اكسنت اوتو ولا النترا مانيوال؟؟؟

**ash257** · 02-07-2010 11:16 PM

أنا كنت حاجز في معرض فورميلا الأكسنت سبورت أوتوماتك ب90400 وبعدين لما سمعت كلام الناس اللي اشترت الالنترا والناس اللي خوفتني من الاكسنت قولت طيب اغير للألنترا في العرض هاتكون مانيوال ب 89900 ومش هايفرق كتير المانيوال والاوتو معايا بس طبعا الاوتو اريح المهم خليت ناس تسألي على الالنترا (عشان مسافر حاليا وراجع يوم 15) قالولي ان العرض على 2010 ومافيش خلاص 2010 خلصت الظاهر ان العرض كان عمله غبور عشان يخلص من بواقي الموديل القديم وممكن فعلا يغلي ثمنها 2011 عبيط ويعملها
المهم عشان ماطولش عليكم أنا حاليا بافكر ازنق نفسي شوية واغير الحجز لالنترا 2011 (اللون البتنجاني لأنو عاجبني وعاجب الأولاد قوي) بس بفكر بدل الزنقة الغي العرض واشتري من أي معرض زي سمير ريان أو أي حد يدي خصم الف ولا الفين على ثمنها
السؤال بقى .. هل اغير تفكيري من اكسنت اوتوماتيك لالنترا مانيوال ولا اخليني في الاكسنت؟؟؟
طيب في حالة اني انوي على الالنترا اشتري من التوكيل وازنق نفسي شوية واحرم الولاد من المصيف السنة دي ولا أجيب من معرض برة يكون اقل شوية ويديني سعر كويس؟؟؟؟
آسف على الاطالة بس محتاج رأيكم

**just_magdy1** · 02-07-2010 11:54 PM

اكيد الالنترا مانيوال ... فرق كبير ... ولو عايز الاتوماتيك ممكن تجيبها 2010 كسر زيرو ... ربنا يوفقك

**dr_abooody** · 03-07-2010 01:02 AM

الالنترا حتى لو مانيوال احلى بكتير فرق السما من العما من الاكسنت و احلى من السيراتو الجديدة

ممكن تجبها اي معرض موديل 2010 هتلاقي عندهم اكيد
شوف توكيل ابو غالي اللي موجود في مكرم عبيد مدينة نصر
او شوف سمير ريان
ناس محترمة و بيعملوا خصم

**ash257** · 06-07-2010 11:39 PM

دلوقتي يا جماعة انا اقتنعت بكلامكم وعايز الغي حجز النيو أكسنت وهاشتري النترا مانيوال يا ترى اشتري من التوكيل ولا من معرض زي سمير ريان مع العلم ان المعرض هايعملي خصم 1000 جنية وكمان هايطلع معايا واحد يرخصلي
وهل عادي الغي حجز العربية من التوكيل؟؟؟؟