الحمد لله امبارح رحت شفتها فى التوكيل ع الصحراوى
وكمان عملتلها تست درايف على طول
المكان كان فاضى وكان فيه واحد تانى بيتفرج
العربيه تحفهههههه بكل ماتحمله الكلمه من معنى
كماليات بدون حصر
اداء وتسارع مرضى جدآ جدا
الملاحظتين اللى طلعت بيهم (العيوب)
-صوت الموتور مسموع بشكل ملحوظ!!
-الشنطه تقيله جدا جدا (صاجها فعلآ محمل) لدرجة انك لازم ترزعها عشان تتقفل
من ملاحظاتى
-لا يوجد عجله احتياطى خالص!! عاملين نظام جديد لآصلاح العجله ف 5 دقايق بماده جديده وكومبيسور موجود فى العربيه
-الكابوت عريض جدا جدا,, لما تفتحه تحس انك فاتح عربيه نقل...وهو بالمناسبه على اذرع هيدروليكى مش محتاج ترفعه بأيدك
-يوجد 8 ايرباج + 2 كمان فى اجناب الكرسيين الاماميين نفسهم
-الشنطه مش كبيره قوى (شنطة الباسات اكبر)
-الكونسول برضه مش قد كده ..لكنه مرضى
-يوجد فتحات تكييف للجالسين ورا موجوده فى القوايم
ان شاء الله هاشتريها فى ابريل او مايو ان شاء الرحمن وكان لنا عمر
المفضلات