توبوتا مصر تقوم حاليا بحملة وقائية لضبط دواسات الوقود تحسبا ضد مشكلة تعليق الدواسة

ذهبت اليوم لاجراء صيانة 10 آلاف كيلومتر للسيارة، وبعد الوصول الى تويوتا التجمع الخامس اخبرتنى مهندسة الاستقبال ان السيارة لا تحتاج لصيانة لاننى قمت باستعمال زيت 10 آلاف كيلومتر فى الصيانة السابقة، وحيث اننى قد قمت بالحجز وترتيب اليوم لزيارة التوكيل فقد قررت الاستفادة بالقوت وطلبت منها ادخال السيارة لتربيط العفشة
اخبرتنى المهندسة ان السيارة طالما انها ستدخل الورشة فسيتم ادخالها ضمن حملة تغيير شريحة الصلب الموجودة بدواسة الوقود والتى تقوم خلالها الشركة باستبدال شريحة الاحتكاك التى تسبب بعض منها فى عدة دول فى مشكلة تعليق الدواسة

استعرف الامر وقتا طويلا فقد وصلت للتوكيل الساعة 10 صباحا وغادرت التوكيل الساعة 3 عصرا مع اعتذار مهذب من موظفى التوكيل عن استغراق وقت طويل لطول الطابور على هذة الخدمة، لكن تم تغيير الشريحة برغم اننى لم تكن لدى منها اى شكوى ، وعلى حساب تويوتا ، وتمت محسابتى فقط على تربيط العفشة بمبلغ 83 جنيه شاملة الضرائب

لذلك اقترح على كل من يمتلك كورولا 2010 (لا ادرى ان كانت 2009 و 2008 ايضا عرضة لنفس المشكلة ام لا) ان يطالب بحقه فى تغيير الشريحة عنذ الذهاب للصيانة وان يرتب نفسه على استغراق وقت طويل فى هذة الصيانة

برافو تويوتا .. وشكراً لتنبيهك باشمهندس خالد ...

تم تركيب القطعة اثناء تركيب قطع الفتيس.

هل لدى حضرتك فكرة وضع الياريس ايه

شكرا يا سبعاوي باشا علي الخبر....بس انا ليا تعقيب صغير....


انا ماشي علي المثل ايلي بيقول Don't Trouble Troubles Until Troubles Trouble You.

يعني باخصتار لو العربية زي الفل ولا بيحصلها تسارع ولا غيرة ...يبقي لزومة اية افتح الدواسة واغير والعب في حاجة شغالة وفبريكة...واخلي واحد يفك ويربط (حتي لو كان التوكيل) بدون لازمة...

المفروض التوكيل بدل ما يضغط نفسة ويغير للناس كلها عمال علي بطال...كان عمل اعلان ان ايلي بيشتكي من الحكاية دي يجي يغير...ومتهيالي ان فيلم التسارع دة ما ظهرش في مصر...ولا حتي في الخليج....

النقطة التانية .....

تربيط العفشة ....بـ 85 جنية ....هي العفشة دي فيها كام صامولة ...:majd(4):.....؟؟؟؟وبتتربط في كام دقيقة....؟؟؟؟

دة كدة تربيط العفشة شغلانة ممتازة...!!!؟؟؟

مشكور على التنبيه استاذ سبعاوى بس كنت عايز اعرف الساعة عندهم بكام فى التوكيل و تربيط العفشة اتحسب قد ايه وقت؟

1- بالنسبة لموضوع never touch a working machine والذى طرحه اخونا hero فأنا معاك فى هذه النظرية تماما لو كان اكثر اذى يمكن ان تسببه هو توقف السيارة، لكن عندما يمتد الأذى الى توقع حوادث فاعتقد اننا هنا بصدد مسألة safety first

2- بالنسبة لتربيط العفشة : اه غالية لكن هناك 3 اعتبارات:
أولا:اقل رقم شفته لتربيط عفشة فى توكيل اى سيارة هو 50 جنيه، 50 من 83 مش فارقة كتير خصوصا لو خدنا فىاعتباران ان خدمات توكيل تويوتا بطبيعتها اغلى شوية من اى توكيل آخر وخدنا فى اعتبارنا ان السيارة مصفحة كلها من تحت بالكامل ولازم حد حافظها وخافظ طريق عفشتها علشان يعرف يربطها
ثانيا: ممكن استنصح واستذكى واروح اربطها عند مركز ام عمارة للصيانة الجبارة واكعلى 20 او 30 جنيه مقابل ان واحد يرفع العربية ويدخل يطرقع بمفاتح بلدى على المقصات شوية علشان يسمعنى صوت الشغل وبعدين ينزل العربية وزى ما دخلت زى ما خرجت، على مدى كل العربيات اللى جربتها مافيش مخلوق فى بلدنا بيعرف يربط عفشة عربية زى التوكيل بتاعها، فى التوكيل بيستعملوا مفاتيح عزم وبيظبطوها على القيمة المحددة لكل مسمار وعارفية المسامير اللى بتتربط وعزم تربيط كل مسمار، ومفيش افتكاسات ولا استكشافات ولا فلحسة، يبقىاشترى خدمة متميزة بسعر غالى فاضل وللا اعيش دور النصاحة المصرية اللى مقطعة بعضها واسترخص وماخدش حاجة اصلا
ثالثا: مع تربيط العفشة حصلت على غسيل مجانى للسيارة برة وجوة، وده لو عملته برة لن يقل عن 15 جنيه، وبرضة مش بالجودة دى ، يبقى وصلنا ان خدمة التربيط تساوى حوالى 65 جنيه بالضرايب، يعنى مش فارقة عن اى توكيل تانى تقريبا، اللى عايز يربط عند عم بارومة العفشجى هو حر لكن انا بالتجربة لا يقنعنى غير تربيط التوكيل

حركة حلوة من توكيل تويوتا

لكن هل الياريس داخلة فى الحوار دا ؟

اقتباس:

---

المشاركة الأصلية كتبت بواسطة sab3aawy

1- بالنسبة لموضوع never touch a working machine والذى طرحه اخونا hero فأنا معاك فى هذه النظرية تماما لو كان اكثر اذى يمكن ان تسببه هو توقف السيارة، لكن عندما يمتد الأذى الى توقع حوادث فاعتقد اننا هنا بصدد مسألة safety first

2- بالنسبة لتربيط العفشة : اه غالية لكن هناك 3 اعتبارات:
أولا:اقل رقم شفته لتربيط عفشة فى توكيل اى سيارة هو 50 جنيه، 50 من 83 مش فارقة كتير خصوصا لو خدنا فىاعتباران ان خدمات توكيل تويوتا بطبيعتها اغلى شوية من اى توكيل آخر وخدنا فى اعتبارنا ان السيارة مصفحة كلها من تحت بالكامل ولازم حد حافظها وخافظ طريق عفشتها علشان يعرف يربطها
ثانيا: ممكن استنصح واستذكى واروح اربطها عند مركز ام عمارة للصيانة الجبارة واكعلى 20 او 30 جنيه مقابل ان واحد يرفع العربية ويدخل يطرقع بمفاتح بلدى على المقصات شوية علشان يسمعنى صوت الشغل وبعدين ينزل العربية وزى ما دخلت زى ما خرجت، على مدى كل العربيات اللى جربتها مافيش مخلوق فى بلدنا بيعرف يربط عفشة عربية زى التوكيل بتاعها، فى التوكيل بيستعملوا مفاتيح عزم وبيظبطوها على القيمة المحددة لكل مسمار وعارفية المسامير اللى بتتربط وعزم تربيط كل مسمار، ومفيش افتكاسات ولا استكشافات ولا فلحسة، يبقىاشترى خدمة متميزة بسعر غالى فاضل وللا اعيش دور النصاحة المصرية اللى مقطعة بعضها واسترخص وماخدش حاجة اصلا
ثالثا: مع تربيط العفشة حصلت على غسيل مجانى للسيارة برة وجوة، وده لو عملته برة لن يقل عن 15 جنيه، وبرضة مش بالجودة دى ، يبقى وصلنا ان خدمة التربيط تساوى حوالى 65 جنيه بالضرايب، يعنى مش فارقة عن اى توكيل تانى تقريبا، اللى عايز يربط عند عم بارومة العفشجى هو حر لكن انا بالتجربة لا يقنعنى غير تربيط التوكيل

---

مبارك عليك التربيط والتعديل يا بشمهندس سبعاوي

وانا أؤيدك في مسألة التربيط دي فعلا
انا فعلا بدخل اربط عربيتي في الصيانة بتطلع حاجه تانيه خالص
ولما بربطها بره عند اي عفشجي مفيش فايده ابدا عمرها ما بتطلع زي التوكيل فعلا
حاجه غريبه جدا فعلا
وانا مش عارف السر
قولت يمكن السر في رفع العربيه على الونش
روحت بره التوكيل رفعتها وربطه العفشة وبرضه مطلعتش زي التوكيل
فعلا موضوع غريب
بالمناسبة التربيط في دايهاتسو للعفشة فعلا بــ 50 جنيه

سبعاوي باشا

انا مش معترض علي تربيط العفشة في التوكيل ....ابدا...انا باعمل كدة برضة ...بس باستني للصيانة..

ولو هاربط العفشة برة التوكيل ....يبقي اكيد انا ايلي هاربطها بنفسي...لاني مش معترف ببلية وشركاة الا اذا كانوا فعلا ناس محترفة ...(يعني فنين في التوكيل سابقا)...

انا بس معترض علي تسعيرة التوكيل....لانها غالية فعلا شوية علي تربيط عفشة...يعني كويس قوي عليهم 30 جنية ....