه اول موسم ليها والواحد سمع شكواي ليها يوم الدين ,, هيطلع واحد معاه سيراتو يقولي فين ده هقوله احمد ربك ان العربيه الي معاك كويسه ومفش فيها مشاكل لان العربيه بختك يا ابو بخيت ,,,

هههههههههههههههههه والله الواحد مش عارف يقول ايه فى القصة اللى باشت دى

أنصحك بقراية الموضوع ده ومتابعة الردود وأحب أشوف ردك ياباشا :)
http://www.nilemotors.net/Nile/162331-a.html

عموما يا ريت بس تبقى واقعي في كلامك

كلامى عملى وعن تجربة مش بألف انت اللى محتاج تكون واقعى وترد على اللى قولته ولو فى حاجة غلط تصححها

والحمد لله انك بعتها علشان تستريح

فعلا الحمدلله انى بعتها وفعلا استريحت من الكئابة بتعهتا ومستريح جدااا مع السيراتو والجين2 الحمدلله فضل وعدل من عند ربنا

ونستريح احنا كمان

طب انا استريحت لما بعتها انت ايه اللى كان تعبك لما كانت معايا؟

المشاركة الأصلية كتبت بواسطة LeperMessiah

طب انا هاقول اللى حصل معايا و خبرتى المحدوده
انا كان معايا لانسر بومه ٢٠٠٨ و عملت بيها حادثه بعيد عنكم ضيعت نص العربيه الشمال كله و كنت بصلحها على حسابى فى الحرفيين و اللى خلانى اجيب العربيه ديه ان قطع غيارها بيقولوا رخيصه و اكتشفت انها غاليه جدا و الله و بتكلم عن حاجات استيراد و هاقولكم عن بعض الاسعار اللى انا فاكرها
ايرباج بالطاره ٦٠٠٠
وش فتحات تكييف 150
طقم جريد 650
مرايه باب 500
مرايه صالون 300
تعالى للتقيل بقى
فتيس و انت و بختك 7000
طقم رشاشات 4000
قواعد موتور و قنطره 2500
علبه دركسيون 2000
قطع الغيار مش رخيصه و المسمار فى العربيه ديه بالشئ الفلانى انا مش مع او ضد انما اللى يقولك قطع غيار رخيصه قوله كداب

وشهد شاهد من أهلها

إتفضل ياعم

وبيقولك أصل قطع الغيار عند البقال ورخيصة

**M7amD_7amDy** · 07-07-2010 12:28 AM

المشاركة الأصلية كتبت بواسطة DrMax

انا معايا بومة مش مكواة
بس انا مش هتكلم انا عشان معايا بومه
انا عايز حد بس يخش يرد يقولى ايه اصلا اللى قولتو فى كلامك صح

مش ايه اللى قولتو فى كلامك غلط
لان لو حضرتك شايف ان كلامك كلو صح يبقى الوصف اللى قولتو ده كلو ممكن ينطبق على ال 128 وبس مش على حاجة اعلى منها
لانك عيبت فى كل نقطة تقييم فى العربية...ايه اصلا اللى فاضل؟؟؟؟؟؟؟؟؟؟؟؟؟؟؟؟؟

ربنا يباركلك فيها

والله ياباشا انا قولت اللى شوفته وكل كلامى عن تجربة مش بحكى حواديت

انت لو عندك حاجة تانية قولها

تقبل تحياتى ياباشا :)

**kemoelord** · 07-07-2010 01:00 AM

المشاركة الأصلية كتبت بواسطة احمد عزت

وعموما هيف فكره السيراتو بالنسبالى فكره ضمان 5 سنين انا استخدامى قليل يعنى فى السنه بتاع 20 الف كيلو بفكر اجيبها 5 سنين الضمان اكون عملت 100 الف كيلو وعملت ال 10 صيانات بتوعها واقوم بايعها واغير (وهيه ده معادله الكورى قطع غيار رخيصة ومنتشره واللى مش شايف كده مع السيراتو يبقى اعمى ....وصيانات فى كل حته وما ظنش يعنى ان الشركه هتدى ضمان 5 سنين وهيه مش واثقه فى عربياتها )

ويارجاله السيراتو بجد بقى وسيبكم من الخناقات والحقد بتاع الناس التانيه
انا الصراحه كل اللى مخوفنى من العربيه ده وبسبب انى مش سويق اوى موضوع الصاج الطرى ده انا عارف انه مفيد فى احوال كتير بس خايف من انى ابهدل العربيه فى كل حكة وخبطه واه اكتر لون ممكن ما يبنش فيه الخبطات والنقر وربنا يستر طريقنا.............................وارج� �كم سيبكم من الناس التانيه وخلوكم معايا .......

