عرض للطباعة
سؤال بجد ومش مقصود بيه أي حاجة تانية غير إني عايز أعرف هل فعلا الرجالة اللي بتشجع الزمالك فرحانين إن الحضري جه الزمالك رغم كل الكلام اللي على الشخص ده وكل اللي عمله وبيعمله؟
طب حد فاكر من الزملكاوية الموضوع ده:
ط§ظ„ظ…طµط±ظ‰ ط§ظ„ظٹظˆظ…
المحترم كان بيقول اشتغل بواب في الأهلي وملعبش للزمالك
ياريت الموضوع ميتحولش لخناقة بين الناس الموضوع هدفه المناقشة حولين الحضري وهل الناس اللي بتشجع الزمالك حاسين بالأمان ليه وإنه مش هيعمل مشاكل ولا يبيع النادي ويخلع ولا يطلب زيادة في الفلوس والجركات دي؟
يشرفنى إنى أكون اول واحد ير على موضوعك برغم إنى أول مرة أعرف إنك مهتم بالكورة.
بصراحة انا مدايق جدا لأن عبد الواحد السيد حارس مرمى رائع و كمان زملكاوى بجد مش بواب زى الحضرى و الى مدايقنى أكتر الإدارة فى الزمالك, حسام حسن بقى بيتحكم فى الزمالك بشكل ينرفز بقى هو المدير الفنى و أخوة المتحدث الإعلامى و بقى هو رئيس مجلس الإدارة ده حتى أمن البوابة بقى بيتحكم فية و بيأمر مين يدخل و مين ميدخلش زى ما منع عبد المنصف من دخول النادى.
بصراحة رغم إن الواحد كان متفائل بحسام حسن لكن الواحد مدايق جدا من الإدارة الى مش موجودة خالص ده و لا ليها كلمة أنا نفسى الزمالك قبل ما يدور على البطولات يدور على إدارة قوية
نورت الموضوع يا محمد باشا و فعلا انا حاسس إن حسام وإبراهيم مش هيسكتو إلا لما يعملوا كارثةاقتباس:
المشاركة الأصلية كتبت بواسطة ghareeb
المشكلة ان واحد منهم هو اللي مش هيتاخد في المنتخب وده كلام حسن شحاته نفسه على فكرة سمعته بوداني في البرنامج بتاع ابنه في اف ام
مش عارف لو عبد الواحد لعب اساسي و الحضري قعد احتياطي شحاته هياخد مين ؟
تخبط..تهريج..فساد...هم دول إللي بيتحكموا في تعاقدات اللاعبين وانتقالتهم..يعني الزمالك فيه احسن حارس مرمى في مصر في الوقت الحاضر، عبد الواحد هو مستقبل حراسة مرمى منتخب مصر من السنة دي..يقوموا يجيبوا حارس مرمى ممتاز زي الحضري علشان يقعدوا واحد منهم على الدكة!!!! يعني الحضري لما راح الاسماعيلي قعد الحارس الممتاز "صبحي" وحرم المنتخب منه..دا عن التخبط
اما عن التهريج فموضوع جدو اكبر مثال على هذا..جدو وشريف عبد الفضيل وهاني سعيد..وغيره وغيره وغيره
اما عن الفساد..فخد عندك صفقة اجوجو كمثل
على فكرة الزمالك مش محتاج لاعبية اساسا..متوسط اعمار اللاعبية ممتاز ومستواهم متفوق وعندهم جيل جديد هايل..المشكلة مشكلة إدارة مش أكتر..اما الأهلي فمتوسط اعمار اللاعيبة كبير فلازم يتم تقليل الاعمار بشكل تدريجي..بس طبعا مش بأسلوب الخطف
===
معلش اقبلوا تعليق واحد اهلاوي في موضوع للزمالكوية
انا شايفه قرار سيئ جدا بالتعاقد مع عصام الحضري
عندنا عبد الواحد السيد هايل و مستواه عالي جدا
عصام عنده 38 سنة , هيدي كام سنة كمان ؟؟؟؟ , سنة و لا سنتين بالكتير , و كمان موقوف لحد اول شهر يناير
ليه الزمالك ميكبرش حد من اجوان الناشئين مع عبد الواحد و يكون هوه ده مستقبل النادي لعشر سنين قدام
اولا الزمالك عنده احسن حارس مرمي في مصر و هو عبد الواحد السيد اللي اعتقد ان حسام حسن قاعد بيدرب الزمالك لحد دلوقتي علشان توفيق ربنا ثم وجود عبد الواحد السيد التعاقد مع عصام الحضري قنبله و هتنفجر في الفريق لان الاتنين مينفعشي يقعدوا احتياطي و مش هيوافقوا علي نظام الدور لانه نظام فاشل و بيقتل الطموح صفقه حسرانه للزمالك و حوالي 7 مليون جنيه كانوا ممكن يفيدوا الفريق اكتر لان الزمالك في ثغرات كتير جداااااااااااااااااااا يعني صفقه ملهاش اي معني لنادي الزمالك الحضري حارس عملاق و مخلص في عمله (( علشان بيجيله منه فلوس )) مفيش اي شك بس يروح لفريق محتاج واحد زيه في حراسه المرمي لكن عبد الوحد السيد ما شاء الله افضل منه بمراحل في المرحله دي
بالنسبة للحضري الصفقه برضة كسبانه ماديا (( و دة اللي بيهم الحضري )) و خسرانه فنيا لانه ساب فريق بينافس علي بطوله افريقيا الموسم دة و راح فريق لسة هيخش بطوله افريقيا اخر الموسم و يا عالم هيكمل و لا هيخرج برة
إدارة الزمالك غايه في التخبط و ماشيين ورا حسام و إبراهيم اللي انا شايف انهم حتي مش قادرين يحددوا احتياجاتهم كويس و كل همهم يبقي هما نجوم الفريق الوحيدين
يعني الزمالك في مرحله دلوقتي عايز لعيبه جامدة تسندة لان الفريق واقع تماما زي الاهلي في 2004 اشتري عماد النحاس و بركات و اسلام الشاطر و ابوتريكه و حسن مصطفي و محمد شوقي لعيبه تقيله سندت الفريق و وقفته علي رجله
الزمالك مش عارف يعمل ايه و ربنا رزقه بمجلس ادارة مش مقدرين اسم الفريق دة و ماشيين ورا حسام و ابراهيم اشتروا وجيه عبد العظيم و ابو كونيه هل اللعيبه دي هي اللي هتوقف الفريق علي رجله
عاشور االادهم مثلا صفقه كويسة جدااااااااااا بس مقابلها كبير اوي
الاستغناء عن احمد مجدي و محاوله الاستغناء عن هاني سعيد دليل علي قمه العبط اللي هما فيه
المفروض الادارة بتحاول الاول تسد ثغرات الفريق و بعدين تدعم
مش موافق حتى لو مفيش عبد الواحد
الأولى كان صرف الملايين اللي اتدفعتله في شراء اتنين حراس مرمى مميزين صغار السن واتنين مهاجمين شرحه
دا كدا كويس جدا لكل أهلاوى على فكره
ولو أنا عايز أضرب الزمالك فى مقتل كأهلاوى مكنش ذكائى هيقودنى لفكره جهنميه زى دى
أنما ربنا يخليلنا مسئولين الزمالك بقى الغباء فى صورته الخام
الحضرى هو القنبله الموقوته الى هتجيب نادى الزمالك الارض
ونفسى ربنا يرضى عن النادى دا ويرزقوا بمسؤلين عندهم أدنى درجات السنس ومبادىء التفكير وحل المشاكل
الزمالك ماشى يلم فتات الاهلى ولو معرفش يعمل حاجه يقول طب أشوف أيه ممكن يغيظوا
ربنا يكون فى عون الزمالكويه على الاداره المخزيه دى
عصام الحضرى أخلاقه سيئة ... واحنا شفنا عمل ايه مع حارس المرمى الناشئ أمير لما حس انه ممكن يتفوق عليه ويسرق منه الأضواء .... أكيد حا يختلق مشاكل مع عبد الواحد السيد
عبد الواحد السيد افضل من الحضرى بكتير وانا مش موافق انه يلعب فى الزمالك واعتقد ان عبد الواحد مش هيفضل فى الزمالك
نفس اللي بيقوله بالحرف كتير من جمهور الزمالك على قرار التجديد لحسام البدري من مجلس إدارة الأهلي :M_yes[1]:اقتباس:
المشاركة الأصلية كتبت بواسطة NoRmAl
الحضري كحارس أحسن من عبد الواحد طبعا لا جدال في كده ..
الحضري من أفضل ٥ حراس مرمى في العالم و كاس العالم الحالي أكبر دليل ..
لكن أنا كزملكاوي مش مبسوط بالصفقة ..و بعدين ٣٨ سنة و عقده ٣ سنين ..ليه
على فكرة أنا كمان اهلاوي بس عايز أعرف رأي أخوانا الزملكاوية في صفقة الحضرياقتباس:
المشاركة الأصلية كتبت بواسطة ecybrarian
عندهم كل الحق :satelite:اقتباس:
المشاركة الأصلية كتبت بواسطة أبو حمزة
لأ مش موافق لأن عندنا عبد الواحد
اقتباس:
المشاركة الأصلية كتبت بواسطة normal
برجاء احترام مشاعر الآخرين
بصراحه السئ في الزمالك الاداره الضعيفه جدا امام العقيد واخوه الصحاف
سؤال للأهلوية, انتوا ايه اللي مضايقكوا؟؟
أنا شخصيا مقتنعة جدا بانضمام الحضري, أحسن حارس مرمى في مصر و أفريقيا و واحد من أحسن الحراس على مستوى العااااااالم. أيه اللي يخليني مش مبسوطة انه ينضم لفريقي؟؟
السن؟؟ حارس المرمى ممكن جدا يستمر لغاية 41 - 42 سنة, و الحضري ما شاء الله عليه لياقته و مستواه في أعلى حالاتها. هو حيبقى عمره 38 سنة في يناير لما يبتدي ان شاء الله يلعب بعد الايقاف يعني يقدر يدي سنتين تلاتة كمان.
زعل عبد الواحد السيد؟؟ معلش يعني لو النادي رفض يجيب أحسن لاعب في مركزه عشان اللي بيلعب في نفس المركز مش عايز منافسة يبقى أكبر تهريج. و احنا ما صدقنا الادارة تبتدي تقف موقف حازم مع أسلوب لوي الدراع ده. و بعدين هو ايه اللي يزعل عبد الواحد أصلا؟؟ ده عنده فرصة ذهبية انه يثبت نفسه مش بس في الزمالك لأ في المنتخب كمان و يقعد الحضري و ياخد مكانه لأنه حيلعب أساسي الدور الأول كله سواء مع الزمالك أو مع المنتخب. و الله بعد الدور الأول لو هو قدر يثبت انه يستحق يلعب أساسي على الحضري, نبقى كسبنا أتنين حراس مرمى ملهومش حل, مقدرش يسد و الحضري رجع حيلعب أساسي و يبقى تفكير سليم ميه في الميه انك تدعم المركز بالأحسن. حتى لو عبد الواحد راح الأهلي زي ما الأهلوية بيتمنوا - و أنا ماعتقدش أبدا ان ده حيحصل - فبرضه كدة الزمالك كسبان انه عنده الحارس الأقوى فنيا.
و على فكرة اللي بيقول عبد الواحد عمره في الملاعب أطول, أحب أفكره انه عبد الواحد من اللاعيبة اللي بتتصاب كتير. و موضوع العمر في الملاعب دي بتختلف من لعيب للعيب, يعني حازم أمام مثلا معتزل بقاله سنتين و قبلها سنتين تلاتة مستواه في الأرض, عكس واحد زي أحمد حسن اللي بيلعب لغاية دلوقتي و لياقته كويسة جدا رغم انه أكبر من حازم في السن. فمش شرط ابدا ان الحضري يعتزل قبل عبد الواحد لأن عبد الواحد برضه عنده 34 سنة يعني مش صغير.
بخصوص بقى موضوع الحضري انه طلع عيط عشان يرجع الأهلي فده كلام يضحك. مهو حمال حمزة طلع قبل كدة و قال انه ممكن يلعب في أي نادي في الدنيا الا الأهلي و رغم كدة الأهلي أتعاقد معاه. و بعدين اشمعنى فاكرين دي و مش فاكرين الحضري لما طلع هزق عدلي القيعي عالهوا و قاله الأهلي عايز يدمرني بس أنا حلعب غصب عن التخين؟ و بعدين مفيش بني أدم في مصر مش عارف ان العياط بتاع الحضري ده كان تمثيل عشان يرجع الأهلى لأن حكم المحكمة الرياضية كان قرب, فهو قال أضحك عليهم بكلمتين و هما محتاجين جون بأي طريقة يمكن يسامحوني و اهو ساعتها لا يبقى فيه ايقاف و لا غرامة. و على فكرة انا متأكدة - و العلم عند الله طبعا - ان الحضري عمره ما حيعمل مشاكل في الزمالك سواء لعب أو لأ, لأن الحضري ذكي جدا و بتاع مصلحته. هو عارف انه فاضله سنتين تلاتة و يعتزل و عارف ان مالوش مكان في الأهلي و طبعا الأسماعيلي مش الأملة, عشان كدة هو حاب يجي الزمالك عشان يقدر يلاقي مكان في نادي كبير بعد الأعتزال.
تاني بقى, الأهلوية بيقولوا الحضري حيهد الزمالك.. أمال متضايقين ليه؟؟؟؟؟؟
اسمحيلي أرفع القبعة على التحليل المنطقي الاحترافياقتباس:
المشاركة الأصلية كتبت بواسطة hh
حضرتك أثرتي نقاط كانت غايبة عني شخصياً
بس برضة صعبان عليا اللي اتدفع فيه
ومستخسر إنهم ميتدفعوش في لعيبة صغيرة في السن
كمان يا ريت الزمالكوية يفكروا شوية قبل ما يرددوا كلام الأهلوية بتاع حسام حسن بقى هو المتحكم في الزمالك ده. مهو طول عمرنا بنقول عايزين الجهاز الفني يكون هو المتحكم في فريق الكورة. نقوم لما يبقى عندنا مدرب فاهم و واثقين فيه و الناس عايزين يسيبوه يشتغل براحته ننتقدهم؟؟
طيب كانوا فين لما كان جوزيه كل سنه بيجيب لعيبة عاهات و ميلمسوش كورة طول الموسم و بعدين يمشيهم؟؟ فاكرين الويشي؟ فاكرين عبد الحميد حسن المهاجم الواعد اللي عنده 36 سنه؟ مش نفس الناس اللي بتهاجم هما اللي بيهللوا لادارة الأهلي المحترفة ؟
يا سيدي الفاضل الزمالك دفع 2.5 مليون جنيه للأسماعيلي و حيتحمل 100 ألف دولار من الغرامة, يعني الصفقة أتكلفت 3 مليون جنيه. 3 مليون جنيه في أحسن حارس مرمى في أفريقيا معتقدش ابدا انه رقم كبير بالنسبة للأسعار اللي بتتدفع دلوقتي.اقتباس:
المشاركة الأصلية كتبت بواسطة أبو حمزة
مين الاخرين الى أنا محترمتش مشاعرهم؟اقتباس:
المشاركة الأصلية كتبت بواسطة ehabbasha30
الموضوع شكله هايقلب اهلاوية وزمالكوية..تاااااااني...صدق ني المشكلة مشكلة إدارة المنظومة (الفاسدة) الكروية في مصر كلها..ما هو احنا كل سنة في الموال دا..الاهلي يجيب لاعيبة ويقعدهم على الدكة والزمالك يتعاقد مع نجوم والمشاكل الداخلية تقضي على الفرقة..والضحية في الآخر الجماهير ..دا احنا لو جبنا فرقة برشلونة كلها (مكان الاهلي ولا الزمالك)....برضه ما فيش فايدة
إحنا مش متضايقين ولا حاجة بس انا عايز اعرف رأي الزملكاوية في موضوع ضم الحضري زي ما وضحت قبل كدااقتباس:
المشاركة الأصلية كتبت بواسطة hh
بس إزاي حضرتك تبقى مبسوطة بضم الحضري وانتي عارفة إنه بتاع مصلحته وممثل وبتاع فلوس؟!!!
المشكلة في رأيي انهم كمان اتدفعوا في لعيب الفرقة مش في حاجة اليه والفرقة فيها اتنين حراس مرمى زي الفل وكمان كشخص ممكن يبيع ناديه عشان عقد احسن تحس ان الموضوع موضوع عند مش اكتر وهو دا الي مضيع الكورة المصرية انها ماشية بالاهواءاقتباس:
المشاركة الأصلية كتبت بواسطة أبو حمزة
هو من حق حسام يعمل الي هو عايزه في فريق الكورة بس مش لدرجة إنه يمنع لعيب زملكاوي أصيل زي عبد المنصف إنه يدخل النادي ويحلف بالطلاق إنه مش هيعتب النادي تاني ولا ايه؟اقتباس:
المشاركة الأصلية كتبت بواسطة hh
ياريت يا جماعة الموضوع ميقلبش حوارات جانبية ولا اهلاوية وزملكاوية احنا بنتكلم بهدوء وبنتناقش عن لاعب محدد اللي هو الحضري وبس ومحدش يفتح حوارات تانية فرعية ممكن تعمل مشاكل من فضلكماقتباس:
المشاركة الأصلية كتبت بواسطة normal
كلام 10/10 فعلا الأهلي والزمالك كتير بيشتروا لعيبة مش محتاجينلهم لمجرد العنداقتباس:
المشاركة الأصلية كتبت بواسطة ecybrarian
مش هتفرق المركز الثانى فى الانتظار
أنا رديت على حضرتك بالأزرق فوقاقتباس:
المشاركة الأصلية كتبت بواسطة أبومريم
أنا قلبت ولا عدلت حاجه :)
أنا قلت رأيي
العضو الفاضل بيقلى أحترم الاخرين
أنا بقى عايز أعرف مين الاخرين دول الى أنا محترمتهمش
ولا هو قريب ممدوح عباس وزعلان أنى غلطت فى الاداره؟؟
باستثناء كام لاعب في مصر يتعدوا على أصابع اليد الواحدة أنا معرفش لاعب كرة مش ممثل ومش بتاع مصلحته ومش بتاع فلوساقتباس:
المشاركة الأصلية كتبت بواسطة أبومريم
الزمالك في احتياج لحارس مرمى بديل لعبد الواحد بعد ما منصف مشياقتباس:
المشكلة في رأيي انهم كمان اتدفعوا في لعيب الفرقة مش في حاجة اليه والفرقة فيها اتنين حراس مرمى زي الفل وكمان كشخص ممكن يبيع ناديه عشان عقد احسن تحس ان الموضوع موضوع عند مش اكتر وهو دا الي مضيع الكورة المصرية انها ماشية بالاهواء
وأنا مع خطوة التعاقد مع حارس مرمى ولكن ليس في سن الحضري
ولا خلاف على إن حتى هذه اللحظة الحضري أحسن حارس مرمى في مصر
من حق حسام يعمل اللي هو عاوزه مادام المدير الفنياقتباس:
هو من حق حسام يعمل الي هو عايزه في فريق الكورة بس مش لدرجة إنه يمنع لعيب زملكاوي أصيل زي عبد المنصف إنه يدخل النادي ويحلف بالطلاق إنه مش هيعتب النادي تاني ولا ايه؟
ومنصف متعود كل موسم يعمل الشويتين دول وفي الاخر بيقعد في الزمالك
السنة دي حسام قرر ميرجعوش ويسيبه يمشي
أنا متفق مع اللي عمله حسام بس متفق على جزئية يمين الطلاق اللي حلفه عليه :)
اقتباس:
كلام 10/10 فعلا الأهلي والزمالك كتير بيشتروا لعيبة مش محتاجينلهم لمجرد العند
مش دايماً بيكون عند
ساعات بيتعرض على النادي لاعب كويس بسعر لُقطة زي ما الزمالك أخد حسن مصطفى قبل كدة والأهلي أخد جمال حمزة لكن مش قادر أعفي الأهلي من اتهامه بالعند والكيد في الزمالك بتواطئه مع مصيلحي في صفقة جدو
والله كلام معقولاقتباس:
المشاركة الأصلية كتبت بواسطة أبو حمزة
هل ممكن اسال حضرتك بتشتغلى ايه؟؟؟
وطبعا مع خالص تحياتى
اعتقد حضرتك تقصدني أنا..اقتباس:
المشاركة الأصلية كتبت بواسطة meshmesh78
أنا مهندسة أجهزة طبية. ممكن أعرف الغرض من السؤال؟
اقتباس:
المشاركة الأصلية كتبت بواسطة normal
اقتباس:
المشاركة الأصلية كتبت بواسطة normal
انا حبيت الفت نظرك بطريقة محترمة لكن واضح ان حضرتك مصر على الاستفزازاقتباس:
المشاركة الأصلية كتبت بواسطة normal
الآخرين يعنى الزمالكاوية لو حضرتك متعرفهمش
انا مش هكتر فى الكلام لكن لتانى مرة ارجوك تحترم مشاعر الآخرين وتتكلم على فريقك براحتك
ولو عاوز تشارك بكلام على فريق تانى غير فريقك يبقى لازم تحترم مشاعر جمهورة
ملحوظة ( الموضوع اسمة سؤال للزمالكاوية) مع احترامى لكل اهلاوى محترم
دة غير ان حضرتك قلت كلام فى حقى شخصيا غير مقبول
انا أهلاوي و مش بكره الحضري كلاعب و حارس مرمي فز ,
لكن صعبان عليا عبدالواحد لأنه برده حارس جيد جداً جداً و مع وجود الحضري , هيبقى احتياطي ,
يعني الحضري في المنتخب و في النادي ,
طيب الراجل يروح فين .....
كل ما كان الحضري يوقع في أي متش و يخلّلوا عبدالواحد يسخن كان بيقولهم ان الحضري هيقوم تاني ....
ياريت بس تتكلم براحه علشان نعرف نتكلم لأن واضح أنك داخل مستفز خلقهاقتباس:
المشاركة الأصلية كتبت بواسطة ehabbasha30
أنا أتكلمت عن غباء أداره الزمالك فى ضم عصام الحضرى ومجبتش سيره الجماهير خالص غير أنى قلت ربنا يكون فى عنهم على دى أداره
حضرتك بقى بتستفز من أى حاجه دى مشكلتك أنت
فأعرف أزاى تكلم الناس أفضلك
ولو شايف مشاركاتى مستفزه فى حاجه أسمها تقارير مشاركه
أستخدمها ووفر على نفسك وعليه عناء التحدث بأسلوبك دا
طبعا الحضري مكسب و مكسب كبير كمان يعني ازاي يبقي فريق زي الزمالك معندوش حارس مرمي كفء في حالة اصابة الحارس المرمي الأساسي يعني مثلا لما الأهلي راح اشتري نادر السيد اللي هو كان وقتها حارس المنتخب الأساسي و قعده دكه لغاية اما بطل كوره حد قاله انت بتعمل ايه ولا ليه و بعدين برضه الأهلي ليه مصبرش علي شريف اكرامي و احمد عادل و راح جاب ابو السعود مهو برضه بيقضي علي حد فيهم و بعدين شؤال كمان حد يعرف اسم رئيس نادي مانشستر يونليتد او الأرسنال ايه بس كلنا نعرف السير اليكس فيرجسون و نعرف ارسن فينجر ماحدش قال هناك انهم مكوشين علي النادي او بيعملوا ما بدا لهم لأن طبيعي يبقي المدير الفني هو المسئول عن الفرقه بتاعته صفقات و كل حاجه طبعا الكلام ده مع الفارق بين الأنديه المصريه و الأنديه الكبيره اللي انا كنت بتكلم عنها بس بالنسبه لصفقة الحضري انا شايف انها صفقه ممتازه
انا مش مستفز خلقة ولا حاجة (ولو ان الكلمة دى برضو مستفزة و مالهاش لازمة)
لكن لو انا جيت وقلت ادارة الاهلى كذا وكذا وشتمت ....ياترى حضرتك ملاك و هتقبل كلامى ولا هيبقى رد فعلك اية
دة غير ان اسلوب كلامى كلة ( حضرتك وارجوك) ومافيهوش اى شئ يضايقك ولا اى حاجة غلط ولا اى شئ متدنى عشان تقولى ((اسلوبك دة)) .....( راجع المشاركات )
لا لاحظ حضرتك أن فى عضو تقريبا أبو حمزه رد على المشاركه ذاتها وقالى وبردو أداره الاهلى كذلك لما فكرت فى التجديد بل وجددت لحسام البدرىاقتباس:
المشاركة الأصلية كتبت بواسطة ehabbasha30
وأنا معاه تماما
شفتنى قلت حاجه؟
تقدر حضرتك تقول على اداره النادى الى أنت عايزه طالما الكلام فى محله
وبعدين حضرتك مضايق منى لأنى بشتم حتى فى الاداره!
وهو حضرتك راضى عنها ولا حاجه!
اقتباس:
المشاركة الأصلية كتبت بواسطة NoRmAl
ياسيدى والله انا لا راضى عنها ولا حاجة بالعكس تماما انا شتمتهم باكتر من اللى انت قلتة بكتير
بس انا كان رد فعلى على مشاركتك لما قريتة اتضايقت جدا من الشتيمة
انا ادعى على الزمالك واكرة اللى يقول آمين :ma:
تقبل احترامى واسف لو كنت احتديت فى اى كلمة:satelite:
لا يا أستاذ أيهاب الاعتذار لازم يكون منىاقتباس:
المشاركة الأصلية كتبت بواسطة ehabbasha30
متأسف لو أحتديت أنا فى كلامى
وربنا يعينا على مجالس أنديتنا وشكرا ليك :satelite:
:ma:اقتباس:
المشاركة الأصلية كتبت بواسطة NoRmAl
انا ضحكتني أوي الكلمة دي :w6266d