صباح الفل علي احلي رجاله
وحشتوني جدا بس هانت خلاص هنشوف بعض
جايلكم النهارده بموضوع جديد وحصري اول واحد يركب زينون في القسم عندنا و يرفع موضوع
الحمد لله روحت ركبت زينون النهارده الصبح عند واحد صاحبي بتاع اكسسوارات
الحمد لله ركبت زينون 8000K الطقم ب 350 + ضمان سنه ركبت 3 اطقم فوجات و واطي و عالي
و ركبت ليدات مكان اللمبه الصفره الصغيره الي في الفانوس
كده المجموع 1050 و لمبتين ليد 50 و التركيب 50 يبقي المجموع 1150 بس انا دفعت 1050 بس
و مقاس اللمبات علشان كل الناس الي بتسأل العالي H1 الواطي H7 و الفوجات 881 و مش بيبقي موجود ف الناس بتركب 880 بس انا ركبت 881
وموضوع الفلاشه يا رجاله و الله هي شغاله تمام جدا بس لما برعش كتير اكتر من 6 او 7 مرات بتفصل و تشتغل من الاول هي عملتها مرتين و ربنا يستر بس مش مشكله ب النسبالي مش هرعش كتير يعني و لو رخمت هبقي اشوف اي حل مش مضايقاني بصراحه لأني كل الاغاني بحبها ف مش بتفرق انها تبدأ من الاول بس اتفرجو علي الفيديو بصراحه حاسس ان العربيه نطقت و الفوجات مكنتش حاسس بيها غير لما ركبت الزينون
و العربيه بقت ملفته للنظر اكتر من الاول بكتير الكل بقي بيمشي جمبي عينه مش بتنزل من علي العربيه


[youtube]http://www.youtube.com/watch?v=lSryygK36Xc[/youtube]