موضوع الموتور بارد محتاج فعلا ايضاح اكثر انا مش ناقص قلق انا عمال اخلص في اجراءات السيدان fsv 1500 GLS
عرض للطباعة
موضوع الموتور بارد محتاج فعلا ايضاح اكثر انا مش ناقص قلق انا عمال اخلص في اجراءات السيدان fsv 1500 GLS
انا يا جماعة مصاب بأحباط شديد :36_7_4[1]:بعد ما أستلمت العربية من التوكيل بعد صيانة ال 200 كم اللى كنت معشم نفسى ان هيتحسن أداء الموتور بعدها و لقيت أداء العربية زى ما هى و لا يوجد اي تحسن فى الأداء بل يمكن على العكس الأول كان احسن شوية - موضوع المواتير الباردة دى كلام فارغ و انا مش مقتنع بيه و ما افتكرش ان فى عربيات محترمة ع الزيرو ممكن يبقى أدائها بالشكل ده و فى مطلع المقطم الموتور يخسع لغاية ما تديها التانى فى حين ان سيارتى الهيونداي الأكسيل اللى فات على موديلها 14 سنة و موتورها 1300 سي سي و ماشية 130 الف كيلو بتطلع المطلع على الرابع مرتاحة - يبدو ان كل الكلام ده لأخفاء حقيقة و هي إن الموتور ده مش كويس و إن فيه عيب فني و انا مش بأتكلم على البريليانس عموما او على ال frv الموديلات قبل سنة 2010 انا بتكلم على الموتور بتاع موديل 2010 اللى هو 1500 سى سى اللى بيقولوا عليه يعمل بتكنولوجيا حديثة و متطورة - ارجو من كل من يمتلك هذه السيارة ان يبدى برأيه فى الأستطلاع و يقولنا رأيه علشان نعرف إذا كانت المشكلة دى عامة ولا خاصة ؟ و انا قابلت اتنين فى التوكيل بيعملوا صيانة ال 2000 كم زي حالتى و بيشتكو من نفس الشكوى علاوة على ارتفاع سحب البنزين و انا ايضا باعانى منها - و أخذت نمرة تليفون واحد منهم و هاتصل بيه علشان اعرف ايه اخبار عربيته اول باول بس هم مش اعضاء فى المنتدى .
انا رقم موبايلى 0101549682 و اللى عنده شكوى مثلى فى نفس الموضوع و نفس السيارة و الموديل يكلمنى و نجمع بعض و نرتب ميعاد و نروح للتوكيل علشان يشوفولنا حل . أيه رأيكم ؟
سونسون باشا, انا محبط تماما انا كمان. الفكرة اني مسافر بالعربية التنية و ال frv مركونة في الجراج في القاهرة. علاشان كده انا لسه حتى مجربتش موضوع مكنة الزجاج. المهم انا كنت متوقع النتيجة ديه علشان كل مناقشات التوكيل كانت بتعوم الموضوع و ترمي بعد صيانة ال 2000 بعد ال 10000, ده كده زحلقة.
كده مفيش غير خطوتين.
1- نلم اكبر عدد ممكن و نطلب ميعاد مع الادارة (مش مركز الصيانة) و يكون الهدف واضح. حل المشكلة. و حل المشكلة ملوش علاقة بالصيانة و لا التليين. و يكون في اطار زمني محدد
2 - في حالة الفشل لا قدر الله (و ده انا متوقعه) يبقى مفيش غير نلم نفسنا نفس اللمة و نروح حماية المستهلك و الله المستعان. انا سامع ان الناس ديه محترمة و عملة شغل كويس
اقترح على سونسون باشا (بصفتوا قائد المسيرة) عمل توبيك مخصوص للموضوع ده لسببين
1- تحذير الناس البيفكروا يجيبوا العربية
2- الحشد
أنا موافقك على كل اللى بتقوله بس اهم حاجة انك تجرب عربيتك و تلاحظ بنفسك الملاحيظ دى و تتأكد انها موجودة بالفعل - انا عامل استطلاع عن أداء السيارة دى بالذات و هعمل موضوع تانى عن السيارة دى فقط و كل واحد يحط ملحوظته و انا محتاج الأخوة اللى عندهم موديل 2009 او قبل ذلك - يجربوا مننا العربية دى و يقارنوا بين أدائها و أداء سياراتهم - يعنى على سبيل المثال الأخ مصطفى ( مشمش 78 ) ساكن جارى فى المقطم و انا بأستأذنه يوم يكون فاضى فيه و يجرب السيارة بتاعتى بنفسه و يقوللى انطباعه عن أدائها و يقارنه بسيارته و بالتالى يبقى كسبنا أصوات زيادة فى صفنا - أيه رأيكم ؟ بس بالنسبة لتحذير الناس من شراء السيارة انا ليه رأي تاني ان لازم نتأكد الأول ان السيارة بالفعل فيها مشكلة مؤكدة و لا يختلف عليها اتنين من مستعملى هذه السيارة . بس انا لو هنصح الناس انصحهم اما يشتروا موديل 2009 لو لسة موجود منه ال 1600 سي سي أو يشتروا السيارة ال 1600 سي سي موديل 2010 . بس أفضل موديل 2009 .
