+1
عرض للطباعة
أنا عملت حوادث كتييير هاحكيلكوا على أول و أكبر حادثتين
أول حادثة كانت من 6 سنين تقريبا, كنت متعلم سواقة بقالى شهرين و بأخد عربية الوالد (أوبل فيكترا 2001) و هو نايم بليل
فى يوم كنت ماشى على 100 تقريبا فى شارع كبير شوية (شارع البحر فى طنطا) و فجأة طلع فى دماغى أخش شارع يمين, كسرت الدركسيون على أخره و العربية زحفت لحد ما دخلت فى الرصيف, مش عايز أقولكوا العربية حصلها اية على السرعة دى!
المهم العربية غيرت عفشة أمامية كاملة تقريبا و لحد النهاردة مارجعتش زى الأول
الدروس المستفادة: ما تتغرش بنفسك خصوصا لو لسة جديد فى السواقة
أكبر حادثة : بعربيتى الفيات بونتو 2008, من 8 شهور تقريبا, على كورنيش الاسكندرية ناحية كامب شيزار, كنت ماشى على 100 تقريبا بس بتهور و غرز و كدة علشان كنت بسابق مع عربيتن بتوع أصحابى, كنت اتغريت فى نفسى شوية علشان ماعمتش حادثة لمدة 3 سنين متواصل رغم تهورى الشديد فى السواقة (جالى احساس داخلى انى أصبحت متمكن تماما)
المهم و أنا بعدى بين عربيتين , اللى على يمينى حدف عليا و خبطنى, خلانى أخبط اللى على شمالى و بعدين العربية عومت بشكل غرييييب و دخلت بوشها فى الجزيرة اللى فى النص
غيرت قطع غيار كتير غالية و لسة بغير قطع لحد دلوقتى
الدروس المستفادة: 1-مهما سوقت مش هاتقدر تتفادى أخطاء غيرك
2- حزام الأمان مهم جدا, لأنى لو ما كنتش لابسه كان زمان رأسى رشأت جامد فى الازاز
3-أمن على العربية
4-الحادثة بتحصل على أى سرعة
5- ركب عفشة سبور لو عايز تجرى بالعربية:ma:
انا بقا عملت حدثه عجيبه كرهتني في السواقه وخسرت كتير
المهم بليل واحنا في الشغل معايه اصحابي قعدين نهزر وعادي جدآآ
والحياه كانت حلوه المهم قولت لي اصحابي الي شغلين معايه تعالوه اوصلكم معايه بي العربيه انتم في طريقي
المهم ملحقتش اقطع بتاع 15 كيلو وقبل كوبري الشيرتون العربيه جت شمال وكنت ماشي بسرعه مكنتش فاكر كام ساعت القدر يعمي البصر المهم العربيه حدفت شمال تقنها رفعت حصان ورجعت لي مسارها الطبيعي لقيت صحبي الي جمبي الي اصر ميقعدش واره ويقعد هو جمبي لقيته بيقولي الله الله في ايه بقوله معرفش العربيه حدفت لي وحدها فا قولت ليه شكل في زيت او جاز وبعد ثنيه او ثنيتين مره وحده العربيه بتروح يمن وشمال انا مكنتش عايز اضرب فرامل كنت عايز اهدي بس صحبي قالي واقف العربيه اتخض جامد فا خضني ويارتني ما ضربت فرامل العربيه لفت ومشيت بي العرض عملتنا خلاط جوه المهم العربيه دخلت في عمودين صلب مش عمودين اناره لا عمودين الي بيبقو شيلن اليفط الكبيره الي بتكون اليفط في نصف الطريق من فوق طلعت الرصيف واترزعت محستش بعد كده بحاجه وشوف ياجماعه سبحان الله العمود نحيتي بس العربيه لفت ولعمود جيه من النحيه الي جمبي الي اصر يقعد جمبي المهم بس طبعآ العربيه دخلت بي عزمها في العمود في العمود وصل لغايه عندي محستش بي حاجه عيني مفتوحه ومش سامع حاجه وشايف كل حاجه بتعدي امام عيني انا كنت متخانق معاهم في البيت هموت وهما غضبنين عليا انا كل حياتي زنوب هموت ازاي كده ومعرفش احنا خرجنا ازاي شويه ولقيت نفسي نايم علي الارض وناس عماله تقول الاسعاف فين محدش جيه ليه انا سمعت كده لما فوقت اتخضيت اكتر وشفت منظر القميص كله دم وبقي ومنخيري عمالين ينزله في دم اترعبت جدآ فا قمت وقفت لقيت واحد اعرفه كان رايح الشغل لقيته بيقولي متخفش مافيش حاجه انتا سليم قولت ليه بس دماغي وجعاني اوووي وبحط ايدي علي دماغي من كبر الورم بتاع الخبطه حسس ان دماغي اتكسرت اترعبت تاني وعمال بقا سوري في الفظ ارمي دم من فمي كتير وخلاص قرب يخنقني والناس تقول ازاي الاسعاف مجتش لغايه دلوقتي وصحبي الي جمبي طلعوه سمعه عمال يقول اه اه وانا عايز اقوم علشان احس اني سليم مفياش حاجه والناس تصر علي اني انام علي ظهري المهم والناس خرجه زميلي الاثنين من الزجاج الخلفي لي ان العربيه اتنين باب المهم واحد جلي اتريه صحبي وكان عمال يفكرني بنفسه لما رجعت الشغل اقوله هو انتا قالي اه انا الي طلعناك من العربيه قالي كنا ركبين الاتوبيس ومره وحده سواق الاتوبيس قال طلعه الناس الي في العربيه قبل ما تولع قالي سعتها العربيه نزلت بنزي كتير وبيقولي واحنا ريحين معتقدين انكم ميتن كله في حاله سكون قالي فتحنا الباب بتاعك بي حديده وكنا بنكسر في العربيه علشان نقدر نطلعكم المهم تقرير المستشفي المبدئي شرخ في المخ وارتجاج :majd(4): كله اترعب خلاص انا كده ي اعداد الموت بعديوم من جزي وانا بأخذ علاج الارتجاج الحقن الي تصدع والمسكنات كنت بفرفر المهم جيه دكتور استاذ اطلع علي الاشاعه قال هو مافيش شرخ هو كل الموجود ارتجاج وتعويره من جوه في العظم هتلم مع نفسها هيا كنت سبب النزيف
ومن سعتها خسرت معشوقتي البي ام اي نعم هيا موديل قديم بس انا من عشاق البي ام دبيلو وكانت معايه بي ام دبليو 316 موديل 82 كان متورها حالته جمده جدآآآ فوق الممتاز دلوقتي ركبوني 28 بي العفيه ومبركبهاش لي ان مش متعود علي العربيات دي ولي الاسف عرضتها لي البيع قولت مركبش غي الماني دلوقتي لما بخد عربيه خالي الشاهين بمشي اقصي شيئ علي 80 بقيت حاسس ان ال80 سرعه قصوي
وانا جبت بعض صور من اصدقائي الي صوره العربيه ساعت الحادث الأليم وفي صور انا منزلها بعد ما خرجت من المستشفي صورت المرحومه في ساحه الحوادث مشفتش زيها
الاضرار
1- إصابتي طبعآ
2- صحبي الي جمبي ركب مسمار في قدمه
3- فقدان المرحوه بعد شهرين من شرائها ( الحمد الله)
4- الاتنين الي في الخلف تمام الحمد الله
ودي صورتين خدتهم من زميلي صورهم ساعت الحادث خدتها منه لما رجعت الشغل من ثاني
http://www10.0zz0.com/2010/07/20/02/117728881.jpg
http://www4.0zz0.com/2010/07/20/02/874882512.jpg
ودي بقيه الصور انا كنت مصورها بعد الحادث الأليم ده صورتها بعد خروجي من المستشفي وكنت منزلها في صور سيارات الاعضاء
http://www.nilemotors.net/Nile/153075-a.html
المشكله اني مجبر مجبر اعدي من نفس مكان الحادث بعد الشغل وانا رايح الشغل واحد صحبي ساكن قريب مني في الشغل فا بيقولي استني اوصلك قولت ليه لا انا رايح مشوار خايف لا يجري ويكون مش واخد دروس مستفاده انا بمشي في الطريق ده علي 60 لغايه ما اعدي مكان الحادث اصله له في دماغي ولسه حاسس بي كل كلمه قولتها ربنا يحفظنا من هذا الحوادث اللهم استرها علينا في الدنيا والأخره
Wassof باشا
حمد لله على سلامتك انت واللي معاك
ربنا يستر علينا بجد
:dzey:ياباشا احكي ايه بس !!!! بعد الحوادث دي انا حاسس ان الحوادث اللي عملتها كانت هزار:shyy:
وعموما انا كل حادثة عملتها كان عليا نسبة غلط فيها
مرة بابص في الموبايل وفي ثانية سمعت فرامل جامدة قدامي !!! انا اوتوماتيك رحت كابس فرامل عالآخر من قبل مابص في ايه قدامي ومالحقتش وللأسف اللي قدامي كان نص نقل :khd:وطبعا التمانياية المشهورة بتاعة الكبوت ووش العربية فوانيس وشبكة وصدر العربية رحل لورا بسيط وكانت عربية امريكاني الحمد لله ماجاتشي في البسكوت الجديد
طبعا الموبايل السبب الرئيسي في الحادثة دي و والله ياجماعة البصة في الموبايل دي ماخدتشي ثانية والموضوع كله حصل في ثانيتين مثلا
ربنا يسترها معانا..... هي السرعة يا جمااااااااااااااااااااااا اااااااااااااعة
الحمد لله على كل شىء
حاجة كمان ياريت كل الناس تعملها أول ما تركب عربيتها تقول:-
بسم الله- سبحان الذي سخر لنا هذا و ما كنا له مقرنين وإنا إلي ربنا لمنقلبون-
الحمد لله الحمد لله الحمد لله- الله أكبر الله أكبر الله أكبر - ربي إني ظلمت نفسي فإغفر لي فإنه لا يغفر الذنوب إلا أنت.
وبإذن الله والله هاتحميك من كل شر طول الطريق.