اقتباس:
المشاركة الأصلية كتبت بواسطة أبو عبدالله
أولا مبارك عليك التصليح يا سليم
بس 250 جنيه ليه ان شاء الله
انا اروح اشتري مراية جديده اكرملي
انا مبحبش الأستعباط بصراحه
قبل كده برضه دلاية العربية وقعت مني روحت للمصري اليابانية في الحرفيين فلقيته بيقولي 150 جنيه
اصلها اصلي وجايه من اليابان
قولتله يعني اللي بتتباع في التوكيل مش جايه من اليابان
قالي التوكيل فيما معناه ان حاجاته مش اصلي
طبعا كتمت في قلبي قولتله ماشي وخليها تخلل عندك
وروحت جايب واحده جديده من التوكيل بــ 190جنيه على ما اتذكر
طبعا 250 في المراية لحام بس او 130 الأتنين كتير
وعلى فكره انا عاوز اقولك على حاجه
المراية اليمين عندي كانت اتكسرت من كام سنة
وايامها كانت المراية كلها على بعضها بــ 550 جنيه
ومكنتش العدسة بتتباع لوحدها ايامها برضه
المهم انا كنت محتاج العدسة لأنها اتدشت مليون حته
امام البودي بتاع المراية فكان اتكسر من جوه
طبعا بعد ما جبت المراية الجديده
قولت بقه نشتغل في القديمة
فكيتها ولحمتها بلاصق هولندي بيتباع في كل حته عامل زي الأمير بس انضف منه
وتركت المراية فتره
وبعد كده ماشاء الله شغاله دلوقتي زي الفل والله ولكن مركونة بس جربتها كذا مره وضغطت عليها والله ماشاء الله ميه ميه
القصد من الكلام ده
ان الجسم بتاع المراية ده ممكن لو اتلزق بأمير بس كويس واتضغط عغليه كويس هيمسك افضل من شغل اللحام ومن 130 جنيه
بجد الصنايعيه دول بيستهبلوا
انا فعلا هفكر جديا افتح ورشة ههههه
أكيد الصنايعية بيستهبلوا,
أنا لما قالي السعر دخلت فيه قلتله لييييييه يا عم الحاج هو إنت هاتلحمها ليزر؟؟؟
ماردتش أكتَّر علشان صاحبي هو اللي موديني,
قالي ده هي مش موجودة ولو دورت عليها مش هتلاقيها,
قلتله موجودة عند كذا وكذا في الحرفين وموجودة توكيل,
راح قالك أنا لقيتها ب700 جنيه قلتله مفيش الكلام ده الجديدة في حدود 500 و العادية في حدود 300 راح سكت,
ابتدى في نغمة من غير فلوس خالص وخلي عنك يا باشا والكلام اللي بالكم فيه ده. هو غالبا ملاحمش هو صب الحتة اللي اكنت ناقصة على الحتة اللي كانت موجودة..تقريبا..
بس إنت افتح يابو عبدالله ومالكش دعوة..ولييك عليَّ أجيب كام واد يوزعلك إعلانات في الإشارات زي حضرموت كده..هاهاهاها...:hlopaet_prv: