عضة في الأول و الثاني

**MOK3336** · 03-07-2010 03:31 AM

يا رجاله انا حصلتلي حاجة غريبة جدا
الغيار الأول بيتاخد عادي جدا لما العربية تكون واقفه لكن لما أمشي بيها خطوتين و أدي الغيار الثاني بلاقي الغيار الثاني بيعض معايا

و أنا علي أى غيار و عاوز انزل للغيار الأول الغيار الأول بيعض جامد جدا و مش بيرضي يعشق علي طول

تاني عشان الحبايب
....* الغيارات ايلي بتعض هي الأول و الثاني
- الغيار الأول لما بكون ماشي و عاوز أنزل عليه بيعض لكن لو العربية واقفة بيتاخد عادي
- الغيار الثاني بيتاخد بس بيعض برضة بس مش بنفس درجة عض الغيار الأول
ملاحظات
1- بدوس دبرياج للأخر
2- باقي الغيارات ببتاخد عادي جدا
3- المشكلة دي مكنتش موجوده قبل كده
4- في التوكيل هيخدوا فلوس ولا ده تبع الضمان ؟؟؟
5- ياريت الرد بسرعة عشان انا قلقان جدا علي العربية

**Bishoy.Girgis** · 03-07-2010 11:26 AM

روح علي التوكيل علي طول و حل المشكلة هناك و ان شاء الله تكون بسيطة

**tigerman** · 03-07-2010 12:26 PM

حسب كلام مسئول الضمان فى الشركه فهو بيبلغك ان المشكلة دى تبع الضمان

**MOK3336** · 03-07-2010 03:27 PM

شكرا يا largeman
وانا فعلا هروح التوكيل و ربنا يسهل و هبلغكم بالجديد لما أروح

يا tigerman
انت متأكد أنا خايف يقولولي ده عيب إستخدام ولا حاجة
ده اساسا العربية مكملتش 2000 ك

**tigerman** · 03-07-2010 03:51 PM

انا كلامى قايلة بعد مسئلت مهندس الضمان كريم اسامه وعلى العموم لو جيت فى اى وقت هوة حيكشفلك عليها ويشوف السبب
وباذن الله يبقى الموضوع بسيط

**MOK3336** · 03-07-2010 06:41 PM

يا رجالة انا سئلت ميكانيكي و جرب العربية قالي مفيهاش اى حاجة
و قالي أن الأول ده عشان يحرك العربية مش أكتر و لو عاوز تنقل علي الأول و أنت ماشي يبقي لازم سرعتك تكون بطيئة خالص عشان يقبل معاك من غير عض
و جرب كل الغيارات علي الواقف لقاها تمام قالي مفيهاش اى مشكلة انت لازم عشان تنزل علي الغيار الأول تكون ماشي بسرعة مناسبة للغيار الأول
أنتم إية رأيكم

**aiman0173** · 03-07-2010 11:41 PM

المشاركة الأصلية كتبت بواسطة mok3336

يا رجالة انا سئلت ميكانيكي و جرب العربية قالي مفيهاش اى حاجة
و قالي أن الأول ده عشان يحرك العربية مش أكتر و لو عاوز تنقل علي الأول و أنت ماشي يبقي لازم سرعتك تكون بطيئة خالص عشان يقبل معاك من غير عض
و جرب كل الغيارات علي الواقف لقاها تمام قالي مفيهاش اى مشكلة انت لازم عشان تنزل علي الغيار الأول تكون ماشي بسرعة مناسبة للغيار الأول
أنتم إية رأيكم

كلام صحيح 100% وبعدين يا راجل انت عايز تنزل من غيار عالي لللأول (والعربية ماشية) ويجي معاك بسهولة وبعدين قولي انت هتعمل كده ليه انت المفروض لما بتنزل من غيار عالي لغيار أقل بتنزل للغيار المناسب للسرعة اللي انت نزلتلها مش للأول !!!!!!! والله أعلم

**MOK3336** · 04-07-2010 06:13 PM

يا جماعة أنا أطمنت شوية من كلامكم و كمان من كلام أثنين صحابي
قالولي نفس كلام الميكانيكي
ان عشان تنزل للأول لازم تكون العربية ماشية بطيىء بسرعة تناسب سرعة الغيار الأول
و قالولي كمان ان لو الفتيس في حاجة كنت مش هتعرف تدى الاول لو العيب فيه اصلا سواء العربية واقفة او ماشية لكن انت عندك بيدى الاول عادى جدا و العربية واقفة او ماشية بسرعة بطيئة
و قالولي كمان ان الاول ده وظيفته انك تحرك العربية من السكون مش اكتر يعنى مش بتاع مشي اساسا و انت كمان ممكن بدال ما تطلع علي الاول ممكن تطلع علي الثانى بس ظبط رجلك علي الدبرياج عشان متبطلش
و عربيتك زى الفل و مفيهاش الهوى و متفتحش في حاجة مش محتاجة ان يتلعب فيها عشان هى اساسا مفيهاش حاجة

أنا بصراحة مقتنع أنتم إية رأيكم

**khela** · 04-07-2010 06:41 PM

المشاركة الأصلية كتبت بواسطة mok3336

يا رجالة انا سئلت ميكانيكي و جرب العربية قالي مفيهاش اى حاجة
و قالي أن الأول ده عشان يحرك العربية مش أكتر و لو عاوز تنقل علي الأول و أنت ماشي يبقي لازم سرعتك تكون بطيئة خالص عشان يقبل معاك من غير عض
و جرب كل الغيارات علي الواقف لقاها تمام قالي مفيهاش اى مشكلة انت لازم عشان تنزل علي الغيار الأول تكون ماشي بسرعة مناسبة للغيار الأول
أنتم إية رأيكم

طبعا الكلام دة مظبوط تماما ودة مش فى الصنى بس دى حاجة معروفة فى كل العربيات تقريبا لانك لو جبت الاول وانت ماشى بسرعة الموتور ممكن يبوظ الاول دة علشان تطلع بية بس انما حتى لو ماشى بطيء على سرعة 10 او 15 مثلا تجيب التانى مش الاول ......... جرب كدة تكون ماشى على 90 وجايب الرابع وبعدين هات التالت وانت على نفس السرعة وشوف حيحصل اية للموتور حتلاقى العربية كلبشت و ال ار بى ام على جدا .....ما بالك بقى لو جبت الاول