حد يفهمني حلال ده و لا حرام؟

**bedoo100** · 02-07-2010 03:55 AM

سياسة التسعير في شركات ابو الفتوح اعتقد انها من افشل السياسات التسويقيه فلماذا تم زيادة سعر التيجو ثلاثة الاف جنيه بدون داعي او بدون اي زياده في الكماليات؟ فالسياره لم تثبت اقدامها بعد في السوق و الكل اختلف علي جودتها و لا يزال مبكرا الحكم عليها بانها سياره ممتازه من عدمه
علي العكس تماما جاء قرار الشركه بتخفيض سعر السياره ال m11 خمسة الاف جنيه مره واحده ليثبت فشل السياسه التسويقيه لهذه الشركه فلو كانت السياره طرحت قبل ظهور العديد من المنافسين الصينيين من قبل ووجدت الشركه انه لابد من تخفيض السعر للمنافسه اذا فلماذا لم تطرح السياره منذ البدايه بسعر منافس ؟؟؟
ام ان لسوء سمعة هذه السياره و عدم اقبال العملاء عليها و احساس الشركه بالمشكله و رغبتها في التخلص من الانتاج تقوم بهذا الخصم الكبير
الا يكفي كم الهموم و المشاكل المستفزه التي تواجه ملاك هذه السياره و الذين اشتروها ب 75000 جنيه ؟؟؟ فلو اراد احدهم الان بيعها حتي و لو كانت موديل نفس السنه فاعتقد ان سعرها لن يزيد عن 60000 جنيه ...ولم يحدث اي تغيير في الجمارك او الضرائب او اسعار تكلفة الانتاج منذ اول شهر يناير منذ مطلع هذا العام علي العكس اسعار الطاقه المستخدمه في المصانع سترتفع مع اول شهر يوليو و توقعنا في المقابل ارتفاع في اسعار السيارات المحمعه محليا..... فما ذنبهم ليتكبدوا خساره تقدر ب 20 % من حجم اموالهم بسبب سوء هذه الشركه في هذه المده القصيره ؟؟

**emad7759** · 02-07-2010 10:13 AM

ده من غير ماينزل اسعار اسعار العربيه بينزل مش 15 الف بس ده بينزل اكثر من كده

يعنى دلوقتى انا رقى الشخصى ان اى حد معاه الام 11 كسر زيرو مش هتجيب اكثر من 55 الف على نزولها الخمسه الاف دول

حسبنا لله ونعم الوكيل فى ابو الفتوح

وربنا يخرب بتهم زى ماخصرو الناس فى اموالهم

**Abouhaidy** · 02-07-2010 08:30 PM

مقدرش اقولك غير ربنا موجود

**tananybasha** · 02-07-2010 11:55 PM

حسبى الله و نعم الوكيل

**wwf915** · 03-07-2010 09:52 PM

كلامك دليل جهل تام بانظمة الشركات

كل الشركات تخفظ وترفع ... مش بس ابو الفتوح طبعا

شوف ال 516 سعرها فضل ثابت كم سنه

غيره .. شوف سعر اللانوس الغبيه بكم كانت وارتفع فوق ال 70خلال كم .. وتعرف انو ابو الفتوح بطل قومي

**Waleed_Fathy** · 03-07-2010 10:01 PM

نفس المشكله حلصت قبل كده فى التيجو

و النتيجه ان اللى اشتراها تسليم فورى ب 100 الف(2000 سي سي مانيوال)
و حب يبيعها دلوقتى فى خساره فى حدود 20 الف جم

**samcar** · 03-07-2010 10:21 PM

قلنا من الاول اللى يشترى العربيات دى يستاهل اللى يجرى له سمعنا مواويل عن التخلف والعقليات اللى ما تعرفش التطور وعظمة الصين وصناعتها

للاسف الناس فى مصر بتحب المظاهر والفشخره واالى كان راكب 28 او لادا لما ظهر الصينى بشويةة الكماليات جرى وقال اركب عربيه مكيفه مع ان والله ال 28 برقبة عربيات كتير من الصينى اللى بيتكسر ده = ياناس ده لسه ال 24 و31 لهم سعر اعادة بيع بعد ربع قرن

