ياريتنى كنت معاهم
معلش انا كنت فى الشغل المره الجايه ان شاء الله
عرض للطباعة
ياريتنى كنت معاهم
معلش انا كنت فى الشغل المره الجايه ان شاء الله
اشتقنا لك كتير يا عمر
تتعوض ان شاء الله
[img2]http://img692.imageshack.us/img692/4484/frvmem2.jpg[/img2]
ده لينك صورة حذفت منها الجزء الأسفل لأن كرشى شكله وحش قوى فيها
[img2]http://img812.imageshack.us/img812/4484/frvmem2.jpg[/img2]
هى دى الصورة بس صغيرة شوية اوعدكم اعمل ريجيم
الصورة حلوة كتيير
وحضرتك زى الفل يا استاذ رضا
ده عز
يا سلام عليك يا استاذ / مصطفى دايما تمتاز برفع الروح المعنوية لأصدقاءك على العموم انا مش هنسالك الكلام الجميل ده و اشكرك على مجاملتك الرقيقة.
بالمناسبة انا دلوقتى فى التوكيل بعمل صيانة ال 2000 كم و المهندس قالى ان تغيير الزيت و الفلتر بيتكلف 380 ج و أخبرنى بأن بطء استجابة الموتور ده يرجع لأن الموتور دة تصميمه كده و انه يطلق عليه نوعية المواتير الباردة أى التى لا تستجيب بسرعة لكن تستجيب بعد فترة عندما يصل ال ار بى ام بعد 2.5 . كما أخبرنى ان الموديل ده نزل بفردة كلاكس واحدة و ده سبب شكواى من ان صوت الكلاكس واطى جدا بس قاللى هخليهم يحاولوا يضبطوه - هو اسمه المهندس / كريم - مش عارف اذا كنت تعرفه ولا لأ ؟
و بعدين انا حاسس ان سعر الصيانة غالى شوية ( زيت و فلتر ) ب 380 ج ؟؟؟
انا على حسب كلامهم هخلص الساعة 4:30 بعد الظهر و انا هنا من 12:00
ربنا يسهل بقى و ما يأخرونيش اكتر من كده
بالنسبة لسعر الصيانة فده العادى
وبخصوص البارد ده انا معنديش فكره عن الكلام ده اعتقد الموضوع ده محتاج ايضاح اكتر
ولو الكلام ده موجود ياريت نعرف عربيات ايه فى السوق بنفس الشكل البارد ده؟؟؟
والمهندس كريم بصراحة اول مره اسمع عنه انا دائما بروح ابورواش وهناك المهندس يس.
وعموما احنا يهمنا الإنطباع بعد الصيانه
وربنا يقدم اللى فيه الخير
انا مع مشمش. يعني ايه بارد !! مافيش حاجة كده.
انا كمان ما سمعتش عن حاجة بالشكل ده بس اللى فهمته من المهندس ان اللفظ ده بيطلق على السيارات اللى ما بتستجبش بسرعة فى السحب بتاعها - بس بصرف النظر عن التسميات دى لو هيفضل الأداء كده انا مايفرقش معايا بارد ولا حامى اللى يهمنى ان السيارة تستجيب بطريقة جيدة و ان السحب يبقى كويس و انا مش عايز اضايق نفسي و اتسرع فى الرد الا لما استلم السيارة و اشوف التغيير اللى حصل لآنى مصاب بخيبة أمل و مش هكون راضى عن أداء العربية لو هتفضل زى ما كانت . على العموم انا لسة فى التوكيل بقالى اربع ساعات و نص و لسة السيارة ما خلصتش و مش عايز ازن عليهم علشان ما يطلسقوهاش ليه .
انا عملت بحث على النت عشان اشوف ايه موضوع المواتير البارده دي ملقيتش حاجه
هل يقصد ان الماتور بارد بمعنى رخم يعني او رزل؟ طيب مهو لو الماتور كده يبقى ماتور قليل الأدب
معلش انا حبيت بس اهزر علشان فعلا مستغرب رد المهندس ده