انا اولا احييك على ذوق حضرتك في معظم الكلام وخصوصا في نظرية التفكير في عربيه كوري زي السيراتو وبالفعل احب اقولك ان نظريتك في التعامل سليمه 100% ,
جزئية الكلام ان الناس بتحقد , هي الناس هتحقد ليه في رايك يعني ؟!!!! يعني معظم الناس الي داخله معاهم عربيات الحمد لله كويسه وممتازة ويمكن كمان احسن فياريت بس ما نقلل من شان الناس ما كل واحد الي عاوز بيجيب حاجة بيجيبها يعني راي الناس كلها بيمثل نسبة عند كل واحد فينا لاننا احنا في الاول والاخر الي بنتخذ القرار وبيكون له النسبة الاكبر فالناس على فكره لا هتاخد حاجة لما حضرتك تجيب سيراتو ولا حتى مرسيدس cls وعموما الكل بيتمنالك التوفيق ان شاء الله ,,, بالنسبه لجزئية ان الصاج طري ففعلا معظم العربيات الحديثه كده , انا واحد معايا شارك ونفس الموضوع بشتكي منه مع اني فيه ناس افاضل زي الاخ راليات قعد فهمنا انها تكنولوجيا وانها بتنفع احيانا , لكن في المقابل بنعوض المشكله دي بوسائل الامان المتوفره في السيارة

المشاركة الأصلية كتبت بواسطة M7amD_7amDy

مش عارف ليه كده حاسس انك بتقولى أديك لبست السيراتو وبكرة تشوف الأعطال وعيوب الصناعة
والذى منه هههههههه على العموم متشكرين لذوقك ياباشا وحسن دعوتك :) ولو أنا فهمت غلط يبقى متأسف

بس خد بالك مش أنا لوحدى اللى مفكر ان السيراتو عملت اللى مايتعمل

وعشان أفهمك يعنى ايه السيراتو عملت اللى مايتعمل , ده يتلخص فى كلمتين

((( best value for money )))

ده نص الشعب مفكر كده !!!!

وياترى نص الشعب مبيفهمش وحضرتك اللى عارف كويس الحقيقة؟ !!!

وياترى برده كل الناس دى مركبتش عربيات؟ !!!

انا مش عارف ليه حضرتك كاره السيراتو , لعلمك أنا مش عايز حد يحبها ولا يتكلم عليها حلو
بس كل الكلام اللى بيتقال كله تأليف ولو حد جه يتكلم بموضوعية وشوية عقل هنتكلم

وإحنا عندنا فى القسم قولنا عيوبها قبل مميزاتها لكن الناس بتحب تطلع القطط الفطسانة

مش عارف ليه يعنى تقولش ليهم نصيب فى أرباح لانسر

أنا بدعو حضرتك لقرأة هذا الموضوع ممكن حضرتك تغير رأيك

http://www.nilemotors.net/Nile/157541-a.html

ولعلمك انا سعيد بالنقاش معاك وتحياتى ليك ياباشا

اولا يا باشا شكرا على ذوقك واسلوبك الرئع , ثانيا : مين قالك يا باشا اني كارهه السيراتو ابدا والله وانا لو كان عندي نيه اني بكرها او دليل بكده كنت جيبتلك يجي 10 مواضيع انا مخزنهم في ال favorites عندي عن مشاكل السيراتو وكنت خليت اللعب على المفتوح زي ما بيقولوا هههههههه
بس انا عارف ان المشاكل دي ليها حلول عادي خالص ومش كل العربيات بيبقى فيها العيوب دي
وطبعا زي ما حضرتك عارف ان مش اول موضوع اتكلم عن السيراتو ومقارنتها بسيارات تانيه لكن انا قولت قبل كده راي بصراحه متناهيه عنها وان انا اساسا بحب الكيا وكان معانا السيفيا والشومة ومحركات كيا من افضل المحركات الكوريه على الاطلاق لكن طبعا للاسف كانت لاتخلو من مشاكل الفرامل وضعف التكييف بعد الاستخدام الطويل ,, انا بس اتصدمت من كتر الشكاوي الي ظهرت منها وهي لسه ما كملت موسمها الاول يعني على الاقل اي حاجة تظهر المفروض تظهر بعد سنتين ولا حاجه لكن لاقيت عيوب في العربيه والحقيقه احيانا بتبقى عيوب قاتله زي عيوب في كمبيوتر العربيه والفتيس الى اخره , انا شخصيا كنت هجيب العربيه لا والادهى كنت هجيبها خليجي لان التوكيل المبجل مش كان منزلها وكان لازم احجز والي اجه بعد كده منع بتاتا صيانة العربيات الخليجي عنده ومن ساعتها بعتبره توكيل مش محترم ومش بيحترم عملاؤه وسياسته زباله ,, والله والي خلاني بس ما اجيبها بسبب صغر حجم الكنبه الخلفيه فيها ومستوى الفرامل الي ممكن اعاني منه في المستقبل فقط

