معايا 1303
العربية ماشية حوالى 15000 كيلو معايا بدون تغيير البوجيهات ومع ذلك مافيش مشاكل فى اداء الموتور
السؤال:
ما هى اعمال الصيانة الدورية الخاصة بالبيتلز؟؟
وبتتعمل كل اد ايه؟؟
عرض للطباعة
معايا 1303
العربية ماشية حوالى 15000 كيلو معايا بدون تغيير البوجيهات ومع ذلك مافيش مشاكل فى اداء الموتور
السؤال:
ما هى اعمال الصيانة الدورية الخاصة بالبيتلز؟؟
وبتتعمل كل اد ايه؟؟
ما هى اعمال الصيانة الدورية الخاصة بالبيتلز؟؟
وبتتعمل كل اد ايه؟؟
ما هى اعمال الصيانة الدورية الخاصة بالبيتلز؟؟
وبتتعمل كل اد ايه ؟؟
هو بيتعمل صيانة وهى فك وتنظيف الكربرتير وتغير ابلاتين وكندنسر والبوجيهات وظبط تاكيهات كل 5000 دا زى ما قال الحج محمد على وعلموهم كدة فى التوكيل بس اظن الرقم صغير على العموم انا بعملة لما احس العربية محتاجة ومش بحسب المسافة وممكن اعمل قد الرقم دة اربع مرات يعنى
ايه بقى الاعراض اللى بتخليك تحس ان العربيه محتاجه للصيانه ده و هل بيخش ضمن الصيانه ده تغيير فلتر البنزين ؟؟؟
الصيانه بتكون حسب احساسك بالعربيه أو كل 5000 كيلو لو انت لسه مش حاسس بيها اوى يعنى مثلا ممكن تكون مغير بوجيهات وابلاتين وكوندنسر ومنضف الكربيراتير وكله تمام وتلاقى العربيه بعد اسبوع او اتنين بتنتش او مبتسحبش أو بتسقف يبقى اكيد فى حاجه عايزه ظبط بس يعنى كهربا عاليه او كهربا واطيه وده دايما بيحصل معايا وعادى جدا يبقى اظبط الكهربا بس اما لو انت مشيت بالعربيه فتره طويله 5000 مثلا أو 4000 ولقيت العربيه بتعمل الاعراض اللى قلتلك عليها (تنتيش أو سحب أو تقطيع أو تسقيف) يبقى اظبط الكهربا واذا متعدلتش معاك العربيه يبقى اكيد العربيه محتاجه سرفيس اظبط الكهربا وشوف الاببلتين والكوندنسر ونضافة الكربيراتير وظبط التكيهات وانا من وجهة نظرى ان الحاج محمد على احسن واحد يعمل سرفيس للعربيه وكان فى موضوع على المنتدى عن الحاج محمد على والسرفيس عنده
الاعراض بتبقى زى ما قال الاخ قصر ومنها كمان لما احس بغياب الصفارة بتاع الشكمان وعدم الاستجابة الى متعود عاليها من العربية فى حالة التخطى او زيادة السرعة
اسف الاخ صقر
ملحوظه يا جماعه عايز افهمكم انا ليه بقول الحاج محمد على فى السرفيس لانه بجد احسن واحد يعمل سرفيس او يظبط كهربة العربيه وبجد انا جربت ميكانيكيه كتير جدا اللى ليهم فى البيتلز واللى ملهلمش فيها لكن الحاج محمد على بجد هو احسن واحد يظبط الكهربا كويس جدا جدا جدا وهتحسوا بفرق كبيييييييييير جدا فى السحب