الموضوع: استشاره بخصوص فيات ريجاتا

انا معايا فيات ريجاتا Regata 70 موديل 84
1300 سى سى ايطالى
العربيه دى غريبه من ساعه ما جبتها و كل ما اروح اشترى قطعه غيار اقول للراجل عربيه ريجاتا و لما اروح بيها للميكانيكى يقولى لا مش هى قوله عاوز بتاع ال 128
دى طبعا حاجه مش وحشه لان قطع غيار ال 128 ارخص
المهم انا عاوز اغير الفتيس
بس مش عارف فتيس ايه اللى يركب عندى و اجيبه منين
انا مش عاوز فتيس ال 128 انا عاوز فتيس يكون مريح يعنى مثلا فتيس التمبرا يركب عندى ولا لأ
و لو هيركب اشتريه منين و بكام
معلش انا طولت عليكم بس انا عارف ان هنا احسن مكان ممكن اسال فيه

انت لو بتشتكى من الحكاية دى عندك الكيلانى او محمد يوسف قطع غيار فيات ايطالى كمان
لو جيبت من عنده حاجة و الميكانيكى قالك لا يبقى هوة اللى ميستسهل و مش قد كده سورى يعنى
تانى حاجة فتيس الريجاتا جميل يا باشا لو تاعبك هات استيراد و يكون واحد نضيف اللفيهات بتاعته تمام مش متكسرة ولا معضعضة
و تاخده من الراجل على ضمان تجربة تمشى بيه شهر ولا حاجة و تاخدلك فيه سفريتين تشوف الاخبار معاك ايه