عموما احب بس اضيف اخر حاجة وهي ان مصر الدوله الوحيده تقريبا الي ما ليها مقاييس في سوق السيارات وللاسف مش انا بس الي بقول كده بمعنى ان اي سيارة في مصر بتنجح على اساس انتشارها مش على اساس مثلا انها عربيه حلوة وتستاهل ومش بقول ان العربيات المنتشره وحشه بالعكس بتبقى حلوة لكن هناك الافضل منها ولكن لم تبيع بالقدر الكافي او مش واخدها حقها بالبلدي
وعندك امثله ما تعد زي (الشارك والفيات لينيا والمازدا والتيدا الهاتش باك وهيونداي I30 والصني سوبر صالون ,,, الخ)

الاهم من كده ان كل سيارة بها مميزات وعيوب وكل واحد بيختار العربيه على حسب تكيفه للعيوب قبل المميزات وعلى حسب امكانياته والاهم على حسب اقتناعه بها وربنا يوفقنا جميعا

**M7amD_7amDy** · 08-07-2010 05:32 PM

المشاركة الأصلية كتبت بواسطة DrMax

ويباركلك فى عربيتك ياباشا

اه عندى حاجات كتير اقولها وكلها عكس كلامك

وبرضو كلها عن تجربة مش بحكى حواديت :)
بس الحوار هيوصل لطريق مسدود عشان واضح ان كل واحد فينا متمسك برايه فنوفر الوقت والمجهود احسن

واتشرفت بمعرفتك يا استاذ محمد

تحياتى :)

زى متحب ياباشا اللى تشوفه

بس مش هنوصل لطريق مسدود ولا حاجة كلها وجهات نظر وطبعا احترامها قبل اى شيىء :)

واتشرفت بحضرتك :)

المشاركة الأصلية كتبت بواسطة kemoelord

انا بس اتصدمت من كتر الشكاوي الي ظهرت منها وهي لسه ما كملت موسمها الاول يعني على الاقل اي حاجة تظهر المفروض تظهر بعد سنتين ولا حاجه لكن لاقيت عيوب في العربيه والحقيقه احيانا بتبقى عيوب قاتله زي عيوب في كمبيوتر العربيه والفتيس الى اخره ,

مفيش حاجات من دى حصلت غير للأستاذ وائل ( أبو ليلى ) ودى حالة فردية ودى الحالة الوحيدة اللى ظهرت لحد دلوقتى
وبيتم علاجها و هتشوف موضوع مفصل عن الحالة دى وحلها من أبو ليلى إن شاء الله

وعلى فكرة المشكلة مش كبيرة يعنى حتى فى وجود العطل العربية ماشية وكل حاجة مش بياخدها على ونش :)

وده ميعيبش العربية فى حاجة

طب مهو الباسات بجلالة قدرها حصل فيها عطل فى الفتيس بالكامل (عربية الأستاذ سيف )
وتم تغيره بالكامل فى التوكيل

هل نقدر نقول ان الباسات كده عربية مشاكلها كتير؟؟ وعيوبها قاتلة ومحدش يشتريها عشان حصل فيها عيب فى الفتيس؟؟
وعلى الرغم انها بـ 270 ألف مش ب 100 ألف :))

كل شيىء وارد ولكل مصنع بينتج وحدات لازم يكون فى نسبة بسيطة من الوحدات المعيبة
مفروض الناس تفهم كده

وهاتلى شركة أى كانت عريقة او حتى أسفل السافلين محصلش عندها عيوب !!!

مفيش عيوب تانية للعربية ظهرت يتقال عليها عيوب :)

والله والي خلاني بس ما اجيبها بسبب صغر حجم الكنبه الخلفيه فيها ومستوى الفرامل الي ممكن اعاني منه في المستقبل فقط

أول مرة أسمع الكلام ده !!!

