الموضوع: السجاير غليت يا رجالة ....

ما المصيبة ان المدخن لما بيتقدم فى السن و يكبر و صحته متقدرش تقاوم التدخين و زى ما قال احد الاعضاء ( التبطيل مش هينفعه ) ساعتها زى ما اقنع نفسه ان التدخين ادمان هيقنع نفسه انها مش ادمان و هيبطلها تانى يوم .

اللى عايز يدخن يدخن هو حر بس مسلسل " نفسي ابطل " ده بصراحة مسلسل فاشل ملهوش ابطال .

مادام الشخص مش مقتنع بشيء فعمره ما هيعمله .

يعنى اللى مش بيصلى ده مدمن عدم صلاة ! عنده مرض عدم صلاة ؟ ما برده نفس الشخص بيقول نفس كلام المدخن .

كل يوم يقول نفسي اصلى نفسي اصلى و يقول من اول بكره هصلى و مبيحصلش .

فالبنى ادم هو اللى بيوهم نفسه علشان ينفذ رغباته و يكون مقتنع انها صح او هو ملوش ذنب .

يا رب السجائر ترخص تانى علشان محدش مزاجه يتعكر و دمتم .

المشاركة الأصلية كتبت بواسطة terrible_darsh

ما المصيبة ان المدخن لما بيتقدم فى السن و يكبر و صحته متقدرش تقاوم التدخين و زى ما قال احد الاعضاء ( التبطيل مش هينفعه ) ساعتها زى ما اقنع نفسه ان التدخين ادمان هيقنع نفسه انها مش ادمان و هيبطلها تانى يوم .

اللى عايز يدخن يدخن هو حر بس مسلسل " نفسي ابطل " ده بصراحة مسلسل فاشل ملهوش ابطال .

مادام الشخص مش مقتنع بشيء فعمره ما هيعمله .

يعنى اللى مش بيصلى ده مدمن عدم صلاة ! عنده مرض عدم صلاة ؟ ما برده نفس الشخص بيقول نفس كلام المدخن .

كل يوم يقول نفسي اصلى نفسي اصلى و يقول من اول بكره هصلى و مبيحصلش .

فالبنى ادم هو اللى بيوهم نفسه علشان ينفذ رغباته و يكون مقتنع انها صح او هو ملوش ذنب .

يا رب السجائر ترخص تانى علشان محدش مزاجه يتعكر و دمتم .

المشكله مش فى تبطيل السجاير ولا غيره

المشكله فى المناخ العام

اللى أنت شايفه مسيطر علينا فى كل الأتجاهات

كل ماتبص حواليك

تلاقى أفعال تحرق الدم

وبكده بتقتنع من داخلك أنك زهقان

وأديها سيجاره

___________________

المهم

اللى مش بيدخن .....يحمد ربنا على نعمته عليه

واللى بيدخن ( زى حلاتى ) ربنا يهديه ويهديله نفسه وأعصابه

ويفكر فى الأقلاع عنها

________________________________


أما كل القصص والأفلام بتاعة حرام وحلال

والشيخ قال والشيخ مقالش

فكلنا عارفينها وحافظينها

ولا نخاف من لوم أى واحد من البشر

والا مكناش قولنا إننا مدخنين

_____________________

أذا كنا عارفين أن ربنا شايفنا وأحنا بندخن

يبقى حنعمل حساب لأى مخلوق على وجه الأرض

___________________________

ملناش ملجأ غير الله

وياريتها كانت على السجاير

كان حالنا غير الحال

ومش عاوز ألغبط فى الحلل عن كده

أصل المواضيع كتير والسلبيات كتير

_________________________

وليست الأمور بالمظاهر والسبح ونظام الحاج : ناجى

زى فيلم ( كراكون فى الشارع )

وأنما الأيمان ماوقر فى القلب وصدقه العمل


________________________


فيا.............فرحتى بواحد مربى دقنه مترين وآخر حلاوه

وموظف وبياخد مرتب بدون مايحلله

وشوف مدرسين الثانويه العامه

وإللى عاملينه فينا

وعلى رأى أم كلثوم

أأقولك أيه عن الشوق ياحبيبى

___________________

عن نفسى بأشتغل وأخد مرتبى

علشان أديه للمدرسين

علشان يكرشوا كمان وكمان

ويشيلوا أرصده فى بنوك الحياه

وهم أغبياء

لا يشيلون أرصده فى بنوك الآخره

__________________

وغيره وغيره

حاجه تحرق الدم بصحيح

على فكرة انا مجبتش سيرة الدين ولا حلال و لا حرام و لا جبت سيرة شيخ واحد حتى .

لان الدين معروف و كل واحد عارف الحلال من الحرام مش انا اللى هعرفه .

و لكن بس اللى مش عايز يبطل تدخين يقول انا مش هبطل او يدخن من غير ما يقول عايز ابطل !

اصل الواحد يقول عايز ابطل و تقول له على نصيحة ميسمعهاش ولا ينفذها و بعد كده يقول عايز ابطل محتاج نصيحة و تقوله على نصيحة تانية تلاقيه بيعارض كلامك و برده يتجاهل النصيحة .

عايز تدخن دخن برررررررررراحتك لك كامل الحرية بس متقولش عايز ابطل مادام انت مقتنع بكده , الكلام بوجه عام مش مخصص لحد و ربنا يهدى الجميع .

عايز تدخن دخن برررررررررراحتك لك كامل الحرية بس متقولش عايز ابطل مادام انت مقتنع بكده , الكلام بوجه عام مش مخصص لحد و ربنا يهدى الجميع .

أنا حسألك سؤال

أنت بدخن ولا لا ..........؟

_________________

لو لا

يبقى خليك بعيد عن موضوع المدخنين أفضل

لأنك حتلاقى جوه التوبيك ده دخان

وغلط عليك

علشان صحتك

وربنا معانا

وعارف نوايانا