شوف يا باشا المشكلة مؤكدة , انت مش مبسوط من عربيتك مع ان عربيتك القديمة اكسيل مش سيفك يعني. و انا حاسيت بيها قبل مطلع من الجراج بس كنت بكدب نفسي. م/ جون قال هتظبط بعد ال 2000 يعني عارف ان فيه مشكلة. مهندس التوكيل قالك الموتور بارد يعني برده عارف . انت قبلت 2 قالو نفس الكلام. و ارجع تاني ليا انا و انت, احنا مش اول مرة نركب عربيات, العربية فيها مشكلة. انا ركبت كل عربيات الغلابة (128, لادا 2105, لادا 2017, لادا نيفا, سكودا فلشيا 95, اوبل كورسا 98, بولو 98, بيجو 505 80, لانوس 2000 كوري, لانوس 2006 مصري, ابسبرنزا, افيو) . كل العربيات ديه انا عارفها كويس جدا مش سوقتها مرة كده. الانوس المصري فيها شوية نفس المشكلة, خد بالك شوية و مش بالطريقة ديه و مش كلها.
على العموم فكرة التجربة ديه كويسة, وممكن لو انت كمان تجرب ال 2009 .
بس الاحسن لو حد عندو جهاز يقيس كام حصان ؟ انا شفت حاجة كده في التلفزيون, بس معرفش فيه في مصر؟
و شوف اللينك ده كده, ده لسه النهرده
ط.ظ…ط§ظٹط© ط§ظ„ظ…ط³طھظ‡ظ„ظƒ ظٹط¹ظ„ظ† (ط§ظ„ط·ظˆط§ط±ط¦) ط¨ط¹ط¯ ط²ظٹط§ط¯ط© ط§ظ„ط´ظƒط§ظˆظ‰ .. ظˆظٹظ„ط²ظ… (ظپظˆط±ط¯) ط¨ط¥طµظ„ط§ط. 246 ط³ظٹط§ط±ط©
الموضوع ده يضايق بجد الله يكون في عونكم وتلاقوا حل للمشكلة
انا كمان من بكرة ان شاء الله هاحاول مع البنك ارجع في كلامي واغير 1500 ب 1600 سيسي وربنا يسهل ويخلص الموضوع
تنمياتي لكم بالتوفيق
طبعا يا جماعة انا زى مقلت موضوع الموتور البارد ده كلام مش علمى بالمرة وملوش علاقة بالهندسه
الأمر الأهم ان فى دلوقتى مشكله فى عزم الموتور وده اللى لازم نعرفه هو عزمها الأقصى عند كام لفه
الشئ الآخر لازم نعرف كام واحد معاه العربية وزى مقال الأستاذ سونسون عندهم نفس الشكوى ام لا
طبعا موضوع ان العربية كام حصان معتقدش ان الكلام ده مهم الأهم هو هى بتسحب اكويس امتى
يعنى معنى كلامى انها ممكن بتسحب كويس بعد 2500 لفه يعنى الموضوع عزم وعدد لفات موتور
بخصوص حماية المستهلك فهما محترمين جدا بس لازم يكون فى مشكلة وشكوى عامه والأهم ان
المشكلة تكون قابلة للقياس...
الأهم بقه ان طالما فى حق يبقى لازم نسعى وراه وان شاء الله حنخده
وبخصوص دعوة الأستاذ سونسون فطبعا ان تحت امره وتحت امر الجميع فى اى مساعده
وربنا ييسر الحال
كلام جميل جدا انا قرأت اللينك و ده كلام تمام بس دلوقتى انا أستاذنك لو تقدر تقابلنى أو تتصل بيه علشان نحدد العيوب المشتركة و يا ريت باقى العضاء اللى بيشتكوا من نفس العيب يتصلوا بيا و نتقابل و نشوف هنعمل ايه و انا أفضل إننا بعد ما نتجمع نعمل أجتماع مع المهندس / جون بعد ما يرجع من اجازته و نتكلم كلنا مجتمعين على رأى واحد و مشكلة واحدة - و هو انسان محترم جدا و مستمع جيدو متفهم و أنا اعتقد انه هيبذل قصارى جهده فى حل المشكلة ده أذا كان لها حل عنده و بعد كده لو مل أتحلش الموضوع يبقى نلجأ لجهاز حماية المستهلك . رقم موبايلى 0101549682
أتصل بيا و خلينا نتكلم على الطبيعة أفضل - انا اسمى رضا
تحياتى
عموما انا ان شاء الله معاكم فى الإجتماع ده
وربن اييسر الحال