الطريق الغربى ام الشرقى افضل للوصول لسوهاج
السلام عليكم ورحمه الله وبركاته
انا مشيت فى الطريق الشرقى والغربى منذ حوالى سنتين بس راكب ولست سائقا
والحمد لله معى الان سيارة ريجاتا نوفا 90 لى بعض الاسئلة اتمنى الاجابة عليها
ايهم افضل الطريق الغربى ام الشرقى رغم ان بحثى فى المنتدى اشادوا بالطريق الغربى
وانا ميال الى الطريق الغربى لكن بعض الاخوة قال انه عند الوصول الى اسيوط خذ الطريق الزراعى وكمل الى سوهاج مش عارف ليه
رغم ان بلدتى مدينة الكوامل لو كملت بعد اسيوط على نفس الطريق يدخلنى لها مباشرة لان كما اسمع من اهل بلدتى ان اللى بيكمل الطريق الغربى وحابب يدخل سوهاج نفسها بيدخل عن طريق بلدتى مدينه الكوامل
فاتمنى اعرف لماذا قال لى بعض الاعضاء فى مداخله اخى اياك ان تكمل على الطريق الغربى الى سوهاج وافضل لى ان ادخل زراعى بعد اسيوظ واكمل الى سوهاج
ثانيا بعض الاعضاء قال ان الطريق الغربى ينقصه قله البنزينات وهل يوجد بنزينات 80 ولا 90 ومافوق
وبالنسبه لسيارتى هل افضل اريحها بعد كل 150 كيلو مشى واجلس فى استراحة لمده نصف ساعه ولا اريح على مرتين
اعذرونى لان انا اكبر مسافه سوقتها 50 كيلو رايح وزيهم عودة ومقدرش احكم على سيارتى لانى مجربتهاش مشاوير طويله والحمد لله مقلتش باصلها معى
انا اعلم اننى هعمل تشيك كامل على السيارة من ربط عفشه وميكانيكى وكهرباء والذى منه
اتمنى من له دراية بالطريق يوصفه لى بالتفصيل ومن لديه خريطه بالطريق الغربى يبقى جزاءة خيرا عند الله
شكرا لجميع الاعضاء