طب صغر حجم الكنبة ممكن تتبلع مع إنها تاخد 3 مستريح جداا

لكن الفرامل دى مستحيييييييل

دى الفرامل بتاعت السيراتو دى من أحسن الحاجات اللى فى العربية كلها

على رأيى نورمال

الفرامل هى التاج اللى على راس العربيه دى

أنا بدعو حضراتكم تشرفوا المقابلة ويكون الكلام عملى اكتر وتجربو العربية

عشان واضح ان حضرتك مجربتش العربية ولا ركبتها ولا جربت فراملها

http://www.nilemotors.net/Nile/162987-a.html

وتحياتى ليك ومتشكر لحضرتك على النقاش الهادى ده :)

**kemoelord** · 08-07-2010 10:31 PM

المشاركة الأصلية كتبت بواسطة tatooo_2011

انا معايا بومة 1600 كويتى 122 حصان سبورت و ابن خالتى معاة سيراتو جنط 16و تكييف تاتش و فتحة سقف
الخلاصة فى المقارنة بينهم مع العلم الأتنين حايبنهم زيرو الصيف اللى فات
1-التكيف: البومة
2-الرفاهية و الكماليات: السيراتو
3-الأتساع الداخلى: السيراتو
4-جودة التقفيل: البومة بصراحة السيراتو تقفيلها مش عاجبنى
5-الثبات على الطريق: البومة
6-التسارع: تقريبا زى بعض و هو حلو جدا و السيراتو ماتورها مش ضعيف خالص زى م الناس بتقول
7-الفرامل: الأثنين ممتازيين
8-استهلاك البنزين: الأثنين ممتازين
9- العفشة: البومة اقوى و تستحمل اكثر
10- السيرتو بحس انها مريحة عن البومة
11- قطع الغيار: الأتنين قطع غيارهم منتشرة

-فى ملاحظات على السيراتو: 1- بعد ما عملت 10 الااف كيلو صوت الماتور على و يعلى جامد ويبقى مزعج
لما تعمل kick down

2- السيارة بقت تحدف يمين

فى النهاية جرب الأتنين و شوف هترتاح فى انهى اكتر

يا باشا بس البومة ال 1600 106 حصان صافي ولو حضرتك عاوز تتاكد ابعت للمهندس طارق على الخاص اتاكد منه تمام

**kemoelord** · 08-07-2010 10:41 PM

المشاركة الأصلية كتبت بواسطة m7amd_7amdy

أول مرة أسمع الكلام ده !!!

طب صغر حجم الكنبة ممكن تتبلع مع إنها تاخد 3 مستريح جداا

لكن الفرامل دى مستحيييييييل

دى الفرامل بتاعت السيراتو دى من أحسن الحاجات اللى فى العربية كلها

على رأيى نورمال

أنا بدعو حضراتكم تشرفوا المقابلة ويكون الكلام عملى اكتر وتجربو العربية

عشان واضح ان حضرتك مجربتش العربية ولا ركبتها ولا جربت فراملها

http://www.nilemotors.net/nile/162987-a.html

وتحياتى ليك ومتشكر لحضرتك على النقاش الهادى ده :)

الصراحه موضوع الكنبه بتاخد 3 مستريح اشك فيه للسنه الي جايه الا اذا حضرتك قست الموضوع على 3 عيال , معلش انا عندي في الشارك بتاخد 3 مستريح والمفروض والواقعي ان كنبه الشارك اكبر من السيراتو ودي بقى مفش فيها جدال معلش وبتاخد 3 مستريح انما السيراتو تاخد 3 وكل حاجة بس مزنقين
ثانيا يظهر حضرتك مش اخدت بالك من ان كنت بقول ان الفرامل هتقل في المستقبل مش بقول بعد بكره بالليل واي عربيه اساسا فراملها جااااااااااامدة وهي زيرو لكن مع الوقت والاستهلاك بتضعف يعني انا مش هنسي كانت فيه ناس بتشتكي من فرامل السيراتو الموديل الي قبل ده والعربيه كانت اتوماتيك !!!!!!!!!!!!!! ولا النوبيرا جت بعد سنتين فرامل بتحتاج رجلشه كل شوي ولا الفيرنا الي الناس دلوقتي اصبحت تشتكي منها مع ان طول عمرها بتتميز بالفرامل القويه .

اه بالمناسبه لو حضرتك ركبت حاجة " محترمه " قبل السيراتو تقدر تقولي ايه الافضل من حيث العفشه والثبات ؟؟؟؟؟؟

الموضوع: اشترى لانسر 1600 اوتوماتيك من عند اباظه ولا استرجل واركب سيراتو؟؟؟

LinkBack

أدوات الموضوع

عرض

العرض المتطور

-

-

-

-

-

-

المواضيع المتشابهه

اشترى انهى لانسر 1600 اوتوماتيك او الصنى اوتوماتيك2007/2008

استرجل واركب سيراتو

مقارنه محيراني شويه : لانسر بومه 1300 - النترا 1600 - سيراتو lx وكلهم اوتوماتيك

لانسر 1600 اوتوماتيك ولا ياريس 1300 اوتوماتيك

لانسر 1600 اوتوماتيك ولا ياريس 1300 اوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة