كلام من الاخر لظبط كلاكس اللانوس

**احمد ابراهيم** · 03-07-2010 09:14 PM

مساء الفل على احلى شباب و احلى منتدى سيارات
كانت واجهتنى مشكلة ان الكلاكس لما ابدوس عليه من فوق بيلقط على طول و لما بدوس عليه من تحت مش بيلقك
المهم قريت كذا موضوع عن الحكاية دى و فعلا بدأت التفيذ و لكنى لقيت ان الكلام اللى انا قريته مش صح
يعنى الموضوع سهل جدا و مش محتاجين نفك العلبة اللى حوالين الطارة و لا اى نحط جزء من فيوز حديد على الصباع و لا اى كلام
الخطوات
1- هنيجى عند الجزء اللى بتدوس عليه عشان الكلاكس و بمفك عادة تنطره لبره
2 هنلاقى ترملتين ماكسين فى الجز ده اللى موصلين الكهربا للكلاكس
3 هنفك طبعا الترملتين دول و هنلاقى الجزء اللى بندوس عليه بقى فى ايدك لوحده
4بص على ظهر الجزء اللى فى ايدك هتلاقى 4 فتحات بنفس المفك العادة دخل سن المفك جوا واحدة واحدة و فكهم دى بتبقى كلبسات ماسكة الجزئين فى بعض
5 بعد ما تفك الجزئين دولمن بعض بص على الجزء الخلفى ( مش اللى بتدوس عليه ) التانى بقى بص عليه هتلاقى ان فى زى ريشة لما بندوس على الكلاكس بالتالى الريشة دى بتتحرك عشان تلمس فى جزء تانى تحتها ثابت و هو ده اللى بيعمل صوت اللاكس
المهم
6 هات ورده رفيعة و عريضة ( وردة مسمار عادية بس تكون رقيقة و عريضة و حاول تلزقها فى الجزء الثابت اللى الريشة بتتحرك عشان تلمسة و ثبتها باى حاجة انا عن نفسة لزقتاه من الاحراف بتاعه الورده بالشمع البلاستيك ده مسدس شمع يعنى
7 ركب كل حاجة بنفس الطريقة اللى فكيت بيها و جرب

و ابقو ادعولى

على فكرة ان مصور كل اللى انا عملته بس مش عارف ارفع الصور ازاى تقريبا الصور حجمها كبير فمش راضية تترفع
انا حاولت اشرح بالظبط اللى عملته و لو فى اى حد حب يستفسر عن اى حاجة فى الموضوع ده انا عنيا ليه و لو حد مش عارف يعملها و كان قريب من امبابة و حب انى اعملهاله برضو من عنيا الاتنين الموضوع بسيط مياخد اكتر من 10 دقايق

و هحاول اشوف طريقة ارفع بيها الصور

و ادعولى ان ربنا يفك كربى فى شغلى و يوفقنى و لا تنسونا من صالح الدعاء

**MMamdouh** · 04-07-2010 01:12 AM

المشاركة الأصلية كتبت بواسطة namla

مساء الفل على احلى شباب و احلى منتدى سيارات
كانت واجهتنى مشكلة ان الكلاكس لما ابدوس عليه من فوق بيلقط على طول و لما بدوس عليه من تحت مش بيلقك
المهم قريت كذا موضوع عن الحكاية دى و فعلا بدأت التفيذ و لكنى لقيت ان الكلام اللى انا قريته مش صح
يعنى الموضوع سهل جدا و مش محتاجين نفك العلبة اللى حوالين الطارة و لا اى نحط جزء من فيوز حديد على الصباع و لا اى كلام

على فكرة امشكلة اللى عندك غير المشكلة اللى بيتفكلها العلبة و تركيب جزء من الفيوز فا متقولش على حاجة انها مش صح قبل ما تتاكد ان اللى انت بتقولة صح

MMamdouh

**ahmedaliaeg** · 04-07-2010 09:43 AM

دى مشكله ضاغط الكلاكس ودى سهله لان الضاغط بيتباع جديد ب 35 جنيه
اما مشكله الصباع النحاس لازم فك الفبر ولازم تذود الصباع لتعويض نسبه التائكل الناتجه عن احتكاك الصباع النحاس
بلطاره
حاول انك متقيمش موضوع حد الا لما تتائكد من المشكله وطريقه حلها

**mohfud** · 04-07-2010 09:45 AM

100000 %%%%%%%%%%%%%%%%%%

**احمد ابراهيم** · 04-07-2010 10:24 AM

المشاركة الأصلية كتبت بواسطة mmamdouh

على فكرة امشكلة اللى عندك غير المشكلة اللى بيتفكلها العلبة و تركيب جزء من الفيوز فا متقولش على حاجة انها مش صح قبل ما تتاكد ان اللى انت بتقولة صح

mmamdouh

المشاركة الأصلية كتبت بواسطة ahmedaliaeg

دى مشكله ضاغط الكلاكس ودى سهله لان الضاغط بيتباع جديد ب 35 جنيه
اما مشكله الصباع النحاس لازم فك الفبر ولازم تذود الصباع لتعويض نسبه التائكل الناتجه عن احتكاك الصباع النحاس
بلطاره
حاول انك متقيمش موضوع حد الا لما تتائكد من المشكله وطريقه حلها

المشاركة الأصلية كتبت بواسطة mohfud

100000 %%%%%%%%%%%%%%%%%%

على فكرة انا كلامى مكانش المقصود منه اى اساءة من اى نوع لاى عضو او لاى موضوع و هذا لا يعنى التقليل من اهمية اى موضوع و لاحد اخواننا او خبرائنا او اى حد
ممكن يكون فى عيب تانى قريب من اللى بتكلم علية و طريقة اصلاحه بطريقة الفيوز
جايز يكون صياغة الكلام مكانتش مناسبة
لكن الهدف الاساسى من الموضوع ان كلنا نستفيد و اكيد اان بقرأ مواضيع كتير و بستفيد منها
المهم انا بتكلم على تجربتى الشخصية
و على فكرة فى حاجة شوفتاه و ممكن نتناقش فيها
الصباع اللى عليه الخلاف ده اصلا راكب على سوستة يعنى لما بيحصله تاكل السوستة بترفعة لفوق تانى عشان يفضل ملامس لظهر الطاره
و كمان هو اتخن من الفيوز الا لو كان فى من الفيوزات دى احجام انا بصراحة معرفش لو فى منها احجام و لا لأ

المهم تانى لم يكن المقصود لشخص او موضوع و لكن الهدف هو مشاركة التجارب و دى تجربتى الشخصية

و طبعا شكرا على مروركم و مشاركتكم

و ياريت لو نفكر مع بعض فى حاكية ان الصباع النحاس ده راكب على سوستة لا ممكن مثلا نوصل لطريقة لتغيير الصباع ده اصلا او نعرف بتفك ازاى