لو احنا ناس بتفكر وتسمع النصيحه كان التوكيلات النهابه دى لمت نفسها وباعت برحمه شويه

**bedoo100** · 03-07-2010 10:26 PM

المشاركة الأصلية كتبت بواسطة wwf915

كلامك دليل جهل تام بانظمة الشركات

كل الشركات تخفظ وترفع ... مش بس ابو الفتوح طبعا

شوف ال 516 سعرها فضل ثابت كم سنه

غيره .. شوف سعر اللانوس الغبيه بكم كانت وارتفع فوق ال 70خلال كم .. وتعرف انو ابو الفتوح بطل قومي

سيادتك يبدو انك اللي مش متابع السوق و فعلا انت جاهل بمعطيات السوق المصري حاليا ...
*اولا : ال 516 عمر ما كان سعرها ثابت حيث كان سعها عند طرحها 59900 عام 2006 و بعد حجز اول دفعتين زادسعر السياره و اصبح 63900 و بعد مرور عام اصبح سعر السياره الرسمي 67900 يبقي فين ده السعر الثابت
*ثانيا : احنا اكيد مع تغير السعار المنطقيه (بالزياده و النقصان ) تبعا لمتغيرات السوق و لكن ممكن سيادتك يا عالم يا مبجل تقولي ايه اللي تغير في سوقنا منذ مطلع العام الي الان اللهم الا قلة المبيعات و طرح عدد اكبر من الموديلات و هذه النقطه اثرت بالسلب فقط علي الماركات الضغيفه بينما حافظت الاسماء القويه علي مكانتها
*ثالثا : لو تغيرت الاسعار بالانخفاض الفعلي الفتره السابقه علي اغلب الموديلات بماذا تفسر اذا زيادة سعر التيجو؟ فهل التيجو فئه اخري ان انها خرجت عن التصنيف المحلي
* رابعا : احب انوه لحضرتك ان اللانوس اللي سيادتك بتقول عليها غبيه دي كانت من انتاج ابو الفتوح نفسه حتي نهايات عام 2009 قبل بيع خطوط الانتاج لشيفروليه بمعني ان تذبذب سعرها كان ايضا تابع لسياسة نفس الشركه و هي ابو الفتوح و علي الرغم من هذا فان اللانوس عمرها ما تم تخفيض سعرها 5000 جنيه مره واحده و هي من افضل السيارات في السوق المصري التي تحافظ لصاحبها علي استثماره

و نهاية اشكرك علي مداخلتك و لكن برجاء اطرح وجهة نظرك بدون تجريح او كلام فيه نوع من انواع التعدي و شكرا

**bedoo100** · 03-07-2010 10:35 PM

المشاركة الأصلية كتبت بواسطة madamada2070

على فكره مش ابو الفتوح بس اللي عمل تخفيض ده كمان البافاريه منزله في عربيتها من 10 الى 12 الف

اتفق معك تماما و هي نفس السياسه الفاشله للتسعير و التسويق و عدم القدره علي اثبات الكفاءه و الانتشار اللهم الا بالسعر المنخفض
علي فكره انا فاكر اوا ما طرحوا ال frv كانت ب 59900 و كان الحجز عليها كبير و بدأت السياره تنشر و لكن مع زيادة سعرها ووصول ثمنها ل 85000 و ظهور مشاكلها و اعراض الناس عنها بدأت البافاريه تحذو نفس الحذو و تخفض الاسعار بقسوه وده اللي احنا بنقولوا طيب ليه من الاول ما تخلوا السعر معقول و ثابت لفترات طويله مدام مفيش اي اسباب مؤثره علي اسعار السيارات و لا هوه افتراء و اول العربيه ما تتحجز شويه نلحق نرفع السعر و اول ما المبيعات تقل و المشاكل تظهر نلحق نخفض السعر و نخسر الملاك فلوس فوق خسارتهم من تدني اسعار اعادة البيع و لا ايه؟