الموضوع: حوادث و نصائح ( تجارب حقيقية )

هكون اول المشاركين في الموضوع ده لانه عجبني بصراحة. الحادثة اولا مكنتش بعربيتي كانت بعربية شغل ومكنتش انا اللي سايق ( سواق باكستاني وانا جنبه وصاحبي ورا ) علي طريق بيسموه مدق داخل الصحرا اللي حصل ان السواق كان بيشرب سيجارة وبيطفيها تحت رجله جوا العربية العربية انحرفت من مسارها فعشان يعدلها اعدت يجيبها يمين وشمال بس ربنا اراد اللي حصل. العربية اتقلب حوالي 5 او 6 قلبات ( وانا واعي جداااااااااااااااا باللي بيحصل وكنت شايف كل حاجة كانه فيلم بتفرج عليه) بس لولا ستر ربنا ثم حزام الامان مطلعتش برا العربية صاحبي والسواق اتنطرو برا العربية . بعد مالعربية وقفت وثبتت( علي العجل ) نزلت ومش فاكر نزلت من الباب ولا الشباك بصراحة . المهم اعد ادور علي الناس ( الدنيا كانت ضلمة جدا ( صحرا وتخيلو المنظر الساعة 10 بالليل ) ملقتش حد في العربية اعدت ادور جوا العربية وتحتها لحد مالقيت صاحبي نايم تحتها وعمال يكلمني بس مكنتش سامعه من صوت الموتور ودوشة السير والخبط اللي حصل بعد الخبطة. اتطمنت عليه وبدور عالسواق مش لاقيه. بعد البحث لاحظت ان في حاجة متكومة بعيد علي بعد حوالي 20 متر ونتغطية روحت جريت عليه لقيته بيطلع فالروح ( الله يرحمه ). اتصلت بالاسعاف ورجعت لصاحبي لقيته عمال يتشاهد ويقولي متسبنيش متسبنيش المهم الاسعاف جت ( كانو خايفين يقربو من جثة السواق في الضلمة ) شالو صاحبي وودوه مستشفي وطلع عنده كسر في العمود الفقري وفتح كبير في دماغه ودراعه. وبعد كدة اكتشفت ان انا نفسي دراعي اليمين مفتوح من كوعي ومكنتش واخد بالي ( ازاز العربية اتكسر علي دراعي وهي بتتقلب ) المهم . بعد كدة عرفنا ان العربية نزلت علي دهر صحبي لان لقينا كدمة كبيرة اوي في اسفل دهره وجرح كبير ( جزي من اللحم متشال خالص والفقرة اللي تحته مكسورة . بس الحمد لله دلوقتي بقي احسن واتجوز وربنا هيرزقه بطفل ان شاء الله. دلوقتي بمشي بالعربية مقلق من اي حاجة لان فعلا الحادثة بتحصل في ثانية ( وعلي فكرة مكناش ماشيين بسرعة خااااااااااااااااااالص بس النصيب بقي والحمد لله

الحمد لله عمري ما عملت حادثه كبيره ودا نعمه وفضل من عند ربنا
وربنا يكفينا ويكفيكم شر الحوادث
هحكيلكم على اكبر حادثه شهدتها كانت في عربيه صاحبي لانسر كريستاله وكان بيظبط زوايا في البنزينه وطالع يجربها وقاعد جنبه بتاع الزوايا وانا في الكنبه ،بعدين الراجل كان عمال يلف الدركسيون يمين وشمال خفيف (وصاحبي اللي سايق) وكان في بلاعه على الطريق المفروض اللي يفاديها اللي سايق وهو جه يجيب الدركسيون شمال لقى الراجل بيجيبهوله يمين (غباء) راح خابط في شجره على جنب الطريق
والعربيه كانت متخرشمه طبعاً ....

انا اول مرة اعمل فيها حادثة كنت فى القاهرة الجديدة وماشى فى شارع فاضى وكنت على 120 ولسة بدوس فرامل لاقيت العربية عرضت منى بس ربنا ستر لانى كنت راكب اوبل فكانت ثابتة شوية على الارض والحمد لله ان مافيش حد جاى من ورايا
وبامانة عن تجربة انا كنت فاكر ان متعة القيادة فى السرعة والغرز واللعب بالعربية بس اكتشفت ان المتعة الحقيقية انك توصل بيتك لاولادك وعيلتك سليم وصحتك دى لوحدها بالدنيا
وياريت نبقى حاطين قدام عينينا اهلنا لما يعرفوا خبر ان ليهم ابن مات فى حادثة والهى كل واحد هايبقى ماشى على الطريق بحرص

عملت حادثة كنت واخد ملف على 70 80 فى صينية كبيرة بس ضيقة جدا اللى قدام تيفولى مصر الجديدة كانت بليل حتى اى واحد من المنطقة دية ممكنيكون شافنى ساعتها لان ناس كتير اتلمت انا بلف على السرعة دية وواثق من عربيتى جدا بالمناسبة هى كورولا 2007 على العموم و اغانى بقى عالية و الواحد سخنان على الاخر بس بردة يعنى خايف شوية قلت اشطة ياعدى يا لا بس مكنش فية حاجة تعوق يعنى بس عربيات راكنة يمين و شمال و انا ماشى فى وسطها بلف بسرعة و ليا حيذ واسع حلو يعنى للعربية لو انحرفت مش دية المشكلة بقى المشكلة انة ملف فهتشوف كل حاجة لو انتا مركز معادا الارض و انا حافظ ارض منطقفتنا نضيفة جدا و مهتمين بيها الكبار كلهم ساكنين قريب على العموم الاقى يا معلم بواب بيرش بليل مية قدام العمارة المية راحت نزلت على الشارع فى اخر الملف بقى خالص العربية راحت داخلة فى المية بعد ما فرملت بثانية ولا اتنين بزبط راح عزم العربية كلة اللى كان لافف لاقيتة بياخدنى ناحية العمارة و المياة اللى كانت مغرقة الشارع عومت العربية وشها جية ناحية العربيات الراكنة دريكسيون على الاخر فرامل حبة حبة مفيش كنت قريب من العربيات لبست طلعت عربية فورد مونديو موديل 2000 كانت راكنة قبل الرصيف بمتر و نصف و بعد الرصيف بنصف متر كان فية شجرة من كتر ما خبطها طلعت فوق لرصيف قبل الشجر بتلات صوابع كدة ولا حاجة فرق و محصلهاش غير خدش فى الدهان طبعا الكورولا تعيش انتا عملنلها عملية تجميل من قدام كنت مروح بيها بشب علشان اشوف الطريق من كتر ما كان البوت مطبق العربية كان منظرها وحش اوى من الخبطة و العربية التانية محلصهاش حاجة يعنى اليوم الوحيد و المرة الوحيدة اللى افكر افك فيها عن نفسى شوية يطلعلى بواب ابن ستين .... بيرش مياة قدام عمررتة علشان يطرب عن نفسة و يلبس العربيات و يعومها طبعا يا فكيك ولا شفتة واقف كنت بدور علية كنت هقتلة اصلا لو شفتة علشان التصرف الهمجى مكنتش عربيتى عموما كانت عربية والدتى و دخلتها التامين تانى يوم و طلعت اتكلفت بتاع 11 الف جنية للحادثة بس ربنا يحمينا